1 PETER 4:19 - Lai (Hakha) Common Language Bible 2006

¹⁹ Cucaah Pathian duhning a si ruang i temhnak a ingmi hna nih cun thil ṭha an tuahmi thawng khan Pathian sinah i pe ko hna seh — Pathian cu anmah a Sertu hna kha a si i a biakam kha a tlolh bal lo.

Laibaibal Thiang (BSI)

¹⁹ Cucaah Pathian remti ningin a tuarmi hna caah thilṭha tuah in an thlarau kha zumh a tlâkmi Sertu sinah chân seh.

1 PETER 4:19 ပူးပေါင်းရင်းမြစ်များ

ESTHER 4:16

“Va kal law Susa khua chung i a ummi Judah mi vialte kha va pum hna, cun keimah caah rawl ulhnak pakhat ni thum chung rak ser u; chun ah siseh zan ah siseh zeihmanh ei in ding hlah u. Cun nannih nih nan tuah bantukin kei le ka sinum hna zong nih rawl ulhnak cu kan rak tuah ve lai. Cun phung he aa ralchanhmi a si nain siangpahrang sinah cun ka va kal lai, ka thih ah thih si ko seh,” tiah a ti hna.

SALM 138:8

Na ka kamhmi thil vialte kha tlinter ko hna, Bawipa, na dawtnak cu zungzal in a fek ko; na thawk ciami rian cu liim ko.

SALM 31:5

Nangmah kut chungah ka thlarau ka chiah, Bawipa, nangmah nih na ka khamh lai, nang cu zumhawktlakmi Pathian na si.

SALM 37:5

Na nunnak kha Bawipa pe tuah, amah kha i bochan law amah nih an bawmh lai.

ISAIAH 43:21

Ka thimmi ka mi hna cu keimah ca i kaa sermi an si — anmah nih ka thangṭhatnak hla cu an sak hna lai,” a ti.

ISAIAH 43:7

Annih cu keimah mi an si i keimah sunparnak petu dingah ka sermi an si,” a ti.

DANIEL 6:22

Ka Pathian nih chiandeih hna cu an kaa phih awkah a vancungmi kha a run thlah hna i cucaah ka cungah zeihmanh ṭhat lonak an tuah lo, zeicahtiah amah nih a ka hmuh ning ah kei cu a sual lomi ka si i cuhleiah maw siangpahrang, nangmah cungah ṭhat lonak zeihmanh ka tuah lo,” tiah a ti.

LUKA 23:46

Jesuh cu aw thangpi in a au i, “Ka Pa, na kut chungah ka thlarau kha ka chiah,” tiah a ti. Cucu a chim dih in a cat.

LAMKALTU 7:59

Lung in an cheh chih lengmang lioah cun Steven nih, “Bawipa Jesuh, ka thlarau cu nangmah nih cohlang ko,” tiin a au.

ROM 2:7

Micheu nih thil ṭha kha an tuah lengmang i sunparnak le upatnak le zungzal nunnak kha an kawl; cu hna cu Pathian nih zungzal nunnak kha a pek ko hna lai.

2TIMOTE 1:12

hi bantukin sifahnak ka inmi vialte hna hi, hi ruangah hin a si. Asinain ka lung a dong naisai lo, zeicahtiah kaa bochanmi cu ahodah a si kha ka hngalh i ka kut chungah a ka pekmi thil kha khi Ni tiang him tein a ken khawh ti kha fiang tein ka zumh.

1 PETER 2:15

Zeicahtiah a duhduh in bia a chimmi mihrut kha, thilṭha nan tuahmi in, chim awk hngal loin tuah hna u, ti kha Pathian duhnak a si.

1 PETER 3:17

Chiatnak tuah ruang i innak hmuh nakin ṭhatnak tuah ruang i innak huah cu a ṭha deuh, cucu Pathian duhnak a si,

1 PETER 3:20

Cu thlarau hna nih cun, Noah nih tilawng a ser lio i lungsau in Pathian nih a ngan hna lioah khan, Pathian nawl cu an ngai duh lo. Lawng chungah a lutmi mi tlawmte — minung an dihlak ah pariat hna kha — ti chung cun khamh an si i