1 SAMUEL 14:12 - Lai (Hakha) Common Language Bible 2006

¹² Cun ralvengtu ralkapbu hna nih cun Jonathan le a ralthuam putu cu an hei kawh hna i, “Kan sinah hung u law, thil pakhat kan in hmuhsak hna lai,” tiah an hei ti hna. Cun Jonathan nih a ralthuam putu sinah cun, “Hun ka zul tuah; zeitintiah annih cu Bawipa nih Israel mi kut chungah a pek cang hna cuh,” tiah a ti.

1 SAMUEL 14:12 ပူးပေါင်းရင်းမြစ်များ

GENESIS 24:42

“Cun nihin i tikhor ka ra phak ah khan thla ka cam i, Bawipa, ka bawipa Abraham i Pathian, ka khualtlawnnak ah hin nangmah nih thluachuahnak ka pe ko.

GENESIS 24:48

Ka khuk kaa bil i Bawipa kha ka biak, cun lam ṭha tein a ka hruaitu Pathian, ka bawipa Abraham i a Bawipa kha ka thangṭhat. Amah nih cun ka bawipa i a unau inn ah hin a ka hruai i a fanu kha ka Bawipa fapa caah cun ka hmuh cang.

2 SAMUEL 5:24

Cun balsam thing par hna i kal thawng na theih tikah, khi tikah na cawlcang ve lai, zeitintiah khi tikah khan, Bawipa cu na hmaiah Filistin mi ralkapbu kha tuk awkah a kal cang a si lai,” tiah a ti.

2 SIANGPAHRANG 14:8

Cun Amaziah nih Israel siangpahrang, Jehu fapa Jehoahaz i fapa Jehoash sinah khan lamkal a hei thlah hna i, “Ra tuah, pakhat le pakhat hmaitonh tein i zoh tuah u sih,” tiah a ti.

BIACEIHTU 4:14

Cun Deborah nih Barak cu, “Tho tuah, zeitintiah nihin hi Bawipa nih Sisera cu na kut chungah an pek ni a si. Bawipa cu na hmaiah a kal a si lo mei?” tiah a ti. Cucaah Barak cu Tabor Tlang cun amah a zultu mi sang khat he cun an vung kal.

BIACEIHTU 7:14

Cun a hawipa nih cun, “Mah hihi zeidang zeidang si loin Israel mi Joash fapa Gideon i a vainam a si ko cu; Pathian nih Midian le ralkapbu vialte cu a kut chungah a pek cang hna,” tiah a leh.

BIACEIHTU 7:15

Gideon nih mang le a sullam kong an i chimh cu a theih tikah Pathian kha a biak; cun Israel riahhmun ah khan a ra kir i, “Tho tuah u, zeitintiah Pathian nih Midian ralkapbu cu nan kut chungah an pek cang hna,” tiah a ti.

BIACEIHTU 9:54

Khi tikah a hriamnam putu tlangvalpa cu khulrang in a auh i, “Na vainam kha i zuh law, ka that tuah, cu ti a si lo ahcun, ‘Nu pakhat nih a thah,’ an ka ti sual hnga,” tiah a ti. Cun a tlangvalpa nih cun tleng lakin a chunh i a thi.

1 SAMUEL 14:10

Sihmanhsehlaw annih nih, ‘Kan sinah hung tuah u,’ an ti ahcun, kan hung kal lai; zeitintiah mah hihi Bawipa nih annih cu kan kut chungah a kan pek cang ti hmelchunhnak a si lai,” tiah a ti.

1 SAMUEL 14:13

Cun Jonathan cu a kut le a ke i bawmh in a hung kai, a ralthuam putu nih cun a hnu in a zulh. Cun annih cu Jonathan hmaiah cun an tlu duahmah ko i a ralthuam putu zong nih a hnulei in a hun thah ve hna;