1 SAMUEL 15:14 - Lai (Hakha) Common Language Bible 2006

¹⁴ Cun Samuel nih, “A si kun ahcun, tuu awnh ka hna i a lutmi hi le cawtum pawt ka theihmi hi zeidah a si kun?” tiah a ti.

1 SAMUEL 15:14 ပူးပေါင်းရင်းမြစ်များ

SALM 36:2

Amah le amah sang tuk i aa ruah caah cun Pathian nih ka sualnak kha a hmu lai lo i sual a ka phaw lai lo tiah a ruah.

EXODUS 32:21

Aaron cu a thawh i, “Hi mi hna hi na cung i zei an tuah ruangah dah hi bantuk sualnak ṭihnung hi na tuahter hna?” a ti.

LUKA 19:22

Amah cu a thawh i, ‘Sal ṭhalo. Nangmah bia lila cu nangmah biaceihnak ah ka hman lai. Nangmah nih keimah cu mikhepkha ka si le ka ta a si lomi a la tawn i ka tuh lonak hmun i a zun tawntu ka si cu na hngalh.

ROM 3:19

Nawlbia chung bia cu Nawlbia tang i a ummi hna caah khan a si ti kha kan hngalh; cu tiin a sinak cu mi nih silhnalh khawhnak zeihmanh an ngeih khawh nakhnga lo le vawlei cu a ningpi in Pathian biaceihnak hmai i a dir ding a si kha a langh nakhnga caah a si.

1 KORIN 4:5

Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

1 SAMUEL 15:15

Saul nih, “Amalek mi hna sinin an ratpimi an si; zeitintiah mi nih tuu lak i a ṭha bik hna le cawtum lak i a ṭha bik hna kha Bawipa na Pathian sin i raithawi awkah an zuah hna; cun a dang vialte cu kan hrawh cikcek hna,” tiah a ti.