1 PETER 3:9 - Lai (Hakha) Common Language Bible 2006

⁹ Ṭhat lonak kha ṭhat lonak in lehrul hlah u, vawlhpamhnak kha vawlhpamhnak in lehrul fawn hlah u; thluachuah peknak tu in lehrul hna u, zeicahtiah Pathian nih an kawh hna tikah bia an kamhmi hna cu, thluachuahnak kan pek hna lai, ti a si.

Laibaibal Thiang (BSI)

⁹ sual cu sual lila in lehrul hlah u; siknâk zong siknâk lila in lehrulh ding a si lo, thluachuah tu pe lehlam u. Cubantuk tuah awkah kawhmi nan si; cuticun thluachuahnâk nan hmuh lai.

1 PETER 3:9 ပူးပေါင်းရင်းမြစ်များ

GENESIS 42:25

Josef nih an sawngkhoi ah rawl a khat tein nan rawnpiak hna lai, cun an tangka kha an sawngkhoi ah nan sanhpiak cio hna lai i riahcaw nan ronh cio hna lai tiah nawl a pek hna i a chim bang cun an tuahpiak hna.

PHUNGTHLÛKBIA 17:13

Mi nih ṭhatnak cu ṭhat lonak in a lehrulh ahcun, ṭhat lonak cu a inn chungin aa ṭhial bal lai lo.

PHUNGTHLÛKBIA 20:22

“Ṭhat lonak cu ṭhat lonak in ka rulh lai,” tiah va ti hlah, Bawipa kha va hngak law, amah nih an bawmh lai

PHUNGTHLÛKBIA 28:10

Miding mi kha ṭhat lonak lei kal awkah a lemtu cu, amah nih a cawhmi khor lila ah khan a tla lai; Lihchim lomi nih cun a ṭhami ro kha a hmuh lai i Sihmanhsehlaw miṭhalo nih cun zeihmanh an hmu lai lo.

MATTHAI 19:29

Cun keimah ruangah a inn siseh, a lo siseh, a u siseh, a nau siseh, a farle si hna seh, a pa siseh, a nu siseh, a fale si hna seh, a kaltakmi hna cu a let za khat in a hmuh ṭhan lai i zungzal nunnak kha pek a si lai.

MATTHAI 25:34

Cun a orhlei i a ummi cu Siangpahrang nih cun a thawh hna lai i, ‘Nannih, ka Pa nih thluachuah a pekmi hna, ra tuah u. Ra u law vawlei ser ri in nan caah timh a simi pennak cu ra co tuah u.

MATTHAI 5:39

Sihmanhsehlaw kei nih cun, nan cung i ṭhat lonak a tuahtu hna kha lehrul hna hlah u, kan ti hna. Nan orhlei bel ah an in bengh hna ahcun khatlei zong kha i chit rih u.

MATTHAI 5:44

Sihmanhsehlaw kei nih cun, hitihin kan ti hna: nan ral kha va daw hna u law an hremtu hna kha thla va campiak hna u,

MARKA 10:17

Jesuh cu khual tlawn ah aa thawh ṭhan i cu lioah cun mipa pakhat a hung tli i a hmaiah a khuk aa bil i, “Saya, nangmah cu mi ṭha na si. Zungzal nunnak hmuh awkah zeidah ka tuah lai?” tiah a hal.

LUKA 10:25

Cun Phungbia cawnpiaktu saya pakhat a ra i amah kha foih a hung zalh, aa thawh i, “Saya, zungzal nunnak hmuh awkah zeidah ka tuah lai?” tiah a ti.

LUKA 18:18

Judah mi haotu pakhat nih a thawh i, “A ṭhami saya, zungzal nunnak hmuh awkah zeidah ka tuah lai?” tiah a ti.

ROM 12:14

Nanmah an hremtu hna kha Pathian sinah thluachuah halpiak hna u; asi, thluachuahnak kha halpiak hna u, chiatserhnak si loin.

ROM 12:17

Mi nih nan cungah ṭhat lonak an tuah ahcun ṭhat lonak in va lehrul hna hlah u. Mi vialte nih a ṭha tiah an ruahmi kha tuah i zuam u.

ROM 8:28

Pathian nih hin, amah a dawmi hna caah le amah nih aa tinhmi ningin a kawhmi hna caah cun, zeizong vialte hi a ṭha lei ah a serpiak ko hna ti kha kan hngalh.

ROM 8:30

Cucaah a thleidanmi hna cu Pathian nih a kawh hna i a kawhmi hna cu Amah he khan a remter hna; cun amah he a remtermi hna cu a sunparnak zong kha a hrawmh hna.

GALATI 3:14

Hi thil vialte nih aa tinhmi cu, Pathian nih Abraham sinah a kammi thluachuahnak kha Khrih Jesuh thawngin Jentail mi sinah pek si seh ti kha a si i cucaah kannih zong nih zumhnak thawngin Pathian kamhmi Thlarau cu kan hmuh ve nakhnga caah a si.

EFESA 4:32

Pakhat le pakhat cungah zaangfahnak lungthin le nemnak lungthin ngei u law Pathian nih Khrih thawngin an ngaihthiam hna bantukin pakhat le pakhat i ngaithiam u.

1THESALON 5:15

Ṭhat lonak kha ahohmanh nih ṭhat lonak in lehrul hlah u, sihmanhsehlaw pakhat le pakhat cungah siseh, mi vialte cungah siseh, ṭhatnak tuah tu kha i tinh u.

HEBRU 12:17

Nan hngalh bantukin, a hnuah cun a pa thluachuahnak kha hmuh ṭhan duh hmanh seh law a hmu ṭhan kho ti lo; mitthli tla in ṭahhnawh len hmanh seh law a tuah ciami kha a thleng kho ti lo.

HEBRU 6:14

“Nangmah cu thluachuahnak kan pek lai i tefa tampi kan pek lai tiah bia kan kam,” tiah a ti.

1 PETER 5:10

Sihmanhsehlaw caan tlawmpal nan in hnuah cun, velngeihnak in a khatmi Pathian, Khrih he nan i pehtlaihnak thawngin zungzal a hmunmi a sunparnak i hrawm dingin aan kotu hna nih cun tlinnak an pek hna lai i fehnak le thazang le a fekmi hram bunhnak an pek hna lai.

1 SAMUEL 26:11

Bawipa chiti thuhmi cung i ka kut samh awk cu Bawipa nih ka kham ko seh; sihmanhsehlaw a lu hram i a ummi fei kha le hranthawl kha la law kal u sih,” tiah a ti.