1 SAMUEL 12:17 - Lai (Hakha) Common Language Bible 2006

¹⁷ Nihin hi changvut ṭuan ni a si lo mei? Khua a ritter i ruah a surter nakhnga, Bawipa kha ka auh lai i nan ca i nannih nih siangpahrang nan halnak kongah hin Bawipa hmai i nan tuahmi nan ṭhat lonak kha a ngan, ti kha nan hngalh lai i nan hmuh lai,” tiah a ti.

1 SAMUEL 12:17 ပူးပေါင်းရင်းမြစ်များ

SALM 99:6

Moses le Aaron cu a tlangbawi an si, Samuel cu a sinah thla a rak cammi pakhat a si; Bawipa cu an auh i a leh hna.

EXODUS 32:30

A thaizing ah Moses nih mizapi cu a thawh hna i, “Ṭih a nung ngaingaimi sualnak nan tuah cang. Asinain Bawipa sinah tlang cungah ka hung kal lai i nan sual ngaihthiamnak ding kha ka hung hal lai, nan sualnak ngaihthiamnak cu a hmuh zong maw ka hei hmuh khawh phum,” a ti.

PHUNGTHLÛKBIA 26:1

Ṭhal caan i hawhra bantuk le rawlṭuan caan i ruah bantukin, upatnak cu mihrut caah cun aa tlak lo.

JEREMIAH 15:1

Cun Bawipa nih a ka thawh i, “Moses le Samuel hmanh kha ka hmaiah dir hna seh law, hi mi hna hi ka zaangfah hlei hna lai lo. Ka hmaika in dawi hna law kal ko hna seh.

JOSHUA 10:12

Bawipa nih Amor mi hna cu Israel mi hna sinah a pek hna ni ah Joshua nih Bawipa kha a chawnh i Israel mi hna mithmuh ah, “Ni, Gibeon ah dir peng tuah, Cun Thlapa, nang, Aijalon nelrawn ah,” tiah a ti.

1 SAMUEL 12:13

Cun atu cu nanmah nih nan thimmi le nanmah nih nan halmi siangpahrang cu zoh tuah u; zohhmanh u, Bawipa nih nan cungah siangpahrang pakhat a chiah cang.

1 SAMUEL 12:19

Cun mi vialte nih Samuel sinah cun, “Bawipa na Pathian sinah cun, kan thih nakhnga lo, na sal hna caah hin thla kan campiak tuah; zeicahtiah kan sualnak vialte cungah hi thil ṭhalo hi kan i chap cang, kan ca i siangpahrang kan hal hi,” tiah an ti.

1 SAMUEL 2:10

Bawipa a raltu cu kek cikcek in den an si lai; Annih cu van in khuarit in a rithnawh hna lai. Bawipa nih vawlei cung dihlak bia a ceih lai, Amah siangpahrang cu ṭhawnnak a pek lai, Chiti a thuhmi lianhngannak cu a hlorh lai,” tiin a ti.

1 SAMUEL 7:5

Cun Samuel nih, “Israel mi vialte hna cu Mizpah ah pum hna u law, Bawipa sinah keimah nih thla kan campiak hna lai,” a ti.

1 SAMUEL 8:6

Sihmanhsehlaw, “A kan uktu ah siangpahrang pakhat kan pe,” an ti tikah, cu thil nih cun Samuel kha a lawmhter lo. Cun Samuel nih Bawipa sinah thla a cam.

1 SAMUEL 8:7

Cun Bawipa nih Samuel cu a chawnh i, “Mizapi nih na sinah an chimmi bia vialte ah an aw kha ngai tuah; zeitintiah nangmah an in hlawt a si lo, an cung i siangpahrang ka sinak hin keimah an ka hlawt a si.