1 SAMUEL 10:5 - Lai (Hakha) Common Language Bible 2006

⁵ Cu hnuah cun Filistin ralveng ralkapbu umnak Gibeath-elohim cu na va phan lai; cun cuka ah cun, khua chung i na va luh lioah khin tingtang le khuangte le thonglawi le ruakhuang he khuahrum bo in a rung ṭummi profet bu khat, a holh cukmak len komi, na ton hna lai.

1 SAMUEL 10:5 ပူးပေါင်းရင်းမြစ်များ

1 SIANGPAHRANG 18:29

Cun ni cu a run i mer i thlet thawinak caan tiang an au cuahmah ko, sihmanhsehlaw zei aw hmanh a um lo; zeihmanh nih a let hna lo, ahohmanh nih zei ah a rel hna lo.

2 SIANGPAHRANG 2:15

Profet fapa hna, Jeriko khua i a ummi nih khan, annih an ralchan ah amah cu an hmuh tikah, “Elijah thlarau cu Elisha cungah aa fu,” tiah an ti. Cun amah don awkah khan an ra i amah hmaiah vawlei lei hoih in an kun.

2 SIANGPAHRANG 2:3

Cun profet fapa hna, Bethel i a ummi kha Elisha sinah cun an ra chuak i, “Bawipa nih nihin ah hin na bawipa cu na sinin a lak lai kha na hngal maw?” tiah an ti. Cun anih nih, “A si, ka hngalh; dai tein um ko u,” tiah a ti.

2 SIANGPAHRANG 2:5

Cun profet fapa hna Jeriko i a ummi kha Elisha pawngah cun an ra i, “Bawipa nih nihin ah hin na bawipa cu na sinin a lak lai kha na hngal maw?” tiah an ti. Cun anih nih, “A si ka hngalh; dai tein um ko u,” tiah a leh hna.

2 SIANGPAHRANG 2:7

Profet fapa hna chung khan sawm nga an kal ve i Jordan tiva pawng i an pahnih in an dir lioah khan lamhla nawn in an dir.

2 SIANGPAHRANG 3:15

Sihmanhsehlaw tingtang tum thiammi hunpi tuah ngat u,” tiah a ti. Cun tingtang tum thiam nih khan a hun tum tikah Bawipa ṭhawnnak cu a cungah a tlung.

2 SIANGPAHRANG 4:38

Cun Elisha cu Gilgal ah, cuka ram i mangṭam a tlun lioah khan a ra. Cun profet fapa hna kha a hmai i an ṭhut lioah khan a sinum cu, “Um nganpi kha khing law profet fapa hna caah hin tihang chuang tuah,” tiah a ti.

2 SIANGPAHRANG 6:1

Profet fapa hna nih khan Elisha cu an thawh i, “Zohhmanh, na kan hruinak tang i kan umnak hmun hi kan caah a hme tuk.

1 CHANRELNAK 11:16

Cu lioah cun David cu ralhruang chungah a um i Filistin mi ralvengtu ralkap hna cu Bethlehem ah an um.

1 CHANRELNAK 13:8

Cun David le Israel mi vialte kha Pathian hmaiah cun an thazang dihlak le hla le tingtang le thonglawi le khuang tete le sumsel le muko he tiah thanuam in an um.

1 CHANRELNAK 16:42

Heman le Jeduthun nih hlasaknak caah khan muko le sumsel an ngeih hna i hla thiang caah khan hlasaknak thilri an ngeih hna. Jeduthun fapa hna cu kutka cawngh kha an thiah hna.

1 CHANRELNAK 16:5

An haotu bik cu Asaf a si, a hun dottu ah Zekhariah, Jeiel, Shemiramoth, Jehiel, Mattithiah, Eliab, Benaiah, Obededom le Jeiel an si, annih cu tingtang le thonglawi tumtu ding an si; Asaf cu sumsel tumtu ding a si,

SALM 49:4

Bia thuk kha ka ruat hna lai i tingtang tum pah in a sullam kha ka fianter hna lai.

1 KORIN 14:1

Cucaah dawtnak hi biapi bik ah chia u. Thlarau laksawng hmuh awk kha i zuam hna u law cu hna lakah cun Pathian bia chimnak laksawng kha hmuh i zuam khun u.

1 SAMUEL 10:10

Gibeah kha an phak tikah, zohhmanh, profet bu khat nih an rak ton; cu Pathian thlarau cu ṭhawng ngaiin a cungah a tlung i an lakah a holh cukmak len ve ko.

1 SAMUEL 10:4

Cun annih nih salaam an in pek lai i changreu tlang hnih an in pek lai, cucu an kut khan na cohlan hna lai.

1 SAMUEL 13:2

Saul nih Israel mi thong thum a thim hna; thong hnih cu Saul he Mikmash le Bethel tlangram ah khan an um i thong khat cu Jonathan he Benjamin phun khua Gibeah ah khan an um; cun a tangmi hna cu anmah le an thlam cio ah khan a kirter hna.

1 SAMUEL 13:3

Jonathan nih Geba i a ummi Filistin ralveng ralkapbu cu a tei hna i mah cucu Filistin mi nih an theih. Cun Saul nih ram chung dihlak ah khan, “Hebru mi nih thei hna seh,” tiin muko a tum.

1 SAMUEL 19:20

Khi tikah Saul nih David kha lak awkah mi a hei thlah hna; annih nih profet bu cu an holh cukmak len ko le Samuel kha an cungah haotu in a um kha an va hmuh tikah, Saul nih a thlahmi hna cungah khan Pathian thlarau cu a tlung i annih zong an holh cukmak ve.

1 SAMUEL 9:12

Annih nih, “A um ko; zohhmanh u, nan hmaite ah khan a kal. I khulranh u; nihin ah hi khuami nih khuahrum bo ah khan raithawinak an ngeih caah khua chungah atu naite ah khan a ra.