1 PETER 2:16 - Lai (Hakha) Common Language Bible 2006

¹⁶ A luatmi bantukin um u, sihmanhsehlaw nan luatnak kha ṭhat lonak khuhnak ah hmang hlah u, Pathian sal bantuk tu in nung u.

Laibaibal Thiang (BSI)

¹⁶ a luatmi bangin, asinain nan luatnâk cu sualkhuhnâk ah hmang loin Pathian sal sinâk tu-ah hmang u.

1 PETER 2:16 ပူးပေါင်းရင်းမြစ်များ

MATTHAI 23:13

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Vancung Pennak cu mi kha nan kharkanh hna, asinain nanmah cu nan lut duh ṭung lo i luh a duhmi zong kha nan awnh fawn ṭung hna lo.

JOHAN 15:22

An sinah rak ra lo le biachim loin rak um ning law cu, an cungah sualnak a um hnga lo; sihmanhsehlaw atu cu an sualnak kha zeihmanh i silhnalh khawhnak an ngei ti lo.

ROM 6:18

Sualnak chungin luatter nan si cang i dinnak sal ah khan nan i cang cang.

ROM 6:22

Sihmanhsehlaw atu cu sualnak chung khan luatter nan si cang i Pathian sal nan si cang; nan miakmi cu Pathian sinah pekchanhmi nunning a si i cu nih a chuahpimi cu zungzal nunnak a si.

1 KORIN 7:22

Zeicahtiah Bawipa nih a kawhmi sal cu Bawipa miluat a si cang; cu bantuk ṭhiamṭhiam in miluat a rak simi, Khrih nih a kawhmi, cu Khrih sal a si ve.

GALATI 5:1

A luatmi kan si cang. Khrih nih a kan luatter cang. Cucaah fek tein dir u law sal ah khan i ser ṭhan ti hlah u.

GALATI 5:13

Ka u le ka nau hna, nannih cu luat dingin kawhmi nan si. Asinain cu luatnak cu nan pumsa duhnak ca i caan ṭha men ah khan hmang hlah u. Pakhat le pakhat kha dawtnak in nan rian tu i bawm u.

EFESA 6:6

An in zoh hna lio lawngah an lung tong dingin um hlah u, sihmanhsehlaw Khrih sal bantukin Pathian duhmi kha nan lungthin tak tein tuah u.

KOLOSE 3:24

Bawipa nih nan ṭuan man an pek hna lai kha philh hlah u; a mi ca i a chiahmi laksawng kha an pek hna lai. A rian nan ṭuanmi Bawi taktak cu Khrih kha a si.

1THESALON 2:5

Kan hmanmi bia kha nanmah nih nan hngalh bantukin, mi hei faknak bia men an si lo i Pathian zong nih a hngalh bantukin duhfahnak lungthin khuhnak bia men an si lo.

JEIM 1:25

Sihmanhsehlaw mi a luattertu nawlbia tling chungah ṭha tein aa bih i cucu a ruat peng i, a theihmi kha philh loin a tuahmipa cu Pathian nih a tuahnak ah lawmhnak a pek.

JEIM 2:12

Zalonnak an petu nawlbia nih bia a ceih laimi hna bantukin nan biachim le nan thil ti ah um u.

2 PETER 2:19

Luatnak nan hmu lai, tiah bia an kamh hna, sihmanhsehlaw anmah hmanh kha, rawhralnak a phakpitu hna an ziaza sal kha an si — minung hi a teitu paoh sal a si ko.

JUDAS 1:4

Zeicahtiah kan lakah hin Pathian zei i a rel lomi kha kan hngalh loin an lut i anmah ziaza ṭhalo thuhphenhnak caah khan Pathian vel kong kha ahmaan loning in an chim i kan Uktu le kan Bawipa a simi Jesuh Khrih kha an hlawt. Hi bantuk mi hna cu sualphawt an si lai ti kha Cathiang nih hlanpi in a rak chimchung cang.