1 PETER 5:3 - Lai (Hakha) Common Language Bible 2006

³ Nanmah zohkhenh awkah chiahmi hna kha a uk in uk hna hlah u, sihmanhsehlaw an i zohchun ding tu si i zuam u, tiah kan nawl hna.

Laibaibal Thiang (BSI)

³ asiloah nan ukmi hna cungah i bawiter hlah u, tuurun zohchunh awktlâk si kha i zuam u,

1 PETER 5:3 ပူးပေါင်းရင်းမြစ်များ

SALM 33:12

An Pathian ah Bawipa a simi miphun cu lunglawmmi miphun an si, Bawipa nih a mi ah a thimmi hna cu lunglawmmi an si.

SALM 74:2

Hlanlio piin na mi si awkah na kan thimmi hi kan philh hlah. Na rak umnak Zion Tlang zong kha philh hlah.

EZEKIEL 34:4

A bami kha thazang nan pe hna lo, a zawmi kha nan hram hna lo, hma a ingmi kha an hma nan menpiak hna lo, a pingah a kalmi kha nan kirpi ṭhan hna lo i a tlaumi kha nan kawl hna lo; cucu vun chim loin annih cu zaangfahnak ngei lo le puarhrang ngaiin nan uk hna.

MIKAH 7:14

Bawipa, na mi na thimmi hna hi nangmah nih khal hna. Annih cu anmah lawngin ramlak ah khan an um i ram hninghno nih khan a kulh hna. Hlan liopi ah an rak tuah bantuk khan Bashan le Gilead i a ummi ramhno lakah cun kalter hna law tlonter hna.

NAMBAR 18:7

Cun nangmah le na fale hna nih biakṭheng le puanzar chung i a ummi thil he aa pehtlaimi vialte ah nan tlangbawi rian cu nan ṭuan lai; nannih nih nan bultawi lai. Nan tlangbawi rian hi laksawng ah kan pek hna; midang ahohmanh a pawngah a rami paoh cu thah a si lai,” tiah a ti.

JOHAN 13:15

Nan caah i zohchun awk kan tuahpiak cang hna: nan ca i ka tuah bantuk khan nannih zong nih nan tuah ve awk a si.

LAMKALTU 20:28

Nanmah lila kha i veng u law nan zohkhenh awkah Thiang Thlarau nih an pekmi hna tuurun kha ṭha tein va zohkhenh hna u. Pathian nih amah Fapa thihnak thawngin amah ta ah aa sermi khrihfabu tuukhal kha si ko u.

1 KORIN 11:11

Bawipa chung i kan nunning tu ah hin cun, nu hi pa caah a herh bantukin pa zong nu caah a herh ve.

1 KORIN 3:5

A ngaingai ti ahcun, Apollo cu ahodah a si? Paul cu ahodah a si? Pathian sal pei kan va si ko cu, Pathian an zumhtertu hna kha. Bawipa nih a kan pekmi rian cio kha pei kan hei ṭuan ko cu:

1 KORIN 3:9

Zeicahtiah kannih cu Pathian ca i hmunkhat ah rian a ṭuan ṭimi kan si i nannih cu Pathian lo nan si. Nannih cu Pathian inn zong nan si fawn.

2 KORIN 1:24

Cucu nan zumh awk, khakha nan zumh awk, ti kha ca auh bantukin in auh duahmah hna kha ka duh lo, zeicahtiah zumhnak ah khan fek tein nan dir ti kha ka hngalh ko. Kannih nih tuah kan duhmi cu nanmah lawmhnak tu kha a si deuh.

2 KORIN 4:5

Kanmah kong kha kan chimmi a si lo, kan chimmi cu Jesuh Khrih kha Bawipa a si i kannih hi Jesuh ruangah nan sal kan si, ti hi a si.

DEUTERONOMI 32:9

Zeitintiah Bawipa vo cu a mi kha an si, Jakob cu amah ro hrimhrim kha a si.

FILIPI 3:17

Ka u le ka nau hna, ka nawl cawn hi i zuam ko u. Zohchun awk ṭha nan caah kan in chiahpiakmi hna; a zulmi kha i zohchunh hna u.

FILIPI 4:9

Keimah sinin nan hngalhmi le nan hmuhmi kha tuah i zuam hna u, ka chimmi nan theihmi si hna seh, ka tuahmi nan hmuhmi si hna seh, tuah i zuam hna u. Daihnak a kan petu Pathian nih cun an umpi hna lai.

1THESALON 1:7

Cucaah Masidonia le Grik ram i a ummi Khrihfa hna caah nannih cu zohchun awk nan rak si.

2 THESALON 3:9

Mah ti kan tuah kha, nan kan cawm ve awk a si tinak nawl kan ngeih lo caah a si lo, nanmah zohchun dingah kan tuahmi a si.

1TIMOTE 4:12

Na kum a no ruangah ahohmanh nih in zawmhtaih hna hlah seh, sihmanhsehlaw na biachim na holhrel ah siseh, na zia na za ah siseh, dawtnak, zumhnak le thiannak na ngeihmi ah siseh, zumtu hna caah tahchunh awk tlak va si tuah.

TITAS 2:7

Cun nangmah hrimhrim zong, thil ṭha tuahnak lei paohpaoh ah, an i zohchun awk tlak na si lai. Na cawnpiak hna tikah lungtak te le biatak tein cawnpiak hna.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.