1 SAMUEL 10:19 - Lai (Hakha) Common Language Bible 2006

¹⁹ Sihmanhsehlaw nihin ni ah hin nannih nih, vanchiat nan tonmi vialte le nan harnak vialte chungin an khamhtu hna nan Pathian cu nan hlawt i, ‘Sihlah! kan cungah siangpahrang pakhat kan chiahpiak ko,’ nan ti. Cucaah atu cu Bawipa hmaiah, nan phun cio ning le nan chung cio ningin, chuak tuah u,” tiah a ti.

1 SAMUEL 10:19 ပူးပေါင်းရင်းမြစ်များ

PHUNGTHLÛKBIA 16:33

Camcawhfung cu phei cungah hrilh a si tawn, sihmanhsehlaw biakhiahnak taktak cu Bawipa sin lawnglawng in a si.

MIKAH 5:2

Sihmanhsehlaw Bethlehem Efrath, nangmah cu Judah ram chungah a hme bik khua hna lakah naa tel ve nain, Nangmah chungin Israel uktu a chuak lai. Amah a hram cu kan hnuleipi caan, a luan cangmi caan chungah khan a um cangmi a si.

NAMBAR 11:20

sihmanhsehlaw thla khat ning piin nan ei lai, nan hnarkua i a chuah i nan ca i fihnung a si tiangin, zeicahtiah nan lak i a ummi Bawipa cu nan hlawt i a hmaiah, “Zeicahhen Izipt ram khan kan rak chuah,” tiin nan ṭah caah,’ tiah ti hna,” tiah a ti.

NAMBAR 17:2

“Israel mi cu va chim hna law, annih sinin ṭhiangṭhunh, phun khat caah pakhat in, an phun ning cio ah an hruaitu hna sin cio ah, ṭhiangṭhunh hleihnih va la hna. An min cio cu an ṭhiangṭhunh cio ah na ṭial hna lai i

DEUTERONOMI 17:14

“Bawipa nan Pathian nih an pekmi hna ram kha nan phak i nan co i a chung i nan um i, ‘Kan pawngkam ah a ummi miphun vialte bantukin kan cungah siangpahrang kan chiah ve lai,’ nan ti tikah,

JOSHUA 24:1

Cun Joshua nih Israel miphun vialte kha Shekhem ah a pumh hna i Israel mi upa hna le lu hna le biaceihtu hna le bawi hna kha a auh hna; cun Pathian hmaiah an hung chuak.

BIACEIHTU 8:23

Gideon nih annih cu, “Keimah nih kan uk hna lai lo, ka fapa zong nih an uk hna lai lo; Bawipa nih an uk hna lai,” tiah a ti hna.

1 SAMUEL 10:20

Cun Samuel nih Israel phun vialte cu a hun chuahpi hna i Benjamin phun cu camcawhfung khiah in thim a si.

1 SAMUEL 12:12

Cun nannih nih Ammon mi siangpahrang Nahash kha nanmah doh awkah a ra ti nan hmuh tikah, Bawipa nan Pathian cu nan siangpahrang a si ko lioah, keimah sinah, ‘Sihlah, siangpahrang nih kan uk ko seh,’ nan ti.

1 SAMUEL 14:23

Cuticun khi ni ah Bawipa nih Israel cu a luatter; raldohnak cu Beth-aven pin tiang a phan.

1 SAMUEL 14:38

Cun Saul nih, “Hika ah hin ra tuah u, mizapi a hruaitu hna nan dihlak in; cun hi sualnak hi zeitindah nihin ah a thawh ti kha hngal u law, hmu tuah u.

1 SAMUEL 3:21

Cun Bawipa cu Shiloh ah a lang ṭhan, zeicahtiah Bawipa cu Samuel sinah Shiloh ah khan Bawipa bia in aa langhter.

1 SAMUEL 4:1

Cun Samuel bia cu Israel mi vialte sin a phan. Cun Israel mi hna cu Filistin mi hna kha doh awkah an chuak i Ebenezer ah an riak, Filistin mi cu Afek ah an riak.

1 SAMUEL 8:19

Sihmanhsehlaw mi hna nih cun Samuel aw ngaih cu an duh lo; annih nih, “Si hlah! Kan cungah siangpahrang kan ngei ko lai,

1 SAMUEL 8:5

Amah cu an thawh i, “Zohhmanh, na tar cang, cun na fapale nih na lam an zul fawn lo. Cucaah miphun vialte hna cio bangin, a kan uktu ah siangpahrang pakhat kan chiahpiak tuah,” an ti.