1 SAMUEL 12:12 - Lai (Hakha) Common Language Bible 2006

¹² Cun nannih nih Ammon mi siangpahrang Nahash kha nanmah doh awkah a ra ti nan hmuh tikah, Bawipa nan Pathian cu nan siangpahrang a si ko lioah, keimah sinah, ‘Sihlah, siangpahrang nih kan uk ko seh,’ nan ti.

1 SAMUEL 12:12 ပူးပေါင်းရင်းမြစ်များ

GENESIS 17:7

“Ka biakamnak cu, zungzal hmunmi biakamnak caah, nangmah le a ra lai ding chan i na tefa hna sinah, ka fehter lai. Nangmah na Pathian le na tefa hna an Pathian ka si lai.

SALM 74:12

Pathian, a hramthawk tein nangmah cu kan siangpahrang na si i vawlei cungah hin nangmah nih ral kha na tei hna.

ISAIAH 33:22

Cu lawng cung i thil hnuhnak hri vialte cu santlailo an si; lawng puanzar cu samh khawh an si lo. Kan ral hna ralkapbu i an chawva vialte cu lak dih an si lai. A tam tuk hringhran lai caah kebei hmanh nih an i cuh khawh ve lai. Bawipa hrimhrim cu kan siangpahrang a si lai i amah nih a kan uk lai i a kan huhphenh lai.

JEREMIAH 40:11

Cu bantukin Moab ram le Ammon ram le Edom ram le ram dangdang i a ummi Judah mi hna zong nih khan, Babilon siangpahrang nih Judah ram chungah khan a tangmi a nganhta hna i Safan fapa Ahikam i fapa Gedaliah cu an ukbawi ah a ser ti kha an rak theih.

HOSEA 13:10

Siangpahrang kan pe, hruaitu kan pe, tiah nan ka hal. Sihmanhsehlaw cu hna cu khuazei ah dah an um kun?

BIACEIHTU 8:23

Gideon nih annih cu, “Keimah nih kan uk hna lai lo, ka fapa zong nih an uk hna lai lo; Bawipa nih an uk hna lai,” tiah a ti hna.

BIACEIHTU 9:18

nannih tu nih cun nihin ni ah hin ka pa chungle cu nan doh hna i a fapa sawm sarih kha lungpi pakhat cungah minung sawm sarih cu nan thah hna; cun a salnu fapa Abimelek cu nan rualchan a si caah Shekhem khuami cungah siangpahrang ah nan ser —

1 SAMUEL 10:19

Sihmanhsehlaw nihin ni ah hin nannih nih, vanchiat nan tonmi vialte le nan harnak vialte chungin an khamhtu hna nan Pathian cu nan hlawt i, ‘Sihlah! kan cungah siangpahrang pakhat kan chiahpiak ko,’ nan ti. Cucaah atu cu Bawipa hmaiah, nan phun cio ning le nan chung cio ningin, chuak tuah u,” tiah a ti.

1 SAMUEL 8:3

Asinain, a fapa hna cu amah lam kha an zul lo, miaknak tu kha an merhnawh. Nawhthuh kha an lak i biading kha an merh.