1 SAMUEL 14:20 - Lai (Hakha) Common Language Bible 2006

²⁰ Cun Saul le a sinah a ummi vialte kha an i pum ṭhan i raldohnak chungah cun an lut; cun zohhmanh, anmah le anmah cu nam in an i tu ciammam i, i tuainak nganpi a um.

1 SAMUEL 14:20 ပူးပေါင်းရင်းမြစ်များ

1 SIANGPAHRANG 20:21

Cun Israel siangpahrang cu a chuak i rang le rangleng hna kha a tlaih hna i Siria mi cu tampi a thah hna.

2 CHANRELNAK 20:23

Zeitintiah Ammon mi le Moab mi hna nih khan Seir Tlang mi kha an tuk hna i an hloh cikcek hna, cun Seir i a ummi hna cu an thah dih hna hnuah anmah le anmah cu an i nawng dih.

ISAIAH 19:2

Bawipa nih aa thawh i, “Izipt ram chungah mah le mah i dohnak ka chuahter lai, u le nau kha an i do lai i innpa le innpa kha an i do lai. Khua khat le khua khat an i tu lai i siangpahrang pakhat le pakhat uknak an i cuh lai.

EZEKIEL 38:21

Gog doh awkah ka tlang hna cungah vainam kha ka auh lai i annih cu anmah le anmah kha pakhat le pakhat vainam in an i sam lai, a ti. Hihi Bawipa Pathian chimmi bia a si.

BIACEIHTU 7:22

Cun muko za thum kha an tum tikah Bawipa nih ralkap vialte cu anmah le anmah kha an vainam in a tukter ciammam hna i ralkap hna cu Zererah lei i Beth-shittah tiang an zam, Tabbath pawng Abel-meholah ramri tiangin.

1 SAMUEL 14:16

Cun Saul ralvengtu hna, Benjamin mi khua Gibeah i a ummi hna nih khan an hei zoh i, zohhmanh, mi bupi cu hilei khilei ah an i cavai len ko.

1 SAMUEL 9:16

“Thaizing atu tik hrawngah hin, na sinah Benjamin peng i mipa pakhat ka rak thlah lai i amah cu ka mi Israel mi hna cung i bawi si awkah chiti na rak thuh lai. Amah nih ka mi hna cu Filistin mi kut chungin a khamh hna lai; zeitintiah an aunak kha ka sinah a phak cang caah ka mi hna nih hremnak an inmi cu ka hmuh cang,” tiah a ti.