1 SAMUEL 14:15 - Lai (Hakha) Common Language Bible 2006

¹⁵ Cun riahhmun le lo lak le mi vialte lakah khan launak a um ciammam i ralvengtu ralkapbu le ral hranhtu ralkap hna hmanh cu an ther ko; cun vawlei aa hnin i launak nganpi ah a cang.

1 SAMUEL 14:15 ပူးပေါင်းရင်းမြစ်များ

GENESIS 35:5

Jakob le a fapa hna cu kal awk i an i thawh tikah khan, an pawngkam khuami hna cungah cun ṭihnak nganpi a tlung i cucaah an dawi ngam hna lo.

2 SAMUEL 5:24

Cun balsam thing par hna i kal thawng na theih tikah, khi tikah na cawlcang ve lai, zeitintiah khi tikah khan, Bawipa cu na hmaiah Filistin mi ralkapbu kha tuk awkah a kal cang a si lai,” tiah a ti.

JOB 18:11

Ṭihnak nih a kenkip in an chuahhnawh i a hnulei in an dawi lengmang.

SALM 14:5

Sihmanhsehlaw Pathian cu a nawl a ngaimi hna sinah a um caah annih cu an thin a phang ngaingai lai.

EXODUS 19:18

Bawipa cu Sinai Tlang cungah khan mei in a rung ṭum caah Sinai Tlang cu a dihlak in meikhu nih a zelh. Meikhu cu meiphu meikhu bantuk khin a kai hluahmah i mi zapi cu an dihlak in a ther in an ther.

DANIEL 5:6

Siangpahrang cu a lau tuk i a daang dih; a kut le a ke vialte kha an ther dih i a khuk kha aa hnin.

MATTHAI 24:6

Lam nai i an i tuknak thawng le lam hla i an i tuknak thawngpang kha nan theih hna lai; sihmanhsehlaw nan awlokchong hlah u. Cu bantuk thil cu an um hrimhrim awk a si ko, asinain a donghnak a phan cang tinak a si lo.

JOSHUA 2:9

mi hna sinah cun, “Bawipa nih hi ram kha an pek cang hna i nanmah kan in ṭihnak hna nih khan a kan nenh i hi ram chung ummi vialte kha nan hmaiah an ther dih cang, ti kha ka hngalh.

BIACEIHTU 7:21

Cun riahhmun a velchum khan an umnak hmun cio ah an dir i ralkap vialte cu an le dih; an au i an zamter dih hna.

1 SAMUEL 13:17

Cun Filistin mi hna riahhmun khan raltutu phu thum in an chuak; phu khat cu Shual ram i Ofrah leiah khan an kal,

1 SAMUEL 13:18

phu khat cu Beth-horon leiah an kal, cun phu khat cu ramlak lei Zeboim nelrawn vun zohtu pawng ri leiah khan an kal.

1 SAMUEL 13:23

Cun Filistin mi ralveng ralkapbu cu Mikmash i va lanhnak fiang ah khan an va kal.

1 SAMUEL 14:14

cun cu thahnak hmasa bik Jonathan le a ralthuam putu nih an tuahmi cu, tlangrel tuhnak kauh vawlei ah khin, leileh rinkuar a cheu can tluk ah khin, mi pakul tluk an thi.

1 SAMUEL 14:16

Cun Saul ralvengtu hna, Benjamin mi khua Gibeah i a ummi hna nih khan an hei zoh i, zohhmanh, mi bupi cu hilei khilei ah an i cavai len ko.

1 SAMUEL 7:10

Samuel nih khangh thawinak kha a pekchanh lioah Filistin mi cu Israel mi kha doh awkah lam nai ah an ra; sihmanhsehlaw khi ni ah Bawipa nih aw fak piin Filistin mi hna cu khuarit in a rithnawh hna i an i tuai dih; Israel mi hna hmai in an zam dih.