1 PETER 2:7 - Lai (Hakha) Common Language Bible 2006

⁷ Hi lung hi, a zummi nannih caah cun lung man sung ngaingai a si, sihmanhsehlaw a zum lomi hna caah cun, “Inn satu pawl nih an hlawtmi lung kha lung santlai bik ah a cang,” timi kha a si.

Laibaibal Thiang (BSI)

⁷ Cucaah nannih a zumtu ca ah a sunglawimi a si, asinain a zumlotu caah cun a sunglawi lo. “Insatu hna nih an hlawtmi lung kha a biapi bikmi lung a rak si,”

1 PETER 2:7 ပူးပေါင်းရင်းမြစ်များ

ISAIAH 28:5

Khi ni ah Ralkapbu Bawipa cu a tangmi a mi hna caah a sunglawimi bawi luchin pangpar in ṭamhmi bantuk a si lai.

HAGGAI 2:7

Cun miphun vialte cu ka hninh hna lai i an chawhlawn cu nan sinah an rak put lai i hi inn hi sunparnak in ka khahter lai, tiah ralkapbu Bawipa nih a ti.

ZEKHARIAH 4:7

Dawntu, tlang tia pipi kha na hmai in an lo lai. Biakinn cu na sak ṭhan lai i lung hmanung bik na vun khin ah khin mizapi nih, “Aa dawh, aa dawh,” tiah an au lai.

MATTHAI 21:42

Jesuh nih khan annih cu, “Cathiang nih: ‘Inn satu hna nih san a tlai lo tiin an hlawtmi lung cu lung santlai bik ah a cang; Cucu Bawipa tuahmi a si i khuaruahhar ngaingai a si tiah kan ruah,’ tiah a timi kha nan rel bal lo maw?

LUKA 2:32

Cucu Jentail mi hna caah na lam a langhtertu a simi ceunak le na mi Israel mi hna ca i sunparnak cu a si,” tiah a ti.

LUKA 2:34

Simeon nih cun thluachuahnak a pek hna i a nu Mary kha a thawh i, “Hi ngakchia cu Pathian nih Israel mi lakah mi tampi an rawk nakhnga le khamh an si nakhnga caah a thimmi a si. Amah hi Pathian sinin a rami hmelchunhnak, mi tampi nih an doh laimi a si i

LUKA 20:17

Jesuh nih annih cu a zoh hna i, “ ‘Inn satu nih san a tlai lo tiin an hlawtmi lung kha innkil lung ah a cang,’ tiin Cathiang chungah a ummi bia hi tah a sullam zeidah a si kun?” tiah a hal hna.

JOHAN 4:42

minu cu an thawh i, “Atu cu nangmah na chimmi ruangah khan si loin, kan mahte nih kan theihmi le amah cu vawlei Khamhtu a si hrimhrim ti kha kan hngalh caah kan zumh,” an ti.

LAMKALTU 26:19

“Cucaah Agrippa Siangpahrang, vancung in ka hmuhmi langhnak cu al ka duh lo.

ROM 10:21

Sihmanhsehlaw Israel kong ah cun, “Nawl ngai lomi le ral ser hmangmi kha, chunnitlak in ka za ka chanh hna,” a ti.

ROM 15:31

Judea ram i a ummi, Khrih a zum lomi hna kut chungin ka him nakhnga le Jerusalem khua i ka rian ṭuan dingmi hi Pathian mi hna caah cohlan awk tlak a si nakhnga thla rak cam u.

2 KORIN 2:16

A tlau lio lengmangmi hna caah cun thihnak rimchia a si i khamh a si lio lengmangmi hna caah cun nunnak petu rimhmui a si. Cu bantuk rian cu aho nih dah a tuah khawh lai?

KOLOSE 2:10

amah he nan i pehtlaihnak thawngin nannih cu nunnak tlamtling kha pek nan si. Khrih cu thlarau uktu vialte le nawlngeitu vialte hna cung bawi a si.

TITAS 3:3

Zeitintiah kanmah hrimhrim zong kha kan rak hrut, nawl ngai loin khua kan rak sa i kan rak palh. Pumsa duhnak le nuamhnak sal kan rak si. Mi kha kan rak nahchuah hna i ziar kan rak ngeih hna; mi nih an rak kan huat i kannih zong nih kan rak huat hna.

HEBRU 11:31

Pathian nawl a ngai lomi hna sinah khan hlawhhlangnu Rahab cu a thi lo, kha a luattertu kha zumhnak a si i cucu mingiatu pawl a rak thuhphenh hna caah khan a si.

HEBRU 4:11

Cucaah Pathian dinhnak chung i kan luh khawh nakhnga fak piin i zuam u sih. Annih nih Pathian nawl kha an rak ngaih lo i an luh khawh lo bantuk khan kannih cu pakhat hmanh um sual hlah u sih.

1 PETER 1:8

Jesuh cu nan hmu naloin nan dawt, cun nan hmu ṭhiamṭhiam lo nain amah cu nan zumh.

1 PETER 2:4

Cucaah Bawipa sinah khan ra tuah u; amah cu a nungmi Lung, minung nih hlaw hmanh hna seh law Pathian nih a sungmi ah a relmi kha a si.

1 PETER 2:8

Cun Cathiang chung hmun dang pakhat ah, “Hi lung hi mi a rilhtertu lung a si lai, a tluktertu hna lungpi a si lai,” tiin a um fawn. Annih an rilh cu an zumh lo caah a si; cuticun um hna seh ti kha Pathian duhning a si.