1 SAMUEL 10:25 - Lai (Hakha) Common Language Bible 2006

²⁵ Cun Samuel nih mizapi cu siangpahrang umtuning ding le a rian ding cu a chimh hna i cauk chungah a ṭial hna i Bawipa hmaiah khan a chiah hna. Cun Samuel nih mi vialte cu anmah le an inn cio ah khan a tlunter hna.

1 SAMUEL 10:25 ပူးပေါင်းရင်းမြစ်များ

2 SIANGPAHRANG 11:17

Cun Jehoiada nih Bawipa le siangpahrang le mi zapi karlak ah cun, annih cu Bawipa mi an si nakhnga biakamnak a ser i siangpahrang le mizapi karlak zongah khan a ser fawn.

DEUTERONOMI 31:26

“Hi phungbia cauk hi la u law, Bawipa nan Pathian biakamnak kuang pawngah khan va chia tuah u, nanmah kong ah biahngaltu a si nakhnga.

1TIMOTE 2:2

daite le remte le Pathian ṭihzah le ziaza ṭha in kan nun khawh nakhnga, thlacam u sih.

TITAS 3:1

Bawi le nawl ngeitu pawl kha, an nawl nan ngaih hna lai i thil ṭha tuah kha nan i tim zungzal lai, tiah na mi pawl kha chim ṭhan hna.

JOSHUA 22:6

Cucaah Joshua nih thluachuah a pek hna i a kalter hna; cun an inn ah an kal.

1 SAMUEL 11:14

Cun Samuel nih mizapi hna cu, “Ra u, Gilgal ah kal u si law, pennak kha tharchuah u sih,” tiah a ti hna.

1 SAMUEL 8:9

Cucaah atu cu an bia kha ngai ko hna; sihmanhsehlaw ṭha tein ralrinnak na pek hna lai i anmah a uktu ding siangpahrang kalning kha na hmuhsak hna lai,” tiah a ti.