1 PETER 3:20 - Lai (Hakha) Common Language Bible 2006

²⁰ Cu thlarau hna nih cun, Noah nih tilawng a ser lio i lungsau in Pathian nih a ngan hna lioah khan, Pathian nawl cu an ngai duh lo. Lawng chungah a lutmi mi tlawmte — minung an dihlak ah pariat hna kha — ti chung cun khamh an si i

Laibaibal Thiang (BSI)

²⁰ cuhna cu Noa nunlio i tilawng a sak chung vialte Pathian nih lungsau in a hngahmi hna zumduh lotu kha an si, cu tilawng ah cun mi tlawm te, mi pariat lawng kha ti khan khamh an si.

1 PETER 3:20 ပူးပေါင်းရင်းမြစ်များ

GENESIS 6:13

Cun Pathian nih Noah cu a thawh i, “Minung hi an dihlak in hrawh awkah ka ruah cang. An dihlak in ka hrawh hna lai, zeicahtiah vawlei hi sualnak an tuahmi in a khat.

GENESIS 6:3

Cun Bawipa nih aa thawh i, “Minung hi zungzal in nun cu ka sianh hna lai lo, zeicahtiah titsa an si. Atu thawk in kum za le kum kul nak tam an nung ti lai lo,” a ti.

GENESIS 6:5

Bawipa nih minung cu khuazakip ah an ṭhat lo tuk hringhran le an lungchung cu ruahnak ṭhalo lawnglawng a khah kha a hmuh tikah,

GENESIS 6:8

Asinain Noah nih cun Bawipa kha a lung a ton.

GENESIS 7:13

Cu ni ah cun Noah le a nupi, a fapa pathum hna, Shem, Ham le Jafeth le an nupile kha, lawng chungah cun an lut.

GENESIS 8:1

Pathian nih Noah le a sin i lawng chungah a ummi saram vialte le saṭil vialte kha a philh hna lo, cucaah vawlei cungah thli a hranter i ti cu ṭum hram aa thawk.

GENESIS 8:18

Cucaah Noah cu a nupi le a fapa hna le an nupile hna he khan lawng chung cun an chuak.

ISAIAH 30:18

Asinain nan cungah a velngeihnak langhter duh ah Bawipa nih an hngah ko hna. Amah nih cun a dingmi thil kha a tuah zungzal caah nanmah zaangfah awk kha aa tim ko. Lunglawmhnak hi Bawipa i bochannak chungin a chuakmi a si.

MATTHAI 7:14

Nunnak a phanmi lam cu a har i a kutka cu a bi i a hmumi cu tlawmte lawng an si.

LUKA 12:32

“Tuurun hmete hna, nan thinphang hlah u! Zeicahtiah nan Pa nih Pennak cu nanmah kha pek an duh hna.

LAMKALTU 2:41

Mi tampi nih a bia cu an zumh i tipil kha an in; cu ni ah cun an bu ah mi thong thum tluk an i chap.

ROM 9:22

Cu bantuk ṭhiamṭhiam in Pathian tuahmi zong cu a si ko. A thinhunnak le a ṭhawnnak kha langhter a duh. Sihmanhsehlaw a thin a huntertu hna, hrawh awk a simi hna cungah khan lungsaunak a ngei.

EFESA 5:26

Khrihfabu cu ti in thiang tein a ṭawl hnuah Pathian sinah a bia in a pek.

HEBRU 11:7

Noah kha, a hmuh khawh lomi hmailei thil kongah, Pathian nih ralrinnak a pek tikah, cu ralrinnak bia a theihtertu cu zumhnak a si. Pathian bia kha a ngaih i lawng pakhat a ser i cu chungah cun amah le a innchungkhar kha him tein an um. Cuticun a zumhnak khan vawleicung mi vialte cu, an palh, ti kha a langhter i zumhnak thawngin a rami dinnak kha Pathian sinin a hmuh.

1 PETER 1:22

Biatak nih an fialmi hna nan zulhnak thawngin nanmah cu nan i thianh cang i zumhnak ah nan unau a simi hna cungah khan dawtnak taktak nan ngeih caah, pakhat le pakhat i daw tuah u.

1 PETER 1:9

Cucaah nan zumhnak nih aa tinhmi nan thlarau khamhnak cu nan hmuh caah, holh in chim khawh lomi lawmhnak, a nganmi le a sunglawimi lawmhnak kha nan ngei.

1 PETER 2:25

Tuu a tlaumi bantukin nan tlau cang, sihmanhsehlaw atu cu nan nunnak Khaltu a simi le nan nunnak Cawngtu a simi leiah khan nan kir cang.

1 PETER 3:19

thlarau in a nunnak cun thong i thlakmi thlarau hna sinah khan a va kal i phung a chim.

1 PETER 4:19

Cucaah Pathian duhning a si ruang i temhnak a ingmi hna nih cun thil ṭha an tuahmi thawng khan Pathian sinah i pe ko hna seh — Pathian cu anmah a Sertu hna kha a si i a biakam kha a tlolh bal lo.

2 PETER 2:5

Hlanlio vawlei zong kha Pathian nih a rak zuah lo. Buanchukcho kha a tlunter i Pathian zei i a rel lomi kha an thi dih; a nungmi cu, dinnak kong a chimtu Noah le midang pasarih lawng kha an si.

2 PETER 3:15

Kan hawi le kan unau a simi Paul nih ca an kuat hna tikah, Pathian nih a pekmi fimnak in a chim bantukin, Bawipa nih kan cungah lungsaunak a ngeih cu kannih kha khamh a kan duh caah a si.