1 SAMUEL 13:5 - Lai (Hakha) Common Language Bible 2006

⁵ Cun Filistin mi cu Israel mi kha doh awkah an i pum, rangleng sang thum, rangcung ralkap thong ruk le ke ralkap an tam ning cu rilikam thetse zat; cun an hung kai i Mikmash ah an riak, Beth-aven nichuahlei ah khan.

1 SAMUEL 13:5 ပူးပေါင်းရင်းမြစ်များ

GENESIS 22:17

Van i arfi zat le rili kam i thetse zat khin tefa kan pek lai. Na tefa nih cun an ral kha an tei hna lai.

2 SAMUEL 17:11

Cucaah kei ka ruahnak cheuhmi cu hitin a si: Israel mi vialte cu Dan in Beersheba tiang nangmah sinah kan pumh hna lai, an tam ning rilikam thetse zat in, cun nangmah zong na pum in raldohnak hmun ah cun na kal ve lai.

1 SIANGPAHRANG 20:27

Cun Israel mi cu an pumh hna i rawl an pek hna i annih doh awkah khan an kal; Israel mi cu meheh run hmete pahnih bantukin an hmaiah khan an riak, Siria mi vial cu ram kha an khat dih.

2 CHANRELNAK 1:9

Maw Bawipa Pathian, ka pa David sinah bia na rak kammi cu atu ah hin tlinter ko, zeitintiah keimah cu vawleicung leidip zat in a tammi miphun hna cungah hin siangpahrang ah na ka ser cang.

ISAIAH 10:28

Ral cu Aiath an phan cang. Migron kha an lonh cang. Mikmash ah an thilri kha an i chiah.

ISAIAH 48:19

Nan tefa cu rili kam thetse zat in an tam hnga i zeitikhmanh i rawk kho lo dingin ka ser hna hnga,” a ti.

JEREMIAH 15:8

An lakah nuhmei hna cu rili thetse nakin ka tamter deuh hna; Chun cingling ah an cungah ramhtu kha ka tlunter ukmak hna. Ral i run chim lai ṭihnung kha an cungah ka tlunter.

HOSEA 10:5

Beth-aven i a ummi cawfa-pathian ruangah khan Samaria mi hna cu a ther in an ther; An cawfa-pathian cu sal ah an kalpi caah a biami hna cu an ṭap i tlangbawi hna cu an ai, An sunparnak a simi an siasal ruangah cun mi cu lungrethei in an um.

HOSEA 4:15

Nannih Israel mi cu keimah sinah zumhawktlak loin um hmanh u law Judah mi tu cu, cu bantukin si ve sawh hna hlah seh. Gilgal ah siseh, Bethel ah siseh, va kal in Pathian va bia hlah u; A nungmi Pathian min chalh in khika ah biakamnak va tuah hlah u.

HOSEA 5:8

Gibeah ah muko kha tum u, tuuki kha Ramah ah tum u, Beth-aven ah raltuknak au khan au u law: “Benjamin, nangmah sinah kan ṭang!” tiah ti u.

ROM 9:27

Cun Isaiah nih Israel kong ah, “Israel mi cu rili kam thetse zat in tam hmanh hna seh law tlawmte lawnglawng khamh an si lai,

JOSHUA 11:4

Cun an ralkap vialte hna le an rang le an rangleng tampi hna he tiah an ra chuak ciammam i, bu nganpi, an tam ning cu rili kam i thetse zat hrimhrim an si.

JOSHUA 18:12

Chaklei kamah an ramri cu Jordan ah aa thawk; cun ramri cu Jeriko chak ah a ummi fing ah a hung kai, cun nitlaklei ah tlangram kha a tan i Beth-aven ramlak ah a dong.

JOSHUA 7:2

Joshua nih Jeriko in Bethel nichuahlei i a ummi Beth-aven pawng i a ummi Ai khua ah mi a hei thlah hna i, “Hung kal u law, ram cu hung thlingthla tuah u,” tiah a ti hna. Cun mi cu an hung kal i Ai cu an hung ngiatthlai.

BIACEIHTU 7:12

Cun Midian mi hna le Amalek mi hna le Nichuahlei mi vialte hna cu nel ah cun an tam leiah khaubawk zat in an um tengtung ko i an kalauk hna cu rel cawk lo, an tam ning cu rilikam i thetse zat an si.

1 SAMUEL 13:11

Samuel nih, “Zeidah na rak tuah?” tiah a ti. Cun Saul nih, “Mi kha ka sinin an ṭiao lengmang cang ti kha ka hmuh tik le kan ni tinhmi chungah na rat ti lo ca le Filistin mi kha Mikmash ah an i pumh luaimai caah,

1 SAMUEL 13:2

Saul nih Israel mi thong thum a thim hna; thong hnih cu Saul he Mikmash le Bethel tlangram ah khan an um i thong khat cu Jonathan he Benjamin phun khua Gibeah ah khan an um; cun a tangmi hna cu anmah le an thlam cio ah khan a kirter hna.

1 SAMUEL 14:23

Cuticun khi ni ah Bawipa nih Israel cu a luatter; raldohnak cu Beth-aven pin tiang a phan.

1 SAMUEL 14:52

Saul chan chung vialte cu Filistin mi kha fak piin an doh hna cun Saul nih pa ṭhawng siseh, pa ralṭha siseh, a hmuhmi paoh cu amah sinah a fonh chih lengmang hna.

1 SAMUEL 17:1

Cun Filistin mi nih an ralkapbu hna cu raldoh awkah an pumh hna i Judah ram Sokoh khua ah; Sokoh le Azekah kar Efes-dammim ah an riak.

1 SAMUEL 7:13

Cucaah Filistin mi hna cu an sung i Israel mi hna ram ah khan an lut ṭhan ti lo, Samuel nun chung vialte cu Filistin mi kha Bawipa kut nih khan a ralchanh hna.