1 SAMUEL 1:8 - Lai (Hakha) Common Language Bible 2006

⁸ Cun a va Elkanah nih khan a sinah, “Hannah, zeicahdah na ṭah? Zeicahdah rawl ei na duh lo? Zeicahdah na thinlung a fah? Nangmah caah keimah cu fapa pahra nakin ka si deuh lo maw?” tiah a ti.

1 SAMUEL 1:8 ပူးပေါင်းရင်းမြစ်များ

2 SIANGPAHRANG 8:12

Cun Hazael nih a thawh i, “Zeicahdah ka bawipa na ṭah?” tiah a ti. Anih nih, “Zeicahtiah ṭhat lonak Israel mi cungah na tuah ding kha ka hngalh; an ralhau kha mei in na duah hna lai i an tlangval hna cu vainam in na thah hna lai i an ngakchia hna cu na den cikcek hna lai i fa a pawimi an nule hna cu na thler dih hna lai,” tiah a ti.

JOB 6:14

“Mahle hawi cung i zaangfahnak a ngei lomi cu Lianngan Bik ṭihnak a hlawmi a si.

SALM 43:4

Cun Pathian, nangmah nih lunglawmhnak le thanuamnak na ka pek caah, na biakṭheng ah cun ka hung kal lai; ka tingtang cu kaa tum lai i nangmah thangṭhatnak cu hla in ka sa lai, Maw Pathian, ka Pathian.

ISAIAH 54:1

Jerusalem, nangmah cu fa a ngei lomi nu bantuk na si. Sihmanhsehlaw atu cu hla na sa kho cang i lunglawm in na au kho cang. A va nih a kaltak bal lomi nu nakin fa tam deuh na ngei cang lai.

ISAIAH 54:6

Israel, nang cu ngaknu note, a va nih a hlawt i a lungre a thei ngaingaimi bantuk na si. Sihmanhsehlaw Bawipa nih cun an auh ṭhan i,

JOHAN 20:13

“Zeicahdah na ṭah len ko?” tiah an hal. Anih nih, “Ka Bawipa kha an kalpi i khuazei i an chiah ka hngal lo,” tiah a leh hna.

JOHAN 20:15

Jesuh nih cun, “Zeicahdah na ṭah len ko? Ahodah na kawl?” tiah a hal. Mary nih cun dum cawngtu pa kha a si rua tiah a ruah i, “Bawipa, nangmah nih na lak a si ahcun na chiahnak kha ka chim tuah, ka va kal lai i ka va lak lai,” tiah a ti.

1THESALON 5:14

U le nau hna, a tha a thumi kha chimhring hna u, a ral a chiami kha ralṭhatnak pe hna u, thazang a dermi kha bawm hna u, pakhat le pakhat lungsau thinfual in um u.

RUTH 4:15

Amah cu nangmah caah nunter ṭhantu le na tar leiah an cawmtu a si lai; zeitintiah na fapa nupi, nangmah an dawtu, nangmah ca i fapa pasarih nakin a ṭha deuhmi nih cun, a hrin cang,” tiah an ti.

1 SAMUEL 1:7

Cuticun kum khat hnu kum khat a si lengmang i, Bawipa inn i a hung kal fate amah cu a ti hram lengmang tawn. Cucaah Hannah cu a ṭap i rawl ei kha a duh lo.