1 PETER 3:7 - Lai (Hakha) Common Language Bible 2006

⁷ Nannih patung hna zong nan nupile he nan um tikah, annih cu a der deuhmi an si kha philh hlah u. Cucaah bia nan chimh hna tikah hmaizah tein nan chimh hna lai i Pathian pekmi laksawng nunnak cu annih zong nih an co khawh ve lai. Hi bantuk hin um u law zeihmanh nih nan thlacamnak kha hna a hnawh kho lai lo.

Laibaibal Thiang (BSI)

⁷ Cubantukin nannih va le hna theihthiamnâk he nan nupi le sinah um i zuam ulaw, nan thlacamnâk dawntu a si nâkhnga lo, kuai a fawideuh mi ûm an si kha hngal in upat hna u, zângfahnâk nun nan co pimi an si.

1 PETER 3:7 ပူးပေါင်းရင်းမြစ်များ

JOB 42:8

Cucaah cawtum pasarih le tuukawng pasarih in i lak hna u law ka sal Job sinah va kal u law nan caah khangh thawinak va pechan u; cun ka sal Job nih thla an campiak hna lai, zeicahtiah ka sal Job nih ka kong ah a dikmi bia a chim bantukin nannih nih nan chim lo ruangah nan hruhnak bantukin nan cungah ka tuah nakhnga lo amah thlacamnak cu ka cohlan lai,” tiah a ti.

MATTHAI 18:19

Cun hi zong hi kan chimh hna: hi vawlei cungah hin, nan halmi thil kong ah, pahnih nan lung aa khah ahcun, nan halmi thil cu vancung i a ummi ka Pa nih an pek hna lai.

1 KORIN 7:3

Pa nih a nupi cungah a tuah awk a simi rian kha tlamtling tein tuah seh law nu zong nih a va cungah tuah ve seh; an herhnak ah khan an lung i riamhter ciocio hna seh.

EFESA 3:6

Cu biathli cu hihi a si: Thawngṭha thawngin Jentail mi hna nih Judah mi hna sinah khan Pathian thluachuahnak an hmuh ve cang; annih cu pum khat chung nge kha an si cang i Khrih Jesuh in Pathian nih biakamnak a tuahmi ah khan tinvo an ngei ve cang.

EFESA 4:30

Cun Pathian Thiang Thlarau kha a ngaihchiatter hlah u; zeicahtiah Pathian ta nan si hmelchunhnak le Pathian nih an luatter hna Ni cu a phan lai ti aamahkhan cu Thlarau cu a si.

EFESA 5:33

Asinain nanmah kong zongah hman khawh a si ve: vale nih nan nupile cu nan pum nan i dawt bantukin nan dawt hna lai i nupile nih nan vale cu nan hmaizah hna lai.

EFESA 6:18

Hi vialte hi thlacam buin tuah u law Pathian kha bawmhnak hal u. Thlarau nih an hruai hna ningin zeitik caan paoh ah thlacam u. Hi caah timhcia tein um zungzal u law nan hnabei zeitikhmanh ah dong hlah u; Pathian mi hna caah thlacam zungzal u.

KOLOSE 3:19

Vale hna, nan nupi le kha daw hna u law bia hrang in ti hna hlah u.

1THESALON 4:4

Nan dihlak in nan pum uk kha nan thiam awk a si, nan pum cu nan thianter awk le nan upat awk a si,

TITAS 3:7

cucaah a vel ruangah Pathian he cun kan i rem i kan i ruahchanmi zungzal nunnak kha kan hmuh.

HEBRU 1:14

A si ahcun vancungmi cu ahodah an si kun? Vancungmi cu Pathian rian a ṭuantu thlarau, khamhnak a hmu hngami bawmh awkah Pathian nih a thlahmi kha an si.

1 PETER 3:1

Cu bantuk ṭhiamṭhiam in nu nih nan vale kha an nawl nan ngaih hna awk a si. Cu ti nan tuah ahcun, nan vale lak i Pathian bia a zum lomi hna nih khan, nan ziaza a ṭhami thawng cun Pathian bia cu an zumh lai. Nan caah bia kaa khat chim zong a herh lai lo,