1 PETER 5:9 - Lai (Hakha) Common Language Bible 2006

⁹ Nan zumhnak ah khan fek tein um u law amah cu rak doh u, zeicahtiah vawleicung khuazakip i a ummi zumhnak lei in nan unau a simi hna kha, cu bantuk temhnak cu an ing ve ti kha nan hngalh.

Laibaibal Thiang (BSI)

⁹ Vawlei cung i nan unau hna zong nih hibantuk hi an tuar ve ti kha hngal in, zumhfehnâk he amah cu doh u.

1 PETER 5:9 ပူးပေါင်းရင်းမြစ်များ

LUKA 22:32

Sihmanhsehlaw Simon, na zumhnak a pur nakhnga lo nangmah caah thla ka cam. Cun keimah lei ah na hon i mer ṭhan tikah na unaule kha thazang na pek ve hna lai,” tiah a ti.

JOHAN 16:33

Nannih nih keimah he nan i pehnak thawngin lungdaihnak nan hmuh nakhnga, hihi kan chimh hna. Vawlei nih hin harnak an pek hna lai, sihmanhsehlaw ṭih hlah u. Vawlei cu ka tei cang,” tiah a ti.

LAMKALTU 14:22

Zumtu hna kha thazang an pek hna i nan zumhnak ah khan fek tein hmun ko u, tiah an forh hna. “Pathian Pennak chung luh awkah hin harnak tampi kan ton a hau,” tiah an cawnpiak hna.

1 KORIN 10:13

Tukforhnak nan cung i a tlungmi hi midang zong nih an in cio tawnmi an si ko. Pathian nih a biakamnak cu a zulh ko lai i nan in khawh leng tiangin tukforhnak cu nan cungah a tlunter lai lo. Tukforhnak nan in tikah in khawhnak thazang an pek hna lai i chuah khawhnak lam zong an serpiak hna lai.

EFESA 4:27

Khuachia cu caan ṭha pe hlah.

EFESA 6:16

Zumhnak kha phaw caah i ken zungzal u law cu phaw cun Khuachia nih mei bantuk a simi thal in an kah hna tikah nan rak hmih khawh hna lai.

KOLOSE 2:5

zeicahtiah ka pum in a dang ah um hmanh ning law ka thlarau cun nan sinah ka um ko i Khrih chung i a ummi nan zumhnak ah fek tein hmunkhat ah nan dir ti kha ka hmuh caah ka lung aa lawm.

1THESALON 3:3

Nan cung i a tlungmi hremnak nan in mi ruangah hin ahohmanh nan i letnak hnga lo nanmah cu thazang pek awkah le nan zumhnak ah fek tein nan dir khawh nakhnga nanmah bawmh awkah amah cu kan hun thlah. Kha bantuk hremnak kha Pathian nih nan cungah tlung seh a timi a si ve ko ti kha nanmah hrimhrim nih nan hngalh.

1TIMOTE 6:12

Zumhnak tlik zuamnak ah hin na tha ngeihmi dihlak in i zuam law zungzal nunnak kha co i zuam. Tehte tampi hmaiah na zumhnak na rak phuan ah khan Pathian nih an kawhnak cu hi nunnak hmuh awk caah hin a rak si.

2TIMOTE 3:12

Khrih Jesuh he i pehtlai i Pathian nunning in nun a duhmi paoh cu hremnak an ing ko lai;

2TIMOTE 4:7

Tlik zuamnak ah khan ka tha a dihumnak in ka chuah cang, a dongh tiang khitkhet in ka tli cang, zumhnak kha fek tein kaa tlaih zungzal.

HEBRU 11:33

Zumhnak in ram ngan pipi kha an tuk hna i an tei hna. A dingmi thil kha an tuah i Pathian nih bia a kamhmi hna kha an hmuh. Chiandeih kha an ka an phih hna,

HEBRU 12:8

A fale dang vialte kha dan a tat hna i nannih cu dan an tat ṭung hna lo ahcun, nannih cu fa taktak si loin lakfa nan si ti sullam tu a si hnga.

JEIM 4:7

Cucaah Pathian nawl kha ngai ko u. Khuachia kha doh u law an zam tak ko hna lai.

1 PETER 1:6

Hi ruangah hin nan lung i lawm ko u, hneksaknak tampi nan in ruangah hin atu ahcun nan ngaih chia hmanh seh law i lawm ko u.

1 PETER 2:21

Cu bantuk mi si awkah cun Pathian nih an kawh hna cu a si; zeicahtiah Khrih hrimhrim nih nan caah khan a in cang i ka keneh ka zul hna seh tiah i zohchun awk an chiahpiak cang hna.

1 PETER 3:14

Cun a dingmi thil tuah ruangah temhnak nan in ahcun, nan caah lunglawmh awk a va si thiam dah! Minung kha ṭih hna hlah u, hmailei thil ruah ah nan khuaruah zong har fawn hlah u.

1 PETER 4:13

Khrih inmi temhnak kha nan in ve caah a lawmh tu in i lawm u, zeicahtiah a sunparnak cu a langh tikah lunglawmhnak in nan khat lai.

BIAPHUAN 1:9

Kei cu nan unau Johan kha ka si. Jesuh ah kan i pehtlaihnak thawngin hremnak nan innak ah ka ing ve, nan umnak a Pennak chungah khan ka um ve i temhinnak nan inmi kha ka ing ve. Pathian bia ka chim ca le Jesuh nih a phuanmi biatak ka phuan ruangah, Patmos tikulh ah khan an ka chiah.

BIAPHUAN 6:11

Annih cu puan rang pakhat cio an pek hna i, “Tlawm tein i din ko rih u. Nanmah bantukin thihnak a ing ve ding nan salhawi le nan unau hna an tling rih lo,” tiah an ti hna.

BIAPHUAN 7:14

“Ka hngal lo, bawipa, Nangmah nih ta na hngalh deuh lai,” tiah ka leh. Cun a ka thawh i, “Hi mi hna hi hremnak nganpi a ingmi kha an si; Tuufa thi chungah an puan kha an suk i an puan cu an vaar cang.