1 SAMUEL 14:1 - Lai (Hakha) Common Language Bible 2006

¹ Ni khat cu Saul fapa Jonathan nih khan a ralthuam a putu tlangvalpa sinah khan, “Ra law, khatte lei ral i Filistin mi ralvengtu ralkapbu sinah khin va kal tuah u sih,” tiah a ti. Sihmanhsehlaw a pa kha a chim lo.

1 SAMUEL 14:1 ပူးပေါင်းရင်းမြစ်များ

MIKAH 7:5

Na innpa kha va zum hlah, na hawikom zong vaa bochan hlah. Na nupi sin i na chimmi hmanh kha vaa ralring.

BIACEIHTU 14:6

cun Bawipa thlarau cu ṭhawng ngaiin a cungah a tlung i chiandeih cu meheh fa thlehbaoh bantuk ceo khin a thlehbaoh dih ko; a kut in zeihmanh aa put fawn ṭung lo. Sihmanhsehlaw a tuahmi kha a nu siseh, a pa siseh, a chim hna lo.

BIACEIHTU 14:9

A kut in a sawk i a ei pah in a kal i a nu le a pa sin cu a phan i tlawmpal kha a pek ve hna i an ei. Sihmanhsehlaw khuaihliti cu chiandeih ruak chungin a lakmi a si kha a chim hna lo.

BIACEIHTU 6:27

Cucaah Gideon nih, a sinum hna lakin pa pahra a lak hna i Bawipa nih a chimh bang khan a tuah; sihmanhsehlaw amah innchungkhar hna le khuami kha, chun i tuah awkah cun a ṭih tuk hna caah zan ah a tuah.

1 SAMUEL 13:2

Saul nih Israel mi thong thum a thim hna; thong hnih cu Saul he Mikmash le Bethel tlangram ah khan an um i thong khat cu Jonathan he Benjamin phun khua Gibeah ah khan an um; cun a tangmi hna cu anmah le an thlam cio ah khan a kirter hna.

1 SAMUEL 13:22

Cucaah raltuk ni ah khan fei siseh, nam siseh a ngeimi, Saul le Jonathan sin i a ummi hna lakah khan an um lo; sihmanhsehlaw Saul le a fapa Jonathan kha cu an ngei.

1 SAMUEL 13:23

Cun Filistin mi ralveng ralkapbu cu Mikmash i va lanhnak fiang ah khan an va kal.

1 SAMUEL 14:2

Saul cu Gibeah pawngri i a ummi Migron i a ummi taleti kung toiah a um ko; amah sinah a ummi cu za ruk tluk an si,

1 SAMUEL 25:19

Cun a tlangval hna cu a thawh hna i, “Ka hmaiah rak kal u, zohhmanh u, nan hnu in kan zulh hna lai,” tiah a ti. Sihmanhsehlaw a va Nabal kha a chim lo.