1 PETER 5:12 - Lai (Hakha) Common Language Bible 2006

¹² Hi ca hi Silas nih a ka bawmhnak thawngin nannih kha kan kuat hna. Amah cu zumhawktlak a si tiah ka ruahmi kan unau a si. Hihi Pathian vel ahmaanmi taktak a si ti kha tehte khan ka duh i a chungah fek tein dir u, tiah forh kan duh hna.

Laibaibal Thiang (BSI)

¹² Silvanas, zumh a tlâkmi unau i ka ngeihmi kut ah hin nanmah thazâng pêknâk bia, atu i nan dirnâk hi Pathian zângfahnâk dik a si ti kha hngalhternâk câ tawi tein ka rak kuat.

1 PETER 5:12 ပူးပေါင်းရင်းမြစ်များ

JOHAN 21:21

Cu pa cu Peter nih khan a hmuh tikah, “Hi pa hi tah zeitindah a si lai?” tiah Jesuh kha a hal.

LAMKALTU 11:23

A va phak i zeitluk in dah Pathian nih annih kha thluachuahnak a pek hna ti kha a hmuh tikah a lung aa lawm i annih cu an dihlak tein Bawipa cu an lungthin a dihumnak in i tlaih awk le a sinah zumhawktlak tein um awk kha a forh hna.

LAMKALTU 15:22

Cun lamkaltu hna le upa hna nih khan khrihfabu an dihlak he, an bu chungin mi i thim i Paul le Barnabas sinah Antiok khua i thlah kha an hna a tla. Barsabbas ti zongah timi Judas le Silas kha an thim hna; annih cu an pahnih in unau pawl hna nih khan an upat ngaingaimi an si.

LAMKALTU 20:24

Sihmanhsehlaw Bawi Jesuh nih a ka fialmi rian, Pathian velngeihnak Thawngṭha chim hi ka lim khawh paoh ahcun ka nunnak hi cu zeihmanh ah ka rel lo.

ROM 5:2

Jesuh Khrih nih cun kan zumhnak thawngin Pathian velngeihnak chungah cun a kan luhpi i cu chungah cun atu hi kan um. Cucaah Pathian sunparnak kan i hrawm ve lai ti kan i ruahchan i kan tha a nuam.

1 KORIN 15:1

Atu cu ka u le ka nau hna, nannih kan chimhmi hna Thawngṭha kha hngalhter ṭhan kan duh hna; cucu nannih nih nan rak cohlan cangmi Thawngṭha, nan zumhnak nan bunhnak Thawngṭha kha a si i cu nih cun khamhnak kha an pek hna.

2 KORIN 1:19

Zeicahtiah Silas le Timote le keimah nih kan in chimhmi hna Jesuh Khrih, Pathian Fapa cu, “E, e,” “Ai, ai,” aa cawhmi a si lo. Amah cu Pathian “E” a si ko;

2 KORIN 1:24

Cucu nan zumh awk, khakha nan zumh awk, ti kha ca auh bantukin in auh duahmah hna kha ka duh lo, zeicahtiah zumhnak ah khan fek tein nan dir ti kha ka hngalh ko. Kannih nih tuah kan duhmi cu nanmah lawmhnak tu kha a si deuh.

EFESA 3:3

Pathian nih a thuhmi a khuakhannak cu ka sinah a phuan i a ka hngalhter. (Hi kong hi tawi tein nan sinah ka rak ṭial cang,

EFESA 6:21

Taikhikas, kan dawtmi kan nau le Bawipa rian ah zumh awk tlak a simi nih ka konglam kha a dihlak in an chimh hna lai i ka ningcang kha nan rak theih lai.

KOLOSE 1:7

Cucu Epafras sin khan nan theih; amah cu kan rianṭuanhawi, kanmah aiawh in Khrih ca i rian a ṭuanmi, zumh awk tlak ngaimi a si.

KOLOSE 4:7

Kan dawtmi kan nau Taikhikas nih keimah kong kha an chimh hna lai. Amah cu zumh awk tlakmi, Bawipa rian ṭuannak i kan ṭuanhawi a si.

KOLOSE 4:9

Amah sinah cun Onesimas kha a ra ve lai, amah cu kan dawtmi, zumh awk a tlakmi kan nau, nanmah chung mi kha a si. Hika lei thil umtuning vialte kha an in chimh hna lai.

1THESALON 1:1

Paul, Silas le Timote nih, Thesalonika khua i a ummi Khrih-fabu, Pathian kan Pa le Bawipa Jesuh Khrih ta a simi kha, ca kan in kuat hna. Vel le daihnak cu nan ta si ko seh.

2 THESALON 1:1

Paul, Silas le Timote nih, Thesalonika khuachung Khrihfabu chung i a ummi, Pathian kan Pa le Bawipa Jesuh Khrih ta a simi Khrihfami kha ca kan in kuat hna.

HEBRU 13:22

Ka u le ka nau hna, ca kan kuatmi hna hi a sau zong a sau lem lo i cucaah cun lung ṭhawnnak bia kan chimhmi hna hi lungsau ngaiin rak zul u tiah kan nawl hna.

1 PETER 1:13

Cucaah nan lung in rianṭuan awkah timhcia tein um u. Ralring tein um u law, Jesuh Khrih a langh tikah nan hmuh laimi velngeihnak laksawng cungah khan nan i ruahchannak cu bunh ko u.

1 PETER 4:10

Pathian laksawng kengtu ṭha bantukin Pathian sinin nan hmuhmi laksawng kha midang ca ṭhatnak ah hmang cio u.

2 PETER 1:12

Hi thil hi nan hngal ko cang nain le biatak nan hmuhmi chungah fek tein nan dir cang ko nain kan chimh ṭhan lengmang ko rih hna lai.

2 PETER 2:15

Lam ding kha an pialtak i an tlau cang; Beor fapa Balaam lam kha an zul, Balaam cu ṭhat lonak tuahnak ca i phalhmi tangka a duhmi kha a si i

3 JOHAN 1:12

A mi kip nih Demetrius cu an thangṭhat i biatak hrimhrim zong nih a thangṭhat. Cun kannih zong nih kan thangṭhat ve i kan chimmi cu biatak a si ti kha na hngalh.

JUDAS 1:3

Ka dawtmi ka hawile hna, kan dihlak in kan i hrawmmi khamhnak kong kha ca in, in chim hna ning ti cu ka duh zungzalmi a si. Sihmanhsehlaw atu ah hin, Pathian nih voi khat ah za lak in a mi a pekmi hna zumhnak kha rak ṭanh u, tiah in chimh hna kha a herh hringhran in ka hngalh caah cu kong cu ca in kua loin kan um kho hna lo.