1 PETER 1:5 - Lai (Hakha) Common Language Bible 2006

⁵ Cu an chiahpiak hna cu Pathian kha nan zumh caah le khamhnak a phak hlantiang amah ṭhawnnak nih an huhphenh hna caah a si — cu a ra dingmi khamhnak cu atu zongah hin timhcia a si ko cang i caan dongh tikah phuan a si te lai.

Laibaibal Thiang (BSI)

⁵ zumhnâk thawngin khamhnâk, cân hmadung i langhter awkah timh ciami cu co dingin Pathian ṭhawnnâk in kilven nan si.

1 PETER 1:5 ပူးပေါင်းရင်းမြစ်များ

JOB 19:25

Zeicahtiah a ka Tlanhtu a nun kha ka hngalh i Ni hmanung bik ah cun vawlei cungah hin a dir lai;

SALM 37:28

zeicahtiah a hmaanmi thil kha Bawipa nih a duh i zumhtlak a simi a mi kha a kaltak bal hna lo. Annih cu a huhphenh zungzal hna, sihmanhsehlaw miṭhalo mi hna an tefa cu ṭhawl an si lai.

PHUNGTHLÛKBIA 2:8

Biading lam kha a ven i a mithiang mi hna lam kha a congh.

ISAIAH 45:17

Sihmanhsehlaw Israel cu Bawipa nih a khamh i teinak a hmuhmi cu zungzal in a hmun lai; a mi cu ningzahnak an phan lai lo.

ISAIAH 51:6

Van khi zoh tuah hna u, vawlei hi zoh tuah u. Van cu meikhu bangin a lo lai; vawlei cu thilpuan hlun bangin a ṭet lai i a mi vialte cu an thi dih lai. Sihmanhsehlaw ka rak putmi luatnak cu zungzal in a hmun lai; ka teinak cu zeitikhmanh ah a rawk kho lai lo.

ISAIAH 54:17

Sihmanhsehlaw sermi hriamnam zeihmanh nih khan nangmah cu an pem kho lai lo; sual an puhtu vialte hna kha na leh khawh dih hna lai. Ka salle cu ka ven hna lai i teinak ka pek hna lai,” a ti. Hi bia cu Bawipa nih a chim.

ISAIAH 66:22

“Ka lianhngannak thawngin vawlei thar le van thar cu an hmunh bantukin nan tefa hna le nan min cu an hmun ve lai.

JEREMIAH 23:4

Anmah khaltu dingah tuukhal ka chiah hna lai, ṭihnak siseh, hnabei donghnak siseh, dantatnak siseh, an tong ṭhan ti lai lo, tiah Bawipa nih a ti.

JEREMIAH 32:40

Annih he zungzal in a hmunmi biakamnak kha ka ser lai i donglo in ka ṭhatnak in ka vorh hna lai; an lung kha keimah ṭihnak in ka khahter lai i keimah sinin an pial ti lai lo.

JOHAN 12:48

Keimah kha a ka hlaw i ka bia a cohlang duh lomi cu a bia ceihtu ding a um ko. Ka chimmi ka bia hi ni hmanung bik ni ah cun a bia a ceihtu cu a si te lai.

JOHAN 17:15

Vawlei cung hin la hna tiah kan nawl a si lo, sihmanhsehlaw Mi Ṭhalopa sin khan him tein chia ko hna ti kha kan nawl.

JOHAN 4:14

sihmanhsehlaw keimah nih ka pekmi ti a dingmi paoh cu zeitikhmanh ah an ti a hal ṭhan ti lai lo. Ka pekmi ti cu a chungah zungzal nunnak petu cerhtiput ah a cang lai,” tiah a ti.

JOHAN 5:24

“Biatak kan chimh hna: ka bia a thei i a ka thlahtu kha a zummi paoh cu zungzal nunnak a ngei. Amah cu biaceihnak a ing lai lo, sihmanhsehlaw thihnak in nunnak ah a lan cang.

ROM 11:20

Cucu ahmaan ko. Annih cu an zumh lo ruangah khiah an si, nannih cu nan zumh ruangah nan umnak hmun ah nan um. Sihmanhsehlaw cu kong ah nan lung puam sual hlah u; a ṭih in ṭih lehlam u.

ROM 8:18

Atu caan i kan inmi temhinnak hi cu hmailei i kan sin i phuan a si te laimi sunparnak he cun tahchunh awk tlak ah ka rel lo.

1 KORIN 1:21

Minung nih anmah fimnak in Pathian hngalh khawh lo ding kha Pathian nih a fimnak in a rak tuahmi a si. Kan chimmi “hruh bia” tu hin Pathian nih zumhnak a ngeimi cu khamh a duh hna.

2 KORIN 1:24

Cucu nan zumh awk, khakha nan zumh awk, ti kha ca auh bantukin in auh duahmah hna kha ka duh lo, zeicahtiah zumhnak ah khan fek tein nan dir ti kha ka hngalh ko. Kannih nih tuah kan duhmi cu nanmah lawmhnak tu kha a si deuh.

GALATI 2:20

cucaah a nungmi cu keimah kha ka si ti lo, ka chung i a ummi Khrih tu hi a si deuh. Atu i ka nunmi nunning hi, a ka daw i ka ca i a nunnak a pemi Pathian Fapa zumhnak thawngin ka nung.

EFESA 2:8

Nannih cu vel an ngeih hna caah an khamh hna i khamhnak nan hmuh cu amah nan zumhnak thawngin a si. Khamhnak nan hmuhmi cu nanmah tuahmi a si lo, Pathian laksawng a si.

FILIPI 1:6

Cucaah cun, nan chungah hi rian ṭha a thawktu Pathian nih, Khrih Jesuh Ni ah hi rian cu a lim tiangin, a ṭuan zungzal lai.

FILIPI 4:7

Cun Pathian daihnak, minung hngalhnak a lonhtu nih cun, Khrih Jesuh chungah nan lungthin le nan ruahnak cu him tein a chiah lai.

2TIMOTE 3:15

na ngakchiat lio tein Cathiang kha a hngalmi na si; na hngalh bangin cu Cathiang hna nih cun Khrih Jesuh zumhnak thawngin hmuhmi khamhnak i an kalpi khotu fimnak kha an pek.

TITAS 2:13

A liannganmi kan Pathian le kan Khamhtu Khrih Jesuh sunparnak kha a langh tikah kan i ruahchanmi cu a tling lai, cu a tlin lai Ni cu ngangngan ngaiin kan hngak ko.

HEBRU 6:12

Mi thathu si awk kha kan in duh hna lo, sihmanhsehlaw an zumhnak le an lungsaunak thawngin Pathian nih bia a kamhmi hna a hmumi hna bantuk si awk kha kan in duh hna.

HEBRU 9:28

Cu bantuk ṭhiamṭhiam in mi tampi sualnak lakpiak awkah Khrih cu voi khat raithawinak ah pek a si. Cun a hung lang ṭhan lai i cu a hung langh ṭhan cu sualnak kongah si ti loin amah a hngakmi hna khamh awkah a si lai.

1 PETER 1:13

Cucaah nan lung in rianṭuan awkah timhcia tein um u. Ralring tein um u law, Jesuh Khrih a langh tikah nan hmuh laimi velngeihnak laksawng cungah khan nan i ruahchannak cu bunh ko u.

1 PETER 4:13

Khrih inmi temhnak kha nan in ve caah a lawmh tu in i lawm u, zeicahtiah a sunparnak cu a langh tikah lunglawmhnak in nan khat lai.

1 PETER 5:1

Khrihfa upa hna, kei zong Khrihfa upa ka si ve bantukin kan nawl hna. Khrih nih temhnak a inmi tehte pakhat ka si ve i a lang laimi sunparnak zongah kaa tel ve lai.

2 PETER 1:3

Pathian sunparnak le ṭhatnak i hrawm ve awkah a kan kotu kan hngalhnak thawngin Pathian ṭihzah in nun awkah kan herhmi thil vialte cu amah Pathian ṭhawnnak lila nih cun a kan pek.

1JOHAN 3:2

Ka dawtmi ka fale hna, atu hin kannih cu Pathian fa kan si cang, asinain zei kan lawh lai cu a fiang rih lo. Sihmanhsehlaw Khrih a langh tikah, amah Khrih bantuk cu kan si lai ti kha kan hngalh, zeicahtiah a sining taktak tein kan hmuh lai.

JUDAS 1:1

Jesuh Khrih sal le Jeim nau a simi Judas nih, Pathian kawhmi, Pathian kan Pa dawtnak chung le Jesuh Khrih huhphenhnak chungah a ummi kha, ca kan kuat hna.

JUDAS 1:24

Tlu loin an umter khotu hna le a hmaika ah soi awk zeihmanh um lo le lunglawm tein an chuahpi khotu hna —

1 SAMUEL 2:9

“A mithiang hna an ke kha a ven lai; Sihmanhsehlaw miṭhalo cu khuamui lakah hrawh an si lai; Zeitintiah mi nih teinak an hmuhnak cu zaang ṭhawnnak in a si lai lo.