1 PETER 5:13 - Lai (Hakha) Common Language Bible 2006

¹³ Babilon i a ummi Khrihfabu nih nan kut an in tlaih hna. Hi Khrihfabu zong cu Pathian thimmi a si ve. Cun ka fapa Marka zong nih biakchawnhnak an kuat ve hna.

Laibaibal Thiang (BSI)

¹³ Babilon mi nanmah he thimmi nu nih hin nan kut an tlaih hna. Cubantukin ka fapa Marka zong nih nan kut an tlaih hna.

1 PETER 5:13 ပူးပေါင်းရင်းမြစ်များ

SALM 87:4

“Ka nawl a ngaimi miphun hna cazin kha ka ṭial tikah, Izipt le Babilon kha ka telh chih hna lai; cun Filistia le Tair le Ethiopia zong kha, Jerusalem ta nan si tiah ka ti hna lai,” a ti.

LAMKALTU 12:12

Thil umtuning kha a hung fian tikah Johan Marka nu Mary inn ah khan a va kal. Khika ah cun mi tampi kha an rak i pum i thla an rak cam.

LAMKALTU 12:25

Barnabas le Saul nih khan an rian cu an lim i Jerusalem in an ra kir i Marka kha an i ratpi.

LAMKALTU 15:37

Barnabas nih khan Johan Marka kha i kalpi ṭhan a duh;

LAMKALTU 15:39

Fak piin an i al i pakhat le pakhat an i ṭhen. Barnabas nih Marka kha aa lak i Saipras tikulh leiah lawng in an kal;

KOLOSE 4:10

Ka thongtlahawi i a simi Aristarkas nih nan kut an tlaih hna; cun Barnabas tupa Marka zong nih an tlaih ve hna. (Nan khua lei i a rat sual ahcun ṭha tein rak conglawmh u tiah tinak bia kha nan hmuh cang).

FILEMON 1:24

Cun ka rianṭuan hawi Marka le Aristarkas le Demas le Luka nih nan kut an in tlaih ve hna.

2 JOHAN 1:1

Khrihfa Upa nih, Ka dawtmi Bawinu le a fale hna kha ca kan kuat hna. Keimah lawnglawng hi an dawtu hna ka si lo, biatak kha a hngalmi vialte nih cun an in dawt hna,

2 JOHAN 1:13

Na dawtmi na Unaunu fale hna nih daihnak an in kuat.

BIAPHUAN 17:5

A cal ah min pakhat aa ṭial i cu min cu sullam hleng a ngei. Cu min cu, “A liannganmi Babilon, vawlei cung hlawhhlangnu vialte le sual thurnak vialte nu,” ti a si.

BIAPHUAN 18:2

Fak piin a au i, “Nu kha a ril cang! Babilon Khualipi kha a tlu cang. Khuachia le thlarau thur nih an umhnawh cang i a thurhnawmmi le fihnung a simi vate a phunphun in a khat cang.