1 SAMUEL 1:10 - Lai (Hakha) Common Language Bible 2006

¹⁰ Cun Hannah cu a lungre a thei ngaingai i Bawipa sinah thla a cam i lunghno ngai tein a ṭap.

1 SAMUEL 1:10 ပူးပေါင်းရင်းမြစ်များ

GENESIS 30:1

Rachel nih Jakob fa a hrinpiak khawh lo kha a hmuh tikah a u kha a nahchuah i Jakob cu a thawh i, “Fa ka pe, cu ti a si lo ahcun ka thi lai,” a ti.

GENESIS 50:10

Cun Jordan nichuahlei i a ummi Atad hmun, facang cilnak hmun kha an phak tikah khika ah ruak humhnak nganpi an ser i Josef nih a pa ruak cu ni sarih a suan.

2 SAMUEL 13:36

Cun a chim dih kate ah khin, zohhmanh siangpahrang fapa hna cu an ra i thang piin an ṭap; cun siangpahrang le a sinum vialte hna zong lunghno ngai tein an ṭap dih.

2 SAMUEL 17:8

Cuhleiah Hushai nih cun, “Na pa le a mi hna cu miṭhawng an si le lolak i a fa lakpiakmi vom bantukin an thin a linh kha na hngalh. Cuhleiah na pa cu ral leiah a thiam ngaingaimi a si; mi hna sinah zan ah a riak lai lo.

2 SIANGPAHRANG 20:3

‘Maw Bawipa, zeitindah nangmah hmaiah zumhawktlak le lungcheubang loin ka kal tawn i nangmah mithmuh ah a ṭhami ka tuah kha na cinken nakhnga, kan nawl,” tiah a ti. Cun Hezekiah cu a ṭap thluahmah ko.

JOB 10:1

“Ka nunnak hi ka fih; Ka phunzainak hi i sum hin loin ka chim ko lai; Lungfak hringhran in ka chim ko lai.

JOB 7:11

“Cucaah ka kaa cu kaa sum lai lo; Lungthin fak ngaiin ka chim ko lai, Lungfak hringhran in ka zai ko lai.

JOB 9:18

Ka thaw hmanh a ka dawpter manh lo i ngaihchiatnak in a ka khahter.

SALM 50:15

Harnak a phak tikah ka au u, kan khamh hna lai i nan ka thangṭhat lai,” a ti.

SALM 91:15

An ka auh tikah ka leh hna lai i harnak an in tikah ka umpi hna lai. Ka chuah hna lai i ka upat hna lai.

PHUNGTHLÛKBIA 14:10

Na lunglawmhnak cu nangmah tate a si, na ngaihchiatnak zong nangmah tate a si, Ahohmanh na hrawm kho hna lai lo.

ISAIAH 38:15

Zeidah ka chim khawh lai? Hi thil a tuahtu cu Bawipa a si. Ka chung a vang i kaa hngilh kho lo.

ISAIAH 54:6

Israel, nang cu ngaknu note, a va nih a hlawt i a lungre a thei ngaingaimi bantuk na si. Sihmanhsehlaw Bawipa nih cun an auh ṭhan i,

JEREMIAH 13:17

Cu bantukin a thukmi muihnak chung i nan um hmanh i nan ngaih duh lo ahcun, Lungthin fah tuk ah a ṭah lawng ka ṭap lai i ka mitthli lawng a tla ko lai; Zeicahtiah Bawipa tuurun cu sal ah kalpi an si cang.

JEREMIAH 22:10

Nannih Judah mi hna, Siangpahrang Josiah kha ṭah hlah u, A thih zun zong ngai hlah u; Sihmanhsehlaw a fapa Shallum tu kha lunghno ngaiin ṭah u, Zeicahtiah kir ti lo dingin an kalpi lai, A chuahnak ram kha zeitik hmanh ah a hmu ṭhan ti lai lo.

ṬAHNAK HLA 3:15

A khami an in a ka khimter i Anfangkha in a ka ritter.

LUKA 22:44

Lungthin fak ngaingai in fak chinchin in thla a cam i a thlan cu vawlei ah thi dor bantukin a tla.)

HEBRU 5:7

Vawlei cung a um lioah, Jesuh nih thihnak in a khamh khotu Pathian sinah aihramnak le mitthli he thlacamnak le nawlnak kha a tuah. Amah cu a lung a nemmi le Pathian sinah aa pemi a si caah Pathian nih a theih.

BIACEIHTU 21:2

Cun mi hna cu Bethel ah an ra i Pathian hmaiah zanlei tiang an ṭhu i aw thang piin, lunghno ngaiin an ṭap.

RUTH 1:20

Cun anih nih annih cu, “Naomi ka ti hlah u, Mara ka ti u, zeicahtiah Lianngan Bik nih khaa ngaingai in ka cungah a tuah cang.

1 SAMUEL 1:11

Cun biatiamnak a tuah i, “Maw ralkapbu Bawipa, na salnu intuarnak hi na ka hmuhpiak i na ka cinken i, na salnu kha na philh lo i na salnu hi fapa na ka pek ahcun, a nun chung vialte amah cu Bawipa sinah ka pek lai i, luei nam nih a lu kha a tawng lai lo,” tiah a ti.

1 SAMUEL 1:9

Cun Shiloh i an ei an din dih khan Hannah cu a tho. Cun tlangbawi Eli cu Bawipa biaknak inn innka tung pawng i ṭhutnak ah khan a ṭhu.