1 SAMUEL 12:18 - Lai (Hakha) Common Language Bible 2006

¹⁸ Cucaah Samuel nih Bawipa kha a auh i khi ni ah Bawipa nih khua a ritter i ruah a surter; cun mi vialte nih Bawipa le Samuel kha an ṭih ngaingai hna.

1 SAMUEL 12:18 ပူးပေါင်းရင်းမြစ်များ

1 SIANGPAHRANG 18:42

Cucaah ei awk le din awkah Ahab cu a hung kal. Cun Elijah cu Karmel Tlang par ah a kal i vawlei ah a kun i a hmai cu a khuk le a khuk karlak ah a chiah.

EZRA 10:9

Khi tikah Judah le Benjamin mi vialte cu ni thum chungah Jerusalem ah an i pum; thla kuanak thla, a ni kul ni ah a si. Cun mi vialte cu Pathian inn hmai i tual ah cun an i pum i hi thil kong ah hin le ruah tampi a sur caah an ther ko.

JOB 37:13

Chimhhrinnak caah maw, a ram ṭhatnak ding caah maw, dawtnak caah dik, Amah nih mah cucu a umter ko.

SALM 99:6

Moses le Aaron cu a tlangbawi an si, Samuel cu a sinah thla a rak cammi pakhat a si; Bawipa cu an auh i a leh hna.

EXODUS 14:31

Izipt mi hna cungah a liannganmi ṭhawnnak in Bawipa nih rian a ṭuan ti kha an hmuh i Bawipa kha an ṭih; Bawipa cungah khan zumhnak an ngei i a sal Moses cung zongah khan zumhnak an ngei ve.

JOSHUA 10:12

Bawipa nih Amor mi hna cu Israel mi hna sinah a pek hna ni ah Joshua nih Bawipa kha a chawnh i Israel mi hna mithmuh ah, “Ni, Gibeon ah dir peng tuah, Cun Thlapa, nang, Aijalon nelrawn ah,” tiah a ti.

JOSHUA 4:14

Khi ni ah Bawipa nih Joshua cu Israel mi vialte hmaiah a hlorh i Moses an rak ṭihzah bantuk khan amah cu a chan chung vialte an ṭihzah ve.