1 SAMUEL 10:20 - Lai (Hakha) Common Language Bible 2006

²⁰ Cun Samuel nih Israel phun vialte cu a hun chuahpi hna i Benjamin phun cu camcawhfung khiah in thim a si.

1 SAMUEL 10:20 ပူးပေါင်းရင်းမြစ်များ

2 SAMUEL 3:19

Abner nih Benjamin mi zong kha a chimh hna; cun Abner cu David kha, Israel mi le Benjamin hrin vialte nih tuah awkah a ṭha ti i an ruahmi vialte kha Hebron i va chimh awkah a kal.

JONAH 1:7

A hmanung bik ah lawngcawng hna nih cun an i thawh i, “Hi vanchiatnak kan tonmi hi aho ruangah dah a si hnga, camcawhfung kan zuk tuah lai,” an ti. Cucaah camcawhfung cu an khiah i Jonah cungah khan a tla.

DEUTERONOMI 33:12

Benjamin kongah, “Amah cu Bawipa dawtmi a si, Amah pawngah him tein a um; Amah nih chun nitlak a kulh i A liang le a liang karlak ah a umter,” a ti.

1 SAMUEL 10:19

Sihmanhsehlaw nihin ni ah hin nannih nih, vanchiat nan tonmi vialte le nan harnak vialte chungin an khamhtu hna nan Pathian cu nan hlawt i, ‘Sihlah! kan cungah siangpahrang pakhat kan chiahpiak ko,’ nan ti. Cucaah atu cu Bawipa hmaiah, nan phun cio ning le nan chung cio ningin, chuak tuah u,” tiah a ti.

1 SAMUEL 10:21

Benjamin phun cu a chung a chung in a hun chuahpi hna i camcawhfung khiah in Matri chung cu thim a si; a hmanung bik ah Matri chung cu a mi a mi in a chuahpi hna i Kish fapa Saul cu camcawhfung khiah in thim a si. Sihmanhsehlaw an kawl tikah an hmu kho lo.

1 SAMUEL 14:38

Cun Saul nih, “Hika ah hin ra tuah u, mizapi a hruaitu hna nan dihlak in; cun hi sualnak hi zeitindah nihin ah a thawh ti kha hngal u law, hmu tuah u.

1 SAMUEL 14:41

Cucaah Saul nih, “Maw Bawipa, Israel Pathian, zeicahdah nihin cu na sal kha na ka leh lo? Hi mawhnak cu keimah chungah siseh, ka fapa Jonathan chungah siseh, a um a si ahcun, maw Bawipa, Israel Pathian, Urim langhter; sihmanhsehlaw hi mawhnak cu na mi Israel mi chungah a um a si ahcun, Thummim langhter,” tiah a ti. Cun Jonathan le Saul cungah khan a tla i mizapi kha cu an luat.