1 SAMUEL 12:5 - Lai (Hakha) Common Language Bible 2006

⁵ Cun anih nih, “Ka kut chungah zeihmanh nan hmuh lonak kong ah hin Bawipa cu nan cungah biahngaltu a si i nihin ah hin a chiti thuhmi cu biahngaltu a si,” tiah a ti hna. Cun annih nih, “Amah cu biahngaltu a si,” tiah an ti.

1 SAMUEL 12:5 ပူးပေါင်းရင်းမြစ်များ

GENESIS 31:50

Laban nih cun aa thawh ṭhan i, “Ka fanule hi ṭhaṭhilo in na tuah hna ah siseh, nu dang na ṭhit hna ah siseh, keimah nih cun ka hngal lai lo nain Pathian nih a run kan zoh ko kha philh hlah,” a ti.

JOB 16:19

Zohhmanh, ka tehte cu vancung khin a um i Cung sangpi ah khin ka bia a ka chimpiaktu ding cu a um ko.

JOB 42:7

Bawipa nih Job sinah bia a chim dih tikah, Teman mi Elifaz kha a thawh i “Nangmah le na hawile pahnih cungah ka thin a hung, zeicahtiah ka kong kha nan chim awk hnga bangin ka sal Job nih a chim bantukin nan chim lo.

SALM 17:3

Ka lung cu na hngalh, zan ah ka sinah na ra. Ṭha tein na ka hneksak cikcek i ka chungah duhnak ṭhalo zeihmanh a um lo kha na hmuh.

JOHAN 18:38

“Zei cu dah biatak cu a si?” tiah Pilat nih a hal. Cun Pilat cu lengah a va chuak ṭhan i, Judah mi hna cu, “Kei nih cun a sualnak zeihmanh ka hmu lo.

LAMKALTU 23:9

An aukhuan cu a thang deuh lengmang i Phungbia cawnpiaktu saya cheukhat, Farasi mi pawl a simi kha an dir i fak piin an al hna i, “Hi pa hi a palhnak zeihmanh kan hmu kho lo. Thlarau nih maw vancungmi nih dik a chawnh taktak ko lai,” an ti.

LAMKALTU 24:16

Cucaah Pathian hmai le minung hmaiah chiaṭha thleidannak thiang ka ngeih khawh nakhnga kaa zuam khawh chungin kaa zuam.

LAMKALTU 24:20

Asiloah hika i a ummi hna nih hin biaceihnak khawngsil hmai i ka dir lioah khan zeital sualnak ka tuah maw chim tuah hna seh,

1 KORIN 4:4

Ka chiaṭha thleidannak hi a thiang ko, asinain cuti in a thiang ko ti tikah hin ka sual lo tinak a si lo. Ka cung i bia a khiaktu cu Bawipa kha a si.

2 KORIN 1:12

Kan i uanmi cu hihi a si: hi vawlei cung kan nunning ah hin le nanmah he kan i pehtlaihnak ning ah hin kan umtu ziaza cu vawlei cung fimnak nih si loin Pathian vel a ṭhawnnak nih a uk i hlangfang le lungthin tak tein nan sinah khua kan sa, hihi kan chiaṭha thleidannak nih fiang tein a kan hngalhpimi a si.

1 SAMUEL 12:4

Annih nih, “Na kan hleng lo, na kan hrem fawn lo, aho sin hmanh in zeihmanh na la lo,” tiah an ti.

1 SAMUEL 26:9

Sihmanhsehlaw David nih Abishai cu, “Amah kha hrawk hlah; zeitintiah ahodah Bawipa chiti thuhmi cungah a kut a samh i mawh lo in a um kho lai?” tiah a ti.