1 SAMUEL 10:11 - Lai (Hakha) Common Language Bible 2006

¹¹ Cun hlan i amah a rak hngalmi vialte nih khan, profet hna he an holh cukmak kha an hmuh tikah, cu mi hna nih cun pakhat le pakhat cu, “Kish fapa cungah hin zeidah a tlung hnga? Saul zong profet hna lakah aa tel ve cang dahra?” tiah an i ti.

1 SAMUEL 10:11 ပူးပေါင်းရင်းမြစ်များ

AMOS 7:14

Cun Amos nih cun Amaziah cu a leh i, “Kei cu profet ka si lo, profet fa zong ka si lo; saṭil khal le saikamor thing thei a cingmi ka si.

AMOS 7:15

Sihmanhsehlaw saṭil ka khalh lio hna ah khan Bawipa nih a ka lak riangmang i, “Va kal law ka mi Israel mi kha va chim hna,” tiah a ka ti.

JOHAN 7:15

Judah upa pawl cu an khuaruah a har i, “Hi pa hi sianginn ah a kai bal ṭung lo, zeitindah hi zatzat hi a hngalh hnga?” an ti.

LAMKALTU 3:10

cun amah cu Kutka Dawh i a ṭhu tawnmi awkhlawhpa a si kha an hngalh tikah a cung i a tlungmi kongah khan an khuaruah a har i an lung zong a ar dih.

LAMKALTU 4:13

Biaceihtu hna nih Peter le Johan cu an ralṭhatning kha an hmuh i fimthiamnak zeihmanh a ngei lomi, mi sawhsawh an si ko ti kha an hngalh tikah an khuaruah a har. Khi tikah annih cu Jesuh hawikom an rak si ti kha an hun hngalh.

LAMKALTU 9:21

A bia a theimi paoh cu an khuaruah a har i, “Hi pa hi Jerusalem khua i Bawi Jesuh min a komi paoh a that i hika zongah hin cu bantuk ṭhiamṭhiam in annih kha tlaih i tlangbawi upa hna sinah kalpi awkah a ramipa kha a si lo maw?” an ti.

1 SAMUEL 19:24

Cun amah zong cu a hnipuan kha aa phoih ve i Samuel hmaiah khan bia a chim cukmak ve, cun cu ni cu chun nitlak, zan khuadei, pumlawng in a it. Cucaah, “Saul zong profet hna lakah aa tel ve cang dahra?” ti a si lan.