1 PETER 3:5 - Lai (Hakha) Common Language Bible 2006

⁵ Pathian a rak i bochanmi nu hna cu, cu bantukin an i dawhnak a simi an si — an vale nawl an ngaihnak ah khan an i dawhnak cu a si.

Laibaibal Thiang (BSI)

⁵ Zeitintiah cubantuk in dah kaw hlanlio pi ah a thianghlimmi nu hna nih an va le nawlngai in an i ṭamh tawn kha.

1 PETER 3:5 ပူးပေါင်းရင်းမြစ်များ

PHUNGTHLÛKBIA 31:10

Nupi ṭha cu hlawn nakin tampi in a sung deuh, cu bantuk mi hmuh bel cu a har hringhran!

PHUNGTHLÛKBIA 31:30

Iang hi hlen a hmang, dawh hi a ziam kho, Sihmanhsehlaw Bawipa a ṭihmi nu cu thangṭhat awk a si.

JEREMIAH 49:11

Ngakṭah na fale cu ka sinah kaltak hna law keimah nih nungdam tein ka zohkhenh hna lai; Na nuhmei hna nih keimah cu ka hngal ṭhan hna seh, a ti.

LUKA 2:37

kum sawm riat le kum li a si cang. Biakinn kha a kaltak bal lo i chun he zan he Pathian kha rawl ulh le thlacam in a biak.

LAMKALTU 1:14

Thlacam awkah atu le atu a bu tein an i pum i an sinah cun nu hna le Jesuh nu Mary le Jesuh naule kha an um ve.

LAMKALTU 9:36

Cun Joppa khua ah hin Jesuh zummi nu pakhat a min Tabitha a simi a um, (amah cu Grik holh cun Dorkas ti a si i a sullam cu sazuk tinak a si.) ṭhatnak tuah le sifak bawmh ah khan a caan vialte cu a hman dih tawn.

EFESA 5:33

Asinain nanmah kong zongah hman khawh a si ve: vale nih nan nupile cu nan pum nan i dawt bantukin nan dawt hna lai i nupile nih nan vale cu nan hmaizah hna lai.

1TIMOTE 2:10

Biaknak a ṭanhmi nu nih an tuah tawn bantukin ziaza ṭha tu in i thuam hna seh.

1TIMOTE 2:15

Sihmanhsehlaw nu cu fa an ngeih ruangah hin khamh an si lai — toidornak lungthin in zumhnak le dawtnak le thiannak chungah an um ahcun khamh an si lai.

1TIMOTE 5:10

rian ṭha ṭuannak leiah min ṭhami a si lai: amah cu a fale ṭha tein a cawmkengmi, khualtlung a dawmi, Pathian mi an ke a ṭawlpiakmi, harnak a tongmi hna a bawm tawnmi le thil ṭha tuahnak ah aa hmangmi a si lai.

1TIMOTE 5:5

Ahohmanh bawmtu a ngei lomi nuhmei, Pathian lawng aa bochan i chunzan in a sinah thla a cammi cu nuhmei taktak a si.

HEBRU 11:11

Abraham kha a tar tuk cang i Sarah kha fa ngei kho lo a si nain, Abraham cu hringtu pa ah a sertu cu zumhnak a si. Pathian nih khan a biakamnak cu a tuah ṭheo lai, ti kha a zumh.

1 PETER 1:3

Kan Bawipa Jesuh Khrih i a Pathian le a Pa cu lawm ko u sih. Zeicahtiah a zaangfahnak a nganmi ruangah kannih cu Jesuh Khrih thihnak in a thawhternak khan, nunnak thar a kan pek. Cucaah kannih cu zumhnak nung in kan khat i

1 SAMUEL 2:1

Cun Hannah nih thla zong a cam i, “Bawipa cungah ka lung aa lawm; Bawipa thawngin ka thazang cu hlorh a si. Na khamhnak ah khan kaa lawmh caah, Ka ral hna cu ka kaa nih a nihsawh hna.