1 PETER 2:23 - Lai (Hakha) Common Language Bible 2006

²³ Serhsatnak bia in an ti tikah serhsatnak bia in a let hna lo, temhnak a in tikah a tlerh hna lo, ding tein bia a ceihtu Pathian tu kha aa bochan.

Laibaibal Thiang (BSI)

²³ sik asi tikah a let hna lo i a tuar lio ah a hrocer hna lo; ding tein a ceihtu sin tu ah Amah le Amah â pe.

1 PETER 2:23 ပူးပေါင်းရင်းမြစ်များ

GENESIS 18:25

A sual lomi cu a sualmi hna sinah khan na that bal hna lai lo. Cucu a si kho lo. Nangmah nih cucu na tuah bal ding a si lo. Cu ti a si ahcun, a sual lomi cu a sualmi bantukin pei dantat an si ve kun hnga cu. Cucu a si kho lo. Vawlei cung dihlak bia a ceihtu Dingthlu Lairel nih cun ding tein pei a ceih lai cu,” a ti.

SALM 10:14

Nang nih cun na hmuh ko hna; temhinnak le ngaihchiatnak a ingmi cu na hngalh ko hna i bawmh awkah naa tim zungzal ko. Bawmhnak a herhmi kha na bawmh zungzal hna caah vanchiami nih nangmah kha an in fuh.

SALM 31:5

Nangmah kut chungah ka thlarau ka chiah, Bawipa, nangmah nih na ka khamh lai, nang cu zumhawktlakmi Pathian na si.

SALM 37:5

Na nunnak kha Bawipa pe tuah, amah kha i bochan law amah nih an bawmh lai.

SALM 7:11

Pathian cu a dingmi biaceihtu a si, miṭhalo kha sual a phawt zungzal hna.

SALM 96:13

zeicahtiah vawlei uk awkah a ra cang; vawleicung mi vialte kha dingte le i ruang tein a uk hna lai. ruang tein a uk hna lai.

ISAIAH 53:7

Fak piin an hrem, a si nain dai tein aa in ko; bia kaa khat hmanh a chim lo. Thah awkah an kalpimi tuufa bantuk le a hmul meh awkah an hruaimi tuu bantukin, awn au lo tein a um.

LUKA 23:41

Sihmanhsehlaw kannih ca i biakhiahnak an tuahmi cu ahmaanmi a si, zeicahtiah kan tuahmi ruangah kan hmuh awk a simi kha kan hmuh; sihmanhsehlaw anih hi cu ṭhat lonak zeihmanh a tuah lo,” tiah a ti.

LUKA 23:46

Jesuh cu aw thangpi in a au i, “Ka Pa, na kut chungah ka thlarau kha ka chiah,” tiah a ti. Cucu a chim dih in a cat.

LUKA 23:9

Cucaah Herod nih cun Jesuh cu bia tampi a hal len, sihmanhsehlaw Jesuh nih kaa khat hmanh a let lo.

LAMKALTU 17:31

Zeicahtiah a thimmipa thawngin vawlei cung dihlak hi dinnak in biaceih awkah ni a khiah cang. Cucu a si ṭheo lai ti kha mi vialte sin i langhternak caah cu mipa cu thihnak in a thawhter,” tiah a ti.

LAMKALTU 4:29

Cucaah atu cu Bawipa, an kan hronak hi kan hngalhpiak law kannih na sal rual nih hin na bia cu ralṭha chinchin in kan chim nakhnga a nawl kan pe ko.

LAMKALTU 7:59

Lung in an cheh chih lengmang lioah cun Steven nih, “Bawipa Jesuh, ka thlarau cu nangmah nih cohlang ko,” tiin a au.

LAMKALTU 9:1

Cu lio hrawngah cun Bawipa zultu pawl kha Saul nih thah awkin a tlerh cuahmah lengmang ko hna. Tlangbawi Ngan sinah a hung kal i

ROM 2:5

Asinain na lung cu a hak i a ṭhawng. Cucaah Pathian nih a thinhunnak le ding tein bia a ceihnak a phuan ni i na in laimi dantatnak cu na nganter chin men ko.

EFESA 6:9

Nannih bawi pawl, cu bantuk ṭhiamṭhiam in nan salle cungah khan um ve u, tlerh le khawnh kha hmang ti hlah u. Nanmah he nan salle he vancung i a ummi Bawi pakhat ta nan si kha hngal zungzal u, cu Bawi nih cun ahohmanh duhdanh loin bia a ceih hna ti kha philh hlah u.

2 THESALON 1:5

Hi nih hin Pathian biakhiahnak a dinning cu a langhter. Sifahnak nan in hnawhchanmi Pathian Pennak he khan aa tlakmi an siter hna lai.

2TIMOTE 1:12

hi bantukin sifahnak ka inmi vialte hna hi, hi ruangah hin a si. Asinain ka lung a dong naisai lo, zeicahtiah kaa bochanmi cu ahodah a si kha ka hngalh i ka kut chungah a ka pekmi thil kha khi Ni tiang him tein a ken khawh ti kha fiang tein ka zumh.

2TIMOTE 4:8

Atu cu teinak laksawng nih khan a ka hngah ko cang, cu laksawng cu ka Bawipa, dinnak Bawi nih, cu Ni i a ka pek laimi dinnak suiluchin cu a si — keimah lawng cu a ka pekmi ka si lai lo, amah a langh lainak dawtnak in a hngaktu vialte zong kha a pek ve hna lai.

HEBRU 12:3

A inmi thil kha ruat hna hmanh u, misual mi nih kha tlukin an huatnak a in peng ko kha ruat hmanh u. Cucaah cun lungdong in maw ngol sual lai u ci.

1 PETER 3:9

Ṭhat lonak kha ṭhat lonak in lehrul hlah u, vawlhpamhnak kha vawlhpamhnak in lehrul fawn hlah u; thluachuah peknak tu in lehrul hna u, zeicahtiah Pathian nih an kawh hna tikah bia an kamhmi hna cu, thluachuahnak kan pek hna lai, ti a si.

1 PETER 4:19

Cucaah Pathian duhning a si ruang i temhnak a ingmi hna nih cun thil ṭha an tuahmi thawng khan Pathian sinah i pe ko hna seh — Pathian cu anmah a Sertu hna kha a si i a biakam kha a tlolh bal lo.

BIAPHUAN 19:11

Cun van kha aa hung i rang rang pakhat ka hmuh. A cung i aa citmi cu a min ah Zumhawktlak le Ahmaanmi ti a si; bia a ceih tik le ral a doh tikah dinnak in a ceih i a doh.