1 SAMUEL 14:6 - Lai (Hakha) Common Language Bible 2006

⁶ Cun a ralthuam putu tlangval sinah cun Jonathan nih, “Hi cuarpartan lomi hna an ralvengtu ralkapbu sinah khin va kal tuah u sih; Bawipa nih kan caah rian a hei ṭuan ko hmanh hnga maw, zeitintiah khamhnak cu mi tam thawngin a si ah siseh, mi tlawm thawngin a si ah siseh, Bawipa cu zeihmanh nih a dawnh khawh ṭung lo,” tiah a ti.

1 SAMUEL 14:6 ပူးပေါင်းရင်းမြစ်များ

2 SAMUEL 1:20

Gath khua ah va thanh hlah u, Askelon khuachung lam zongah va chim hlah u, Filistin fanu hna kha an i lawm sual hnga i Cuarpartan lomi fanu hna kha an di a riam sual hnga.

2 SAMUEL 16:12

Bawipa nih ka retheihnak hi a ka hmuhpiak hnga i nihin i chiat a ka serhmi ruangah hin ṭhatnak in a hei ka lehrulh ko hnga dahkaw,” tiah a ti.

2 SIANGPAHRANG 19:4

Assiria siangpahrang nih a nungmi Pathian zawmhtaih awkah a ralbawi ngan bik cu a rak thlah cang. Amah bia vialte cu Bawipa na Pathian nih a theih zong a theih ko cang lai i a theihmi bia cu pakpalawng ah a can zong a canter ko lai; cucaah a tang rihmi a tangmi tete hna caah hin thla cam tuah,’ a ti,” tiah an ti.

2 CHANRELNAK 14:10

Cun amah cu Asa nih a hei chuahhnawh ve i Mareshah i Zefathah nelrawn ah cun i doh awkah an i tiang.

2 CHANRELNAK 14:11

Cun Asa nih Bawipa a Pathian kha a auh i, “Maw Bawipa, a ṭhawngmi le a dermi karlak ah, bawmtu nangmah bantuk ahohmanh an um lo. Maw Bawipa kan Pathian, kan bawm ko sawh, zeitintiah nangmah kha kan in bochan i hi mibu nganpi hi nangmah min in kan chuahhnawh hna. Maw Bawipa, nangmah cu kan Pathian na si; minung nih nangmah cu in tei hna hlah seh,” tiah a ti.

SALM 135:6

Vancung ah siseh, vawlei cungah siseh, rili chungah siseh, rili tangah siseh, a duhmi paoh kha a tuah ko.

JEREMIAH 9:23

Hi bangin Bawipa nih a ti: “Mifim nih a fimnak kha i porhlaw hlah seh, miṭhawng nih a thazang kha i porhlaw hlah seh, mirum nih a rumnak kha i porhlaw hlah seh;

JEREMIAH 9:25

Bawipa nih, “Chunglei in si lo i pumsa lawngin cuarpartan a simi hna Izipt mi hna le Judah mi hna le Edom mi hna le Ammon mi hna le Moab mi hna le thetse ram i a ummi vialte hna le a sam aa metmi vialte hna cung i dantatnak ka tlunter lai caan kha a ra lio. Hi mi vialte hna le Israel mi hna hi an chunglei in an cuarpar an i tan lo,” tiah a ti.

AMOS 5:15

Ṭhat lonak kha hua u law ṭhatnak kha duh u; Biading kha biaceihnak zung ah bawiṭhutdan cungah ṭhutter u; Cuticun Bawipa, Ralkapbu Pathian cu Josef tefa a tangmi hna cungah khan zaangfahnak a hei ngei phum ko hnga.

ZEFANIAH 2:3

Ram chungah toidor tein a phung kha a zul i khua a sami vialte hna, Bawipa cu kawl tuah u; Dinnak cu kawl u, toidornak lungthin cu kawl u; Bawipa thinhun ni ah cun dornak nan hmu kho lai lo dahkaw.

ZEKHARIAH 4:6

Vancungmi nih cun Zerubbabel kha hi bia Bawipa sinin a rami hi va chimh awk a ka fial: Na tei ko lai, sihmanhsehlaw ralkap ṭhawnnak in a si lai lo, nangmah ṭhawnnak zongin a si lai lo, ka thlarau tu in a si lai.

NAMBAR 10:32

Cun kannih sin i na kal ahcun Bawipa nih kan cung i ṭhatnak a tuahmi paoh cu, mah cucu nangmah cungah kan tuah ve lai,” tiah a ti.

NAMBAR 31:4

Raldohnak ah cun Israel miphun vialte chungin mi thong khat cio nan thlah hna lai,” tiah a ti.

MATTHAI 19:26

Jesuh nih dengteo in a vun zoh hna i, “Hihi minung caah cun a si kho lo, sihmanhsehlaw Pathian caah cun zeizong vialte hi a si kho ko,” tiah a leh hna.

ROM 8:31

Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

DEUTERONOMI 32:30

An Lungpi nih a rak zuarh hna i Bawipa nih a rak hlawt cang hna dah ti lo ahcun, Zeitindah pakhat nih thong khat kha a dawi hna lai i, Pahnih nih thong hra cu an zamter hna lai?

FILIPI 3:3

Cuarpartan taktakmi cu anmah kha si loin, kanmah hi pei kan si cu; Pathian Thlarau thawngin Pathian a bia i Khrih Jesuh he aa pehtlaimi nunnak ah aa lawm i lenglei phunglam aa bochan lomi hi pei kan si cu.

JOSHUA 14:12

Cucaah Bawipa nih kha ni ah a rak chimmi tlangram cu atu ah hin ka pe tuah, zeitintiah Anak mi hna nih zeitindah khika ah kulhmi khualipi hna he an um kha, kha ni ah khan na rak theih cang. Bawipa nih a chim bang khan Bawipa nih a hei ka umpi hnga i ka hei ṭhawl khawh ko hna hnga dah kaw,” tiah a ti.

BIACEIHTU 15:18

Cun a ti a hal ngaingai i Bawipa kha a auh i, “Hi luatnak nganpi hi nangmah nih na salpa kut in na tlunter cang; atu ah hin tihal in ka thi i cuarpar tan lomi hna kut chungah ka tla ko lai maw?” tiah a ti.

1 SAMUEL 14:5

Lungpang pakhat cu chaklei ah Mikmash hmailei ah aa chong i a dang pakhat cu thlanglei ah, Geba hmailei ah aa chong.

1 SAMUEL 14:7

Cun a ralthuam putu nih khan a sinah, “Na lung nih a duhning te cun tuah ko; zohhmanh, na sinah ka um, na ruahnak bantukte cu ka ruahnak a si ve,” tiah a ti.

1 SAMUEL 17:26

Cun David nih a pawng i a dirmi hna cu, “Hi Filistin mipa a that i hi thangchiatnak Israel mi sinin a ṭhialtu cu, a cungah zeitindah tuah a si hnga? Hi cuarpartan lomi Filistin mipa hi aho rialmal dah a hei si i Pathian nung ralkapbu a hei zawmhtaih hna hnga cu!” tiah a ti.

1 SAMUEL 17:36

Na salpa nih hin chiandeih si hna seh, vom si hna seh, ka thah hna; cun hi cuarpartan lomi Filistin mipa hi anmah lak i pakhat cu a si ve lai, Pathian nung ralkapbu hna a zawmhtaih hna caah hin,” tiah a ti.

1 SAMUEL 17:46

Nihin ni ah hin Bawipa nih nangmah cu keimah kut chungah a ka pek lai i kan thah lai i na lu kan tan lai; cun Filistin ralkapbu chung i a thimi ruak hna cu nihin ah hin van i a zuangmi va hna le vawlei i a ummi sahrang hna sinah ka pek hna lai; zeitintiah vawlei cung dihlak nih Israel mi lakah Pathian a um ti kha an hngalh nakhnga le

1 SAMUEL 17:47

hi aa pummi vialte nih hin, vainam le fei in Bawipa khamhnak hi a si lo ti kha an hngalh nakhnga; zeitintiah hi raltuknak cu Bawipa ta a si i nannih cu kan kut chungah pek nan si lai,” tiah a ti.

1 SAMUEL 31:4

Cun Saul nih a ralthuam putu sinah khan, “Na nam kha i zuh law, tleng lak in ka chun, cu lo ahcun, cuarpartan lo pawl hi an ra lai i an ka chunh ṭhiamṭhiam ṭung lai i lentecelhnak ah an ka ser sual hnga,” tiah a ti. Sihmanhsehlaw a ralthuam putu nih khan a tuah duh lo, zeicahtiah a thin a phang ngaingai. Cucaah Saul nih amah vainam kha aa lak i a bawhkhuh.