1 SAMUEL 15:11 - Lai (Hakha) Common Language Bible 2006

¹¹ “Saul cu siangpahrang i ka rak ser caah hin kaa ngaichih; zeicahtiah keimah zulhnak in aa mer cang i ka nawlbia kha a tuah hna lo,” tiah a ti. Cun Samuel cu a thin a hung i Bawipa kha zan khuadei in a auh.

1 SAMUEL 15:11 ပူးပေါင်းရင်းမြစ်များ

GENESIS 6:6

minung a rak ser hna i vawlei cung i a rak umter hna kha a ngaih a chia. Aa ngaichih i,

GENESIS 6:7

“Ka sermi minung vialte hna hi vawleicung in ka hloh dih hna lai. Saram vialte le va vialte he ka hloh dih hna lai, ka rak ser hna hi kaa ngaichih,” a ti.

2 SAMUEL 24:16

Cun vancungmi nih khan hrawh awkah Jerusalem leiah a kut a hei samh tikah, ṭhat lonak kha Bawipa cu aa ngaichih i mi lak i rawhralnak a tuahtu vancungmi sinah khan, “A za cang, na kut kha ṭhum cang,” tiah a ti. Cun Bawipa vancungmi cu Jebus mi Araunah phuhri pawngah khan a um.

1 SIANGPAHRANG 11:9

Cun Bawipa cu Solomon cungah a thin a hung, zeicahtiah Bawipa, Israel Pathian, a sinah voi hnih a rak lang i

1 CHANRELNAK 10:13

Cuticun zumhawktlak a si lo ruangah Saul cu a thi; Bawipa sinah zumh tlak a si lonak cu Bawipa nawlbia a zulh lonak kha le

1 CHANRELNAK 21:15

Cun Pathian nih vancungmi cu Jerusalem kha hrawh awkah a thlah; sihmanhsehlaw hrawh hnik a vun zalh ah khin Bawipa nih a hmuh i ṭhat lonak kha Bawipa cu aa ngaichih i hrawktu vancungmi sinah cun, “A za cang, na kut kha ṭhum cang,” tiah a ti. Cun Bawipa vancungmi cu Jebus mi Ornan phuhri pawngah khan a dir.

JOB 34:27

Zeicahtiah amah nawl ngaih kha an ngol i a lam kha zei ah an rel lo.

SALM 109:4

Ka daw ko hna na le an caah thla ka cam ko nain an ka doh.

SALM 110:4

Bawipa nih a fekmi biakamnak a tuah i a let ṭhan lai lo, “Nang cu zungzal in tlangbawi na si lai, Melkhizedek tlangbawi a sining in na si lai,” a ti.

SALM 119:136

Mi nih na phunglam kha zulh an duh lo caah an mitthli cu tiva bangin a luang.

SALM 125:5

Sihmanhsehlaw anmah lam, lam ṭhalo a zulmi hna cu, miṭhalo dan na tat hna tikah khan, dantat ve ko hna. Israel cungah daihnak um ko seh.

SALM 36:3

A kaa chuak bia cu bia ṭha lo le lih lawng an si i mifim si i thil ṭha tuah kha a ngol cang.

SALM 78:41

Atu le atu Pathian kha an hneksak, atu le atu Israel Mi Thiang kha a thin an hunter.

SALM 78:57

an pu an pa hna bantuk khan ral thawh hmang le zumh awk tlak loin an um ve, aa merhmi likuk in kahmi thal cu a ka a kheng khomi a si lo caah i bochan khawh ding a si lo bantukin annih zong bochan awk a tlakmi an si ve lo.

EXODUS 32:11

Sihmanhsehlaw Moses nih Bawipa a Pathian cu a nawl i, “Maw Bawipa, zeicahdah Izipt ram in na ṭhawnnak le na lianhngannak he na chuahpimi na mi hna cu na thinhunnak in na khangh hna lai?

EXODUS 32:14

Cucaah Bawipa cu a lung aa thleng i ka tlunter lai a timi thil ṭhalo kha Israel mi cungah cun a tlunter ṭhan lo.

JEREMIAH 11:10

An pupa hna sualnak ah khan an kir ṭhan i ka bia kha ngaih an duh lo; pathian dang hna kha an zulh hna i an biak hna; Israel le Judah nih an pupa hna he ka rak tuahmi biakamnak kha an hrawh.

JEREMIAH 13:17

Cu bantukin a thukmi muihnak chung i nan um hmanh i nan ngaih duh lo ahcun, Lungthin fah tuk ah a ṭah lawng ka ṭap lai i ka mitthli lawng a tla ko lai; Zeicahtiah Bawipa tuurun cu sal ah kalpi an si cang.

JEREMIAH 34:16

Asinain, nannih zong nih ka min cu nan thurter ṭhan cang. Nannih nih nan luatter cangmi sal hna kha nan dihlak in nan lak ṭhan hna i nu he pa he nan sal ah hramhram in nan ser ṭhan hna.

JEREMIAH 9:1

Ka lu hi tikhor hei si seh law, Ka mit hi mitthli cerhtiput hei si seh law ka hei duh dah, Cuticun ka mi a thimi hna kha chunzan in ka ṭah khawh hna hnga.

JEREMIAH 9:18

Khulrang in ra hna seh law ka ṭah hna seh, Kan mitthli a luan i kan mitthli a tlak nakhnga.

EZEKIEL 18:24

“Cun miding mipa nih a ziaza ding kha a hlawt ko hnga i miṭhalo mipa nih fihnung a phunphun a tuahmi kha a tuah ve ko hnga; mah hihi tuah buin a nung ko hnga maw? Nung hlah, dinnak a rak tuahmi vialte kha hngalhpiak a si lai lo; zumhawktlak loin a nung, a sual i cucaah cun a thi lai.

AMOS 7:3

Cun Bawipa nih cun a bia cu a let i, “Hihi cu a tlung ṭhan kun lai lo,” tiah a ti.

JONAH 3:10

Pathian nih an tuahmi kha a hmuh i an ziaza ṭhalo an hlawt kha a hmuh tikah aa ngaihchih i an cungah ka tlunter lai a timi ṭhat lonak kha a tlunter ṭhan lo.

JONAH 4:2

Cucaah Bawipa sinah cun thla a cam i, “Maw Bawipa, ka ram chung i ka um liote khan, mah hite hi pei na tuah te ṭheo lai tiah ka rak phanmi kha a si cu; cucaah cun pei Tarshish khua lei i ka rak zam kha a si cu! Nangmah cu vel a ngei i zaangfah a hmang i thin a fual i lung a sau i chiatnak ka tlunter lai na timi kha tlunter ṭhan lo awkah a lung a thleng ṭhan tawnmi Pathian na si kha ka hngalh.

ZEFANIAH 1:6

Bawipa kha hnulei an chit i Bawipa kha an kawl lo i ruahnak an hal lo.

MATTHAI 24:13

Sihmanhsehlaw a dongh tiangin a fekmi cu khamh an si lai.

MATTHAI 5:44

Sihmanhsehlaw kei nih cun, hitihin kan ti hna: nan ral kha va daw hna u law an hremtu hna kha thla va campiak hna u,

LUKA 6:12

Cu caan lioah cun ni khat cu tlang cungah thlacam awkah a kal i zan khuadei Pathian sinah thla a cam.

HEBRU 10:38

Ka miding mi hna nih cun an zumh lai i an nung lai; Sihmanhsehlaw ahohmanh aa letmi cu an cungah ka lung aa lawm lai lo,” tiah a ti bang khan a si lai.

JOSHUA 22:16

“Bawipa mibu nih an ning piin, ‘Israel Pathian cungah nan tuahmi rawinak hi zeidah a si, nihin ah Bawipa kha doh awkah Bawipa zulhnak khan nan pial i biakṭheng pakhat nan i ser hi a sullam zeidah a si?

1 SAMUEL 12:23

Cuhleiah nan ca i thlacam ka ngol thawngin Bawipa cung i sualnak ka tuah hnga cu ka duh ding naisai a si lo; lam ṭha le lam ding chung kal awk kha kan cawnpiak ko hna lai.

1 SAMUEL 13:13

Cun Samuel nih Saul cu, “Na tuahmi hi hruhnak ngaingai a si; Bawipa na Pathian nih an pekmi a nawlbia cu na zul lo; zeicahtiah atu cu, Bawipa nih na pennak cu Israel mi cungah zungzal ca in a hei fehter ko hnga.

1 SAMUEL 15:10

Bawipa bia cu Samuel sinah a ra phan:

1 SAMUEL 15:3

Atu cu va kal law, Amalek kha va tu, an ngeihmi vialte kha va hrawk dih; zuah hna hlah, sihmanhsehlaw pa thlulo nu thlulo, ngakchia thlulo, bawhte thlulo, tuu thlulo, kalauk thlulo, laa thlulo in va that hna,’ a ti,” tiah a ti.

1 SAMUEL 15:35

Samuel nih Saul cu a thih ni tiangin a hmu ṭhan ti lo, sihmanhsehlaw Samuel cu Saul kongah khan a ngaih a chia ko. Cun Bawipa cu, Israel mi hna siangpahrang i Saul a rak ser kha, aa ngaihchih.

1 SAMUEL 15:9

Sihmanhsehlaw Saul le mi hna nih khan Agag le tuu lak i a ṭha bik hna le cawtum lak i a ṭha bik hna le cenhmi saṭil thauthau hna lakin a ṭha bik hna le, tuufa hna le a ṭhami vialte kha an zuah hna i an hrawk cikcek duh hna lo; a ṭhalo le santlailo vialte lawng kha an hrawh cikcek hna.

1 SAMUEL 16:1

Bawipa nih Samuel sinah cun, “Israel mi hna cung i siangpahrang a sinak in ka hlawt na hmuhmi Saul kong ah hin zei can dah ngaihchia in na um lai? Na ki ah khan chiti rawn law, va kal tuah; nangmah cu Bethlehem khuami Jesse sinah kan thlah lai, zeicahtiah amah fapa hna lakah siangpahrang ca i kaa thimmi a um cang,” tiah a ti.

1 SAMUEL 8:6

Sihmanhsehlaw, “A kan uktu ah siangpahrang pakhat kan pe,” an ti tikah, cu thil nih cun Samuel kha a lawmhter lo. Cun Samuel nih Bawipa sinah thla a cam.