1 SAMUEL 1:23 - Lai (Hakha) Common Language Bible 2006

²³ Cun a va Elkanah nih cun “A ṭha bik ti i na ruahmi paoh cu tuah ko, amah kha hnuk na thlei hlantiang rak ngang rih ko; Bawipa nih a bia bel kha fehter ko seh,” tiah a ti. Cucaah hnuk a thlei hlantiang minu cu a um i a fapa kha hnuk a dinh.

1 SAMUEL 1:23 ပူးပေါင်းရင်းမြစ်များ

2 SAMUEL 7:25

Cun maw Bawipa Pathian, na sal le a innchungkhar kongah na rak chimmi bia kha atu cu zungzal ca in fehter ko law, na chim bang khan tuah ko;

1 SIANGPAHRANG 3:21

Zinglei i ka fa cu hnuk dinh awk i ka thawh tikah, zohhmanh, a rak thi ko; sihmanhsehlaw ṭha tein zing ah ka zoh tikah, zohhmanh, ka hrinmi ka fate kha a si lo,” tiah a ti.

SALM 22:9

Him tein a ka chuahtertu cu nangmah na si i bawhte ka si lioah ṭha tein a ka zohkhenhtu cu nangmah na si.

ISAIAH 44:26

Sihmanhsehlaw ka sal nih cun thil a chimchung tikah le ka timhmi phuan awkah lamkal ka thlah tikah, cu ka timhmi hna le chimchungmi thil hna cu ka tlinter hna. Jerusalem cu ka thawh i, na chungah mi an um ṭhan lai, Judah ram khua cu remh an si ṭhan lai tiah ka chimh. Hi khua hna cu an rawhnak chung khan an tho ṭhan lai.

NAMBAR 30:12

Sihmanhsehlaw a va nih a theih ni ah a hrawh hna ahcun, a biakamnak kong ah a hmur in a chuakmi zeipaoh siseh, amah le amah aa hrennak bia siseh, a dir lai lo; a va nih a hrawh hna i Bawipa nih a ngaihthiam lai.

MATTHAI 24:19

Cu caan ah cun fapawi nu hna le nau no ngeimi nu hna caah a har hringhran lai.

LUKA 11:27

Jesuh nih hi bia a chim dih tikah hin mizapi lak cun minu pakhat a hung au i, “Nangmah a rak in hring i a rak in cawmtu nu hi zeitluk in dik aa lawmh,” tiah a ti.

1 SAMUEL 1:17

Cun Eli nih a leh i, “Dai tein va kal ko, Israel mi Pathian nih amah na halmi cu in pe ko seh,” tiah a ti.

1 SAMUEL 14:36

Cun Saul nih, “Zan ah Filistin mi cu vung dawi hna u si law, zinglei khuadei tiang vung hrawk hna u sih; mi pakhat hmanh vung ngan hna hlah u sih,” a ti. Cun annih nih, “A ṭha tiah na ruahmi paoh cu tuah ko,” tiah an ti. Sihmanhsehlaw tlangbawi nih, “Hika ah hin Pathian naih rih tuah u sih,” tiah a ti.

1 SAMUEL 14:40

Cun Israel mi vialte sinah cun, “Nannih cu kam khat ah nan um lai i keimah le ka fapa Jonathan cu kam khat ah kan um lai,” tiah a ti. Cun mi zapi nih Saul cu, “A ṭha tiin na ruahmi cu tuah ko,” tiah an ti.