1 KORIN 9:21 - Lai (Hakha) Common Language Bible 2006

²¹ Cu bantuk ṭhiamṭhiam in Judah mi hna phung leng i a ummi Jentail mi hna sin i ka ṭuan tikah Jentail mi cu ka lak khawh hna nakhnga Jentail mi bantukin ka um. Cuti ti tikah Pathian nawlbia kha ka zul lo tinak a si lo, a ngaingai ti ahcun Khrih nawlbia tangah pei ka um cu.

Laibaibal Thiang (BSI)

²¹ nawlbai ngeilo mi ka tei khawh nâkhnga, nawlbia ngei lomi bangin ka um tawn (Pathian nawlbia buarlo le Krih nawlbia tangah um buin)

1 KORIN 9:21 ပူးပေါင်းရင်းမြစ်များ

SALM 119:32

Nangmah nih hngalhthiamnak tam chinchin in na ka pek lai caah, na nawlbia cu lunglawm tein ka zulh hna lai.

LAMKALTU 15:28

Hi a herhmi nawlbia hlei in a dang zeihmanh nan cungah khin lo ding kha Thiang Thlarau le kannih kan hnatlaknak a si:

LAMKALTU 16:4

Khua khat hnu khua khat an tlawng i an tlawnpah cun zumtu hna cu Jerusalem khua i a ummi lamkaltu hna le upa hna nih an khiahmi phung kha an chimh hna i cu phung cu nan zulh lai tiah an ti hna.

LAMKALTU 21:25

Jentail mi zumtu i a simi hna kong tu ah cun, kannih nih ca kan kuat cang hna i siasal sinah pekchanh ciami rawl nan ei lai lo, thi nan ei lai lo, hngawngdih sa paohpaoh nan ei lai lo, pumsa sualnak kha nan tuah lai lo tiah kan biakhiahnak a si tiin kan ti cang hna,” tiah an ti.

ROM 2:12

Jentail mi nih Moses nawlbia kha an ngei lo, cucaah an sual tikah Nawlbia loin an tlau; Judah mi nih cun Nawlbia kha an ngei, cucaah an sual tikah Nawlbia ningin sualphawt an si.

ROM 2:14

Jentail mi nih Nawlbia cu an ngei lo, sihmanhsehlaw Nawlbia nih, tuah u, a timi kha anmah lungtho tein an tuah chel paoh ah, Moses Nawlbia cu ngei hmanh hna hlah seh law, cu hna cu an caah nawlbia an si ko.

ROM 7:22

Ka chunglei mi cu Pathian phung ah khan aa lawm;

ROM 7:25

Pathian cu lawm ko u sih. Cucaah ka sining cu hihi a si ko: keimah lawngin ti ahcun, ka lung lawng in Pathian nawl cu ka zulh khawh, ka minung sining tu cu sualnak phung kha a zul ko.

ROM 8:4

Pathian nih hihi zeicahdah a tuah ti ahcun, minung kan sining zulh in si loin Thlarau hruainak zulh in a nungmi kan nunning ah hin Nawlbia cu; tuah u, tiah a timi vialte ah khan a lungawih a si nakhnga caah a si.

GALATI 3:2

Hi thil pakhat te hi ka chim hnek u, “Pathian Thlarau kha, Nawlbia nih tuah u timi nan tuahnak thawngin maw nan rak hmuh, asiloah thawngṭha nan theih le nan zumhnak thawngin dah nan hmuh?”

GALATI 6:2

Pakhat le pakhat nan thilrit kha i chawng u law cuticun Khrih nawlbia kha nan zulh a si lai.

HEBRU 8:10

Hmailei ah Israel mi hna sin i ka tuah dingmi biakamnak cu hihi a si lai, tiah Bawipa nih a ti. Ka nawlbia cu an hngalhnak chungah ka chiah hna lai i an lung chungah ka ṭial hna lai. Keimah cu an Pathian ka si lai i annih cu ka mi an si lai.