1 PETER 3:12 - Lai (Hakha) Common Language Bible 2006

¹² Zeicahtiah Bawipa nih a dingmi cu a mit in a ven hna i an thlacamnak kha a ngaih zungzal; Sihmanhsehlaw ṭhat lonak a tuahmi cu a doh hna.”

Laibaibal Thiang (BSI)

¹² Zeitintiah Bawipa mit cu miding hna cungah â fu i a hna zong an thlacamnâk ngaih awkah â chit. Asinain Bawipa hmai nih Ṭhatlonâk tuahtu hna a ralchanh tawn,” tiah ti a si.

1 PETER 3:12 ပူးပေါင်းရင်းမြစ်များ

2 CHANRELNAK 16:9

Zeitintiah vawlei cung dihlak ah hin Bawipa mit cu aa chawk dih i amah lei i an lung soisel awk a um lomi hna cungah a ṭhawnnak kha a langhter. Hi thil ah hin hrut piin na tuah cang; zeitintiah atu cun ral na ngei cang lai,” tiah a ti.

2 CHANRELNAK 7:15

Cun hi hmun i thla an cammi cu ka mit nih a hmuh lai i ka hna nih a theih lai.

SALM 11:4

Bawipa cu a biakinn thiang chungah a um ko i a bawiṭhutdan cu van ah khin a um ko. Mi vialte kha a zoh hna i an tuahmi vialte kha a hngalh dih.

SALM 33:18

Bawipa nih amah a ṭihmi cu a zohkhenh hna i a fekmi a dawtnak aa bochanmi cu him tein a umter hna.

SALM 65:2

Zion ah kan in thangṭhat lai i na sinah bia kan i kammi kha kan in pek lai.

SALM 80:16

Kan ral nih mei in an khangh i an sam dih; na thinhun in zoh hna law hrawk hna.

PHUNGTHLÛKBIA 15:29

Miṭha nih thla an cam tikah Bawipa nih a ngaihpiak hna, sihmanhsehlaw miṭhalo cu zei ah a rel hna lo.

PHUNGTHLÛKBIA 15:3

Bawipa nih khuazei ka i thil a ummi hmanh kha a hmuh dih, ṭhatnak kan tuah ah siseh, chiatnak kan tuah ah siseh, a kan hmuh dih ko.

PHUNGTHLÛKBIA 15:8

Miṭhalo hna raithawinak cu Bawipa caah fihnung a si, sihmanhsehlaw miṭha hna thlacamnak cu a lawmhmi a si.

JEREMIAH 21:10

Hi khua hi ka hmai ka thuhtak cang, an cung i ṭhatnak tuahnak ding caah si loin chiatnak tuahnak ding caah a si lai. Babilon siangpahrang sinah khan pek a si lai i mei in a khangh lai, tiah Bawipa nih a ti,” tiah a ti.

JEREMIAH 39:12

“Amah cu va la law ṭha tein zohkhenh tuah, a cungah harnak zeihmanh tuah hlah, amah nih aa chimhning paoh in a cungah va tuah ko,” tiah a ti.

EZEKIEL 15:7

Annih cu ka hmai ka chiathnawh hna lai, Mei chungin luat hna hmanh seh law mei ṭhiamṭhiam nih a kangh hna lai. Annih cu zumhawktlak loin an um caah ka hmai ka chiathnawh hna lai i Ram cu ka hrawh dih tikah Bawipa ka si cu nan hngalh lai. Mah hihi Bawipa Pathian bia hrimhrim a si, tiah a ti.

LEVITIKAS 17:10

“Israel innchungkhar mi siseh, an sin i a pemmi siseh, ahohmanh nih zei thi hmanh a ei ahcun, thi a eimi cu ka hmai ka chiathnawh lai i a mi hna chungin ka hlonh lai.

LEVITIKAS 20:3

Cu pa cu ka hmai ka chiathnawh lai i a mi hna lakin ka hlonh lai, a fa pakhat cu ka hmunthiang thurhnawmhter awk le ka min thiang thurhnawmh awkah Molek kha a pek caah, ka hlonh hna lai.

LEVITIKAS 20:6

“Mi pakhatkhat nih khuavang le camhthiam kha a fuhpanh hna i hlawh a hlanhnawh hna ahcun, cu mi cu ka hmai ka chiathnawh lai i a mi hna lak in ka hlonh lai.

LEVITIKAS 26:17

ka hmai kan chiathnawh hna lai i nan ral nih an in tei hna lai; an huami nih an in uk hna lai i ahohmanh nih an in dawi hna lo zongah nan zam lai.

ZEKHARIAH 4:10

Rian kha a kal khawh lo caah an hnabei a rak dong; sihmanhsehlaw Zerubbabel nih Biakinn cu a sak peng ko ti kha an hmuh lai i an lung aa lawm lai.

JOHAN 9:31

Pathian nih misual cu an bia a ngai hna lo i amah a upatmi le a duhnak a tuahmi kha an bia a ngaihpiak hna ti cu kan hngalh.

DEUTERONOMI 11:12

Bawipa nan Pathian nih a zohkhenhmi ram a si; kum thawknak in kum donghnak tiang Bawipa nan Pathian mit cu a cungah aa fu zungzal.

JEIM 5:16

Cucaah cun nan sualnak kha pakhat le pakhat i chim u law pakhat le pakhat thla i campiak u, cu ti nan tuah ahcun damnak nan hmuh lai. Miṭha mi thlacamnak cu hmual a ngei.