1 SAMUEL 10:2 - Lai (Hakha) Common Language Bible 2006

² Nihin keimah sinin naa ṭhen tikah hin, Benjamin peng chung Zelzah i Rachel thlan ah khan mipa pahnih na ton hna lai i annih nih nangmah cu, ‘Kawl awkah na kalhnawhmi laa kha an hmuh cang hna, atu cu na pa nih laa kong kha lungrethei in ruat ti loin, nangmah tu kha an ruat cang i, “Ka fapa kongah hin zeidah ka tuah lai?” a ti lengmang ko,’ tiah an in chimh lai.

1 SAMUEL 10:2 ပူးပေါင်းရင်းမြစ်များ

GENESIS 35:16

Bethel khua cun an i thawh i Efrath khua in hla nawn an si rih lioah khin, Rachel cu a nau ngan a fak i a zualhma ngaingai.

GENESIS 48:7

Zeicahdah hi bantukin ka tuah ti ahcun Mesopotamia ram in ka ra kir lioah keimah ngaihchiattertu dingah na nu Rachel nih lampi ah Kanaan ram chung Efrath khua kan hei phak deng ah khan a ka thihtak caah a si. Cun amah cu Efrath lei kalnak lam ah cun ka vui,” tiah a ti. (Efrath cu Bethlehem a si).

JEREMIAH 31:15

Bawipa nih hi bangin a ti: “Ngai hmanh, lunghno ngaiin ṭahnak thawng cu Ramah khua ah a thang, Cucu Rachel nih a fale a ṭah hnanak thawng kha a si; A fale kha an um ti lo caah hnemh kha a duh lo.”

JOSHUA 18:28

Zela, Haelef, Jebus (cucu Jerusalem), Gibeah, le Kiriath-jearim — khua pa hleili an khuate hna he. Mah hihi Benjamin phun nih an innchungkhar ning cio ah an comi cu a si.

1 SAMUEL 10:16

Cun Saul nih a pa unau sinah cun, “Laa cu an hmuh cang hna, tiah fiang tein a kan chimh,” tiah a ti. Sihmanhsehlaw pennak kong Samuel nih a chimmi kha cu zeihmanh amah cu a chim lo.