1 SAMUEL 15:13 - Lai (Hakha) Common Language Bible 2006

¹³ Cun Samuel cu Saul sinah a ra i Saul nih khan amah cu, Bawipa nih thluachuahnak in pe ko seh; Bawipa nawlbia cu ka tuah cang,” tiah a ti.

1 SAMUEL 15:13 ပူးပေါင်းရင်းမြစ်များ

GENESIS 14:19

thluachuah a pek i: “Van le vawlei a sertu Cung Nung Bik Pathian nih Abram cu thluachuah in pe seh.

GENESIS 3:12

Mipa nih cun, “Na ka serpiakmi nu nih khan thei cu ei awkah a ka pek i ka ei,” tiah a leh.

2 SAMUEL 2:5

Jabesh-gilead mi sinah cun lamkaltu a hei thlah hna i, “Nannih nih hi zumhawktlaknak kha nan bawi Saul cungah nan langhter i nan vui caah Bawipa nih thluachuahnak in pe ko hna seh!

PHUNGTHLÛKBIA 27:2

Nangmah kaa nih si loin midang tu nih in thangṭhat deuh hna seh, nangmah hmur nih si loin khual tu nih in thangṭhat deuh hna seh.

PHUNGTHLÛKBIA 28:13

A palhnak kha a thupmi cu khua-awng a tong lai lo, sihmanhsehlaw a phuang i a hlawmi nih cun zaangfahnak a hmuh lai.

PHUNGTHLÛKBIA 30:13

A ṭha hringhran i aa ruatmi zong an um, aize, a ṭha tuk hringhran ah khin pei an i ruah cu!

PHUNGTHLÛKBIA 31:31

Amah cu a kut theitlai ruangah khan thangṭhat u, Hauka ah khan amah cu a rianṭuannak nih khan upatnak hmuhter seh.

LUKA 17:10

Nannih zong cu bantuk cu nan si ve ko, tuah u tiah fialmi rian kha nan tuah dih tikah, ‘Kannih cu sal santlailo kan si, kan tuah awk hnga rian a simi lawng pei kan tuah ko cu,’ va ti u,” tiah a ti hna.

LUKA 18:11

Farasi pa cu a dir i hi bantukin thla a cam: ‘Maw Pathian, kei cu midang bantukin hak a kaumi, lih a chimmi, nu le pa sualnak a tuahmi, ka si lo caah nangmah cu kan lawmh; cun khi ngunkhuai khawltupa bantuk zong khi ka si lo caah kan lawmh fawn.

BIACEIHTU 17:2

Cun amah nih a nu sinah, “Ngun phar thong khat le za khat an in lakpiak i cu kong i chiat na ser i ka hna theih ah na chimmi kha, zohhmanh, ngun kha ka sinah a um ko; keimah nih ka lak,” tiah a ti. Cun a nu nih, “Ka fapa cu Bawipa nih thluachuah pe ko seh,” tiah a ti.

RUTH 3:10

Cun anih nih, “Ka fanu, Bawipa nih thluachuahnak in pe ko seh; tlangval a sifakmi siseh, a rummi siseh na zulh hna lonak ah hin, a hmasa bik i nak hmanh khan hi a hmanung bik na vel hi na dawhter deuh cang.

1 SAMUEL 13:10

Khangh thawinak kha a pekchanh dih kate ah khin, zohhmanh, Samuel kha a ra; cun Saul nih khan amah ton awkah a kal i salaam a pek.

1 SAMUEL 15:11

“Saul cu siangpahrang i ka rak ser caah hin kaa ngaichih; zeicahtiah keimah zulhnak in aa mer cang i ka nawlbia kha a tuah hna lo,” tiah a ti. Cun Samuel cu a thin a hung i Bawipa kha zan khuadei in a auh.

1 SAMUEL 15:20

Cun Saul nih Samuel sinah cun, “Bawipa aw cu ka zulh ko, Bawipa nih a ka thlahnak rian ah khan ka kal ko, Amalek siangpahrang Agag kha ka ratpi i Amalek mi kha ka hrawh cikcek ko hna.

1 SAMUEL 15:9

Sihmanhsehlaw Saul le mi hna nih khan Agag le tuu lak i a ṭha bik hna le cawtum lak i a ṭha bik hna le cenhmi saṭil thauthau hna lakin a ṭha bik hna le, tuufa hna le a ṭhami vialte kha an zuah hna i an hrawk cikcek duh hna lo; a ṭhalo le santlailo vialte lawng kha an hrawh cikcek hna.

1 SAMUEL 23:21

Cun Saul nih, “Bawipa nih thluachuah in pe ko hna seh; zeitintiah keimah cungah zaangfahnak nan ngei.

1 SAMUEL 25:14

Sihmanhsehlaw Nabal sinum hna lak i pakhat nih Nabal nupi Abigail kha a va chimh i, “Zohhmanh, David nih kan bawipa kha biakchawnh awkah ramlak in mi a rak thlah hna i annih cu a rak sik hna.