1 PETER 3:16 - Lai (Hakha) Common Language Bible 2006

¹⁶ Cun cu bantukin nan chim tikah nemnak le hmaizahnak in chim u. Nan chiaṭha thleidannak kha thiang tein umter u, cu ti nan um ahcun, Khrih zultu nan si ruang i nan ziaza ṭha a soimi hna nih khan nan ziaza cu an hmuh tikah anmah tu an ning a zak lai.

Laibaibal Thiang (BSI)

¹⁶ Chia le ṭha hngalhnâk thiang ngei u, cuticun ṭhatlonâk tuahtu bangin puh an in timh mi hna cu, Krih i â dawhmi nun in nan umnâk nih an ning a zahter hna lai.

1 PETER 3:16 ပူးပေါင်းရင်းမြစ်များ

DANIEL 6:4

Khi tikah vuanzi pawl le mangki bawi hna nih khan Daniel nih ram a ukning sual kawl khawhnak ding caah lam an kawl, sihmanhsehlaw thil ṭhalo a tuahmi kha pakhat hmanh an hmu kho lo; zeicahtiah siangpahrang nih a fialmi kha fel tein a tuah.

MATTHAI 5:11

“Nannih cu ka zultu nan si ruangah mi nih an in nihsawh hna i an in hrem hna i lih a phunphun an in puh hna tikah, nan caah lunglawmh awk a va si dah!

LAMKALTU 24:16

Cucaah Pathian hmai le minung hmaiah chiaṭha thleidannak thiang ka ngeih khawh nakhnga kaa zuam khawh chungin kaa zuam.

LAMKALTU 28:22

Sihmanhsehlaw na ruahnak cu theih kan duh ko, zeicahtiah hi nan phu hi khuazakip ah mi nih an thangchiat lengmangmi a si,” an ti.

ROM 9:1

Ka chimmi hi ahmaanmi bia a si: Khrih ta ka si i ka lih ka chim lo. Thiang Thlarau nih a ukmi ka chiaṭha thleidannak zong nih lih ka chim lo kha a hngalh.

2 KORIN 1:12

Kan i uanmi cu hihi a si: hi vawlei cung kan nunning ah hin le nanmah he kan i pehtlaihnak ning ah hin kan umtu ziaza cu vawlei cung fimnak nih si loin Pathian vel a ṭhawnnak nih a uk i hlangfang le lungthin tak tein nan sinah khua kan sa, hihi kan chiaṭha thleidannak nih fiang tein a kan hngalhpimi a si.

2 KORIN 4:2

Ningzak a simi thil, a thli tein tuahmi thil vialte kha kan hlawt hna i ahohmanh hleng lo tein kan um, Pathian bia zong kha hlennak ah kan hmang bal lo. Biatak kha hlangfang tein kan chim i cuticun Pathian hmaika ah kan minung hawi cu nanmah nih nan chiaṭha thleidannak ningin kan chiat le kan ṭhat cu ruat ko u, kan ti hna.

1TIMOTE 1:19

Mi a cheu cu an chiaṭha thleidannak kha zeirello in an um tawn caah an zumhnak kha an rawhter tawn.

1TIMOTE 1:5

Hi bantukin bia kan cah tikah kaa tinhmi cu, a thiangmi lungthin le a thiangmi chiaṭha thleidannak le zumhnak taktak a simi chungin a chuakmi dawtnak kha a si.

2TIMOTE 1:3

Kan pupa hna nih an rak biak bantukin kei zong nih lungthiang tein ka biakmi Pathian cu, chun he zan he ka thlacamnak i nangmah kan theih fate, ka lawmh zungzal.

TITAS 2:8

Soi khawh lo ding bia ṭha kha hmang hna law, na ral pawl kha kan thangchiatnak zeihmanh chim awk an ngeih lai lo caah an ning tu zak seh.

HEBRU 13:18

Thla kan campiak lengmang ko u. A hmaanmi thil kha tuah kan duhmi a si zungzal caah kan chiaṭha thleidannak kha a thiang ko.

HEBRU 9:14

Cu hmanh nih cu bantukin a tuah khawh ahcun, Khrih thisen nih cun, zeitluk in dah a tuah khawh chinchin lai! Zungzal hmunmi Thlarau in a tlingmi raithawinak bantukin Pathian sinah amah le amah cu aa pe. Kannih nih Pathian nung kha kan biak khawh nakhnga santlai lomi rian kan tuah tawnmi kan chiaṭha thleidannak chung i a cammi kha a thi in a kan thianhpiak lai.

1 PETER 2:12

Nan ziaza kha lawkihmi hmanh nih a ṭha an timi si seh law, atu ah cun miṭhalo tiah an in ti ko hna lai nain, nuncan ṭha in nan nun kha anmah hrimhrim nih an hmuh lai i Pathian cu mi vialte biaceih awk i a rat Ni ah cun an thangṭhat lai.

1 PETER 2:15

Zeicahtiah a duhduh in bia a chimmi mihrut kha, thilṭha nan tuahmi in, chim awk hngal loin tuah hna u, ti kha Pathian duhnak a si.

1 PETER 2:19

Pathian nan thlasak ruangah nan hmuh awk a si lomi temhinnak kha nan hmuh i a in in nan i in ahcun Pathian nih cu nan inmi ruangah cun thluachuahnak an pek hna lai.

1 PETER 3:21

cucu atu i nanmah an khamhtu hna tipil innak a rak sawhtu hi a si. Tipil innak cu pum hnawm kholh hi a si lo, chiaṭha thleidannak thiang nih Pathian sin i biakamnak a tuahmi tu hi a si. Tipil innak nih cun Jesuh Khrih thihnak in a thawh ṭhannak thawngin an khamh hna i

1 PETER 4:4

Cun atu cu Lawkihmi hna kha, cu bantuk nunning ah cun nan telpi duh ti hna lo caah an khuaruah a har i nannih kha an in serhsat hna.