1 PETER 5:5 - Lai (Hakha) Common Language Bible 2006

⁵ Cu bantuk ṭhiamṭhiam in, nannih a no deuh pawl zong nih upa deuh pawl kha an nawl nan zulh hna lai. Nan dihlak in toidornak puan kha i aih u law pakhat le pakhat i bawm u, zeicahtiah Cathiang nih “Pathian nih milungpuam cu a doh hna i mitoidor cu a vel kha a pek hna,” a ti.

Laibaibal Thiang (BSI)

⁵ Cubantuk in nannih mino hna, upa hna tangah i dor u. Asi, nandihlak in i pumpeknâk lungput ngei u law, toidornâk in i thuam u. “Pathian nih porhlaw mi a doh hna i toidormi kha vel a ngeih hna.”

1 PETER 5:5 ပူးပေါင်းရင်းမြစ်များ

2 CHANRELNAK 6:41

“Maw Bawipa Pathian, tho law na umnak hmun ah cun kal tuah, Nangmah le na ṭhawnnak kuang zong. Maw Bawipa Pathian, na tlangbawi hna cu khamhnak in thuam hna law, Na mithiang hna cu na ṭhatnak in lawmhter hna.

JOB 22:29

Zeicahtiah Pathian nih aa porhlawmi kha a ṭhumh hna i toidormi kha a khamh hna.

JOB 29:14

Dinnak cu puan bantukin kaa aih i, Biading cu ka caah puan le ludomh bantuk an rak si.

SALM 132:16

Keimah nih ka khamh hna kha a tlangbawi pawl ka thanhter hna lai i a mi pawl kha lunglawm in hla ka sakter hna lai i ka auter hna lai.

SALM 132:9

Na mi na khamh hna kha tlangbawi nih thanh hna seh law na mi cu an dihlak in lunglawm in au hna seh.

SALM 138:6

Bawipa cu hi tluk hin a sang hringhran ko nain minauta kha an zawn a ruah hna i miruamkai kha a hmuh lonak ah an i thup kho lo.

PHUNGTHLÛKBIA 25:7

Zeicahtiah “Hika ah hin hung kai,” ti cu “Nangmah nakin a ngan deuhmi kha ṭhutnak kian tuah,” ti nakin a ṭha deuh.

PHUNGTHLÛKBIA 3:34

Mi zei ah a rel lomi hna cu zei ah a rel ve hna lo i mi toiah aa dormi hna cu duhdawtnak a pek hna.

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

ISAIAH 61:10

Bawipa nih a tuahmi thil ruangah Jerusalem cu aa lawm. Va ngei lai ngaknu aa ṭamhmi bantuk a si. Pathian nih khamhnak le teinak he a thuamh cang.

ISAIAH 66:2

Van le vawlei hi keimah nih ka ser dih hna. Mi toiah aa dor i an sualnak aa ngaihchih i a ka ṭih i ka nawl a ngaimi cu an cungah ka lung aa lawm.

EZEKIEL 26:16

Cun rili uktu bawi vialte hna cu an bawiṭhutdan cung khan an rung ṭum lai i an puan kha an i chiah hna lai i ṭamhmi an puan kha an i phoih hna lai. A hratmi biar kha an i kaih lai; vawlei ah an ṭhu lai i na cung i a tlungmi thil ruangah khan khuaruahhar lungmit in an um lai.

DANIEL 11:12

Cuticun ral a teinak cu aa porhlaw lai i ralkap tampi a thahmi hna ruangah cun tluang a khawng lai, sihmanhsehlaw teitu a si zungzal ve lai lo.

LEVITIKAS 19:32

“Sam parmi hmaiah cun na dir lai i tar a simi hmai cu na upat lai, cun na Pathian cu na ṭih lai: keimah cu Bawipa ka si.

LUKA 22:26

Sihmanhsehlaw nannih cu hitihin nan si awk a si lo: nan lak i a ngan bik kha a ngakchia bik bantuk a si awk a si i hruaitu a simi kha sal bantuk a si awk a si.

ROM 12:10

Pakhat le pakhat kha Khrih ah u le nau bantukin i daw cikcek u law pakhat le pakhat kha i hmaizah u.

ROM 13:14

Bawi Jesuh ziaza tu kha i lak u law pumsa duhnak tuah kha ngol u.

EFESA 5:21

Khrih nan upat ruangah pakhat le pakhat i nawl thiam u.

FILIPI 2:3

Pakhat le pakhat i entainak le mah pumpak thangṭhat kawlnak kha nan lakah umter hlah u. Toidornak lungthin tu kha ngei cio u law midang nakin ka ṭha deuh tiah zeitikhmanh ah vaa ruat hlah u.

KOLOSE 3:12

Nannih cu Pathian mi nan si; amah nih an dawt hna i an thim hna. Cucaah mi zawnruahnak, zaangfahnak, toidornak, nemnak le lungsaunak kha nan i aih awk a si.

1TIMOTE 5:1

Tar deuh cu va sica hna hlah. Na pa bantukin a lem tu in va lem hna. A no deuhmi kha na unau bantuk ah rel hna,

HEBRU 13:17

Nan hruaitu pawl kha an bia ngai hna u law an nawl zul hna u. An rianṭuan ningcang kha Pathian hmaiah chim an duh te lai caah, i din loin nannih kha an in zohkhenh hna. An nawl nan ngaih hna ahcun an rian kha lunglawm tein an ṭuan lai, nan ngaih hna lo ahcun ngaihchia in an um lai i cucu nan caah a ṭhahnem lai lo.

JEIM 4:6

Sihmanhsehlaw Pathian pekmi vel cu cu nak hmanh cun a ṭhawng deuh chinchin. Cathiang nih a ti bangin, “Pathian nih aa porhlawmi cu a doh hna i mi toi i aa dormi kha vel a ngeih hna.”

1 PETER 3:8

A donghnak ah ka chim duhmi cu, ruahnak khat le lungthin khat in um u, u le nau bantukin i daw u law pakhat le pakhat i zaangfah u law toidor tein um u.

1 PETER 4:1

Khrih zong nih khan a pum in a rak in caah nannih zong nih cu bantuk thinlung le lungput cun nan tha nan i ṭhawnter ve awk a si. Cu bantukin temhinnak a ingmi hna cu sualnak chungah khan an i tel ti lo.

1 PETER 4:5

Sihmanhsehlaw a nungmi he a thimi he bia a ceihtu ding Pathian hmaiah cun an chuak ve lai i an bia cu an i chim ve te ko lai.