1 SAMUEL 12:14 - Lai (Hakha) Common Language Bible 2006

¹⁴ Nannih nih Bawipa kha nan ṭih i a rian nan ṭuan i a aw kha nan ngaih i Bawipa nawlbia kha nan ralchanh lo le, cun nanmah le an uktu hna siangpahrang nih Bawipa nan Pathian kha nan zulh ahcun, a ṭha ko lai;

1 SAMUEL 12:14 ပူးပေါင်းရင်းမြစ်များ

2 CHANRELNAK 15:2

Asa ton awkah khan a kal i amah cu a thawh i, “Asa le Judah mi vialte le Benjamin mi vialte hna ka bia ngai tuah u: Amah sinah nan um chung cu Bawipa cu nan sinah a um. Nan kawl ahcun amah cu nan hmuh lai, sihmanhsehlaw nan hlawt ahcun an hlawt ve hna lai.

SALM 105:28

Ram cungah cun muihnak an tlunter, sihmanhsehlaw Izipt mi nih khan a nawl an ngai duh lo.

ISAIAH 3:10

Miding mi cu an i lawm lai, an caah thil a rem thliahmah ko lai. An ṭuan man kha an i lawmhpi lai.

ṬAHNAK HLA 1:18

Bawipa cu a ding ko; A nawl a altu cu keimah ka si. Ngai tuah u, nannih miphun vialte hna, ngai tuah u law ka lungfahnak hi ka zohpiak tuah u: Ka ngaknu thiang hna le ka tlangval hna cu saltannak chungah an kal cang.

ROM 2:7

Micheu nih thil ṭha kha an tuah lengmang i sunparnak le upatnak le zungzal nunnak kha an kawl; cu hna cu Pathian nih zungzal nunnak kha a pek ko hna lai.

DEUTERONOMI 13:5

Sihmanhsehlaw cu profet cu siseh mang mantu cu siseh thah an si lai, zeicahtiah Bawipa nan Pathian nih zulh awkah nawl an pekmi hna lam kha hlawt awkah, Izipt ram chungin an chuahtertu hna, hremnak inn chungin an tlantu hna Bawipa nan Pathian kha ralchanh awkah an cawnpiak hna. Cu bantukin ṭhat lonak cu nan lakin nan thianh awk a si.

JOSHUA 24:14

“Cucaah atu cu Bawipa kha ṭih u law, amah rian kha lungtak te le zumhawktlak tein ṭuan tuah u; Tiva khattelei ral le Izipt ram ah nan pupa hna nih an biakmi pathian hna kha hlaw hna u law, Bawipa kha bia tuah u.

JOSHUA 24:20

Nannih nih Bawipa kha nan hlawt i ramdang pathian kha nan biak hna ahcun, nan cung i ṭhatnak a tuah hnuah khan, aa let lai i ṭha loin an tuah hna lai i an hrawh dih hna lai,” tiah a ti.