1 SAMUEL 11:7 - Lai (Hakha) Common Language Bible 2006

⁷ Cawtum khuah khat kha aa lak hna i a can cikcek hna i lamkaltu hna kut in Israel ram chung vialte ah a kuat dih hna i, “Saul le Samuel zulh awkah a chuak duh lo paoh cu a cawtum hna cungah hi bantukin tuah a si lai!” tiah a ti. Khi tikah Bawipa ṭihnak kha mi cungah khan a tlung i annih nih mi pakhat bantukin an chuak.

1 SAMUEL 11:7 ပူးပေါင်းရင်းမြစ်များ

GENESIS 35:5

Jakob le a fapa hna cu kal awk i an i thawh tikah khan, an pawngkam khuami hna cungah cun ṭihnak nganpi a tlung i cucaah an dawi ngam hna lo.

2 CHANRELNAK 14:14

Gerar pawngkam khua vialte cu an tuk i Bawipa kha an ṭih caah an tei hna. Khua vialte kha an chungah hranchaw tampi an um caah an ramh hna.

2 CHANRELNAK 17:10

Cun Judah ram pawngkam i a ummi ram vialte cungah khan Bawipa ṭihnak kha a tlung i Jehoshafat kha an do lo.

2 CHANRELNAK 19:7

Cucaah Bawipa ṭihnak cu nan cungah um seh; nan tuahmi kha i ralring u, zeitintiah Bawipa kan Pathian sinah cun biading merh siseh, duhdanh ngeih siseh, ziknawh siseh, a um lo,” tiah a ti.

ISAIAH 8:13

Ralkapbu Bawipa keimah hi a thiangmi ka si kha philh hlah; na ṭih hrimhrim awk cu keimah hi ka si.

BIACEIHTU 19:29

Cun a inn a phanh tikah nam aa lak i a nuchun cu a can, a kut a ke in, hmun hleihnih ah a ṭhen i Israel ram vialte ah a kuat dih.

BIACEIHTU 20:1

Cun Israel mi vialte cu Dan in Beersheba tiang, Gilead zong tel chih in an chuak i, mibu cu Bawipa sinah Mizpah ah minung pakhat bantukin an i pum.