1 SAMUEL 10:16 - Lai (Hakha) Common Language Bible 2006

¹⁶ Cun Saul nih a pa unau sinah cun, “Laa cu an hmuh cang hna, tiah fiang tein a kan chimh,” tiah a ti. Sihmanhsehlaw pennak kong Samuel nih a chimmi kha cu zeihmanh amah cu a chim lo.

1 SAMUEL 10:16 ပူးပေါင်းရင်းမြစ်များ

EXODUS 4:18

Moses cu a pu Jethro sinah khan a va kal i, “Izipt ram i ka rualchan pawl an nung rih maw ti vung zoh ka duh hna, cucaah cun ka kalter law ka vung zoh hna lai,” a ti. Jethro nih cun, dam tein vung kal ko, a ti.

PHUNGTHLÛKBIA 12:23

Mifim nih cun a fimnak kha a langhter lo, Sihmanhsehlaw mihrut nih cun a hruhnak kha a thanh in a thanh.

PHUNGTHLÛKBIA 29:11

Mihrut nih cun a thinhunnak kha a langhter, Sihmanhsehlaw mifim nih cun dai tein a um i aa sum.

PHUNGCHIMTU 3:7

Thleh caan a um, belh caan a um; dai tein um caan a um, chim caan a um;

BIACEIHTU 14:6

cun Bawipa thlarau cu ṭhawng ngaiin a cungah a tlung i chiandeih cu meheh fa thlehbaoh bantuk ceo khin a thlehbaoh dih ko; a kut in zeihmanh aa put fawn ṭung lo. Sihmanhsehlaw a tuahmi kha a nu siseh, a pa siseh, a chim hna lo.

BIACEIHTU 14:9

A kut in a sawk i a ei pah in a kal i a nu le a pa sin cu a phan i tlawmpal kha a pek ve hna i an ei. Sihmanhsehlaw khuaihliti cu chiandeih ruak chungin a lakmi a si kha a chim hna lo.

1 SAMUEL 10:15

Cun Saul pa unau nih cun, “Zaangfahnak tein, Samuel nih zeidah an chimh, ka chim tuah,” tiah a ti.

1 SAMUEL 9:20

Na laa, ni thum a tlau cangmi hna cu ruat len ti hna hlah, zeicahtiah an hmuh cang hna. Cun Israel mi hna lak i duh awk thil vialte cu aho caah dah an si? Nangmah le na pa chungkhar vialte hna caah an si lo maw?” tiah a ti.

1 SAMUEL 9:27

Cun khua pawngri lei i an vung kal lioah khan Samuel nih Saul sinah cun, “Na sinum kha kan lonh seh, hei chim tuah; cun a kan lonh tikah nang cu hika ah hin tlawm tein um ta rih tuah, Pathian bia cu nangmah kha kan hngalhter lai,” tiah a ti.