1 SAMUEL 14:41 - Lai (Hakha) Common Language Bible 2006

⁴¹ Cucaah Saul nih, “Maw Bawipa, Israel Pathian, zeicahdah nihin cu na sal kha na ka leh lo? Hi mawhnak cu keimah chungah siseh, ka fapa Jonathan chungah siseh, a um a si ahcun, maw Bawipa, Israel Pathian, Urim langhter; sihmanhsehlaw hi mawhnak cu na mi Israel mi chungah a um a si ahcun, Thummim langhter,” tiah a ti. Cun Jonathan le Saul cungah khan a tla i mizapi kha cu an luat.

1 SAMUEL 14:41 ပူးပေါင်းရင်းမြစ်များ

PHUNGTHLÛKBIA 16:33

Camcawhfung cu phei cungah hrilh a si tawn, sihmanhsehlaw biakhiahnak taktak cu Bawipa sin lawnglawng in a si.

PHUNGTHLÛKBIA 18:18

Pa ṭhawng pahnih cu biaceihnak zung ah bia an i al ahcun, camcawhfung lawng nih an bia kha a khiah khawh.

JONAH 1:7

A hmanung bik ah lawngcawng hna nih cun an i thawh i, “Hi vanchiatnak kan tonmi hi aho ruangah dah a si hnga, camcawhfung kan zuk tuah lai,” an ti. Cucaah camcawhfung cu an khiah i Jonah cungah khan a tla.

LAMKALTU 1:24

Cun thla an cam i, “Bawipa, nangmah nih minung lungthin vialte cu na hngalh dih.

LAMKALTU 1:26

Cun cu hna pahnih lakah aho deuh cu dah kan thim lai tinak caah camcawhfung an zuh i an thimmi cu Matthias kha a si; cun amah cu lamkaltu pahleikhat hna bu chungah khan a lut.

1 SAMUEL 14:40

Cun Israel mi vialte sinah cun, “Nannih cu kam khat ah nan um lai i keimah le ka fapa Jonathan cu kam khat ah kan um lai,” tiah a ti. Cun mi zapi nih Saul cu, “A ṭha tiin na ruahmi cu tuah ko,” tiah an ti.

1 SAMUEL 14:42

Cun Saul nih, “Keimah le ka fapa Jonathan cungah khan camcawhnak cu tuah u,” tiah a ti i Jonathan cungah khan a tla.