1 SAMUEL 10:22 - Lai (Hakha) Common Language Bible 2006

²² Cucaah Bawipa kha an hal ṭhan i, “Mipa kha hika ah a ra maw?” an ti. Cun Bawipa nih, “Zohhmanh, thilri lakah aa thup ko,” tiah a ti.

1 SAMUEL 10:22 ပူးပေါင်းရင်းမြစ်များ

GENESIS 25:22

A chung i a ummi faphir pa veve a simi cu pakhat le pakhat an i nam len tikah cun aa thawh i, “Hi bantukin a si ding a si ahcun, zeicahdah ka thih ko lo?” a ti. Cun Bawipa sinah a sullam hal awkah a kal i,

2 SAMUEL 2:1

Hi hnuah hin David nih Bawipa kha a hal i, “Judah ram chung khua pakhatkhat ah ka hung kal lai maw?” tiah a ti. Cun Bawipa nih amah cu, “Hung kal,” tiah a ti. David nih, “Khuazei ah khin dah ka hung kal hnga?” tiah a ti. Anih nih, “Hebron ah,” tiah a ti.

2 SAMUEL 21:1

David caan lioah cun kum thum chung, aa peh lengmang in mangṭam a tlung i David nih Bawipa hmai kha a kawl. Cun Bawipa nih, “Saul le a innchungkhar cungah thisen chuah mawhnak a um caah a si; zeicahtiah Gibeon mi kha a thah hna,” tiah a ti.

NAMBAR 27:21

Cun tlangbawi Eleazar hmaiah khan a dir lai i amah nih Bawipa hmaiah Urim in bia a halpiak lai; amah bia in an chuak lai i amah bia in an lut lai, amah le amah sinah a ummi Israel mi an dihlak in, mibu cu a ning piin,” tiah a ti.

LUKA 14:11

Amah le amah a ngan ah aa chiami cu nauta ah chiah a si lai i mi tangah aa dormi cu mi ngan ah ser a si lai,” tiah a ti.

BIACEIHTU 1:1

Joshua a thih hnuah Israel mi nih Bawipa kha an hal i, “Kanaan mi hna kha doh awkah ahodah kan caah a hmasa bik ah a kal lai?” tiah an ti.

BIACEIHTU 20:18

Israel mi cu an tho i Bethel ah an hung kal i Pathian kha an hal, “Kannih lakah hin ahodah Benjamin doh awkah a kal hmasa bik lai?” an ti. Cun Bawipa nih, “Judah a hung kal hmasa bik lai,” a ti.

BIACEIHTU 20:23

Cun Israel mi nih an hung kal i Bawipa hmaiah zanlei tiang an ṭap; “Kan unau Benjamin mi hna he i doh awkah kan hung kal ṭhan lai maw?” ti in Bawipa kha an hal. Cun Bawipa nih, “Hung doh ṭhan hna u,” a ti.

BIACEIHTU 20:28

Aaron fapa Eleazar i fapa Phinehas nih khi caan lioah a hmaiah rian a ṭuan) annih nih, “Kan unau Benjamin mi hna kha doh awkah kan chuak rih lai maw, asiloah kan ngol lai dah?” tiah an ti. Cun Bawipa nih, “Hung kal u; zeitintiah thaizing ah cun annih cu nan kut chungah kan pek hna lai,” a ti.

1 SAMUEL 10:21

Benjamin phun cu a chung a chung in a hun chuahpi hna i camcawhfung khiah in Matri chung cu thim a si; a hmanung bik ah Matri chung cu a mi a mi in a chuahpi hna i Kish fapa Saul cu camcawhfung khiah in thim a si. Sihmanhsehlaw an kawl tikah an hmu kho lo.

1 SAMUEL 14:37

Cun Saul nih Pathian cu a hal i, “Filistin mi cu ka vung dawi hna lai maw? Annih cu Israel mi hna kut chungah na pe hna lai maw?” tiah a ti. Sihmanhsehlaw khi ni ah cun amah cu a let lo.

1 SAMUEL 15:17

Cun Samuel nih, “Nangmah naa ruahnak ah mi hmete si hmanh law, Israel miphun hna lu na si lo maw? Bawipa nih Israel mi siangpahrang ah chiti an thuh cang.

1 SAMUEL 22:10

Bawipa kha a halpiak i rawl kha a pek i Filistin mi Goliath nam kha a pek,” tiah a ti.

1 SAMUEL 23:9

David nih Saul nih ka cungah ṭhat lonak kha tuah awkah khua a khaan ti kha a hngalh; cun tlangbawi Abiathar sinah khan, “Hika ah hin tlangbawi angki kha rak pu tuah,” tiah a ti.

1 SAMUEL 30:7

Cun David nih tlangbawi Abiathar, Ahimelek fapa sinah khan, “Tlangbawi angki kha ka pe tuah,” tiah a ti. Cucaah Abiathar nih David sinah khan tlangbawi angki kha a rak put.

1 SAMUEL 30:8

Cun David nih Bawipa kha a hal i, “Hi bu hi ka dawi hna lai maw? Ka phan hna hnga maw?” tiah a ti. A leh i, “Dawi hna, zeicahtiah na phak hrimhrim hna lai i na chanh khawh hrimhrim hna lai,” tiah a ti.

1 SAMUEL 9:21

Cun Saul nih a leh i, “Keimah cu Israel phun hna lakah a hme bik Benjamin phun mi ka si lo maw? Cun ka chungle hna cu Benjamin phun chung i a ummi chungkhar vialte hna lakah a nauta bik an si lo maw? A si kun ahcun, zeicahdah mah bantuk hin ka sinah bia na chim?” tiah a ti.