1 KORIN 9:15 - Lai (Hakha) Common Language Bible 2006

¹⁵ Sihmanhsehlaw hi bantuk thil hi pakhat hmanh nan cungah ka hmang lo, hi ca kan kuat hna zong hi cu bantuk ka duh caah a si lo. A thih hmanh ka thi deuh hnga! Kaa porhlawt lenmi hi ahohmanh pakpalawng ah serter ka duh hna lo.

Laibaibal Thiang (BSI)

¹⁵ Asinain keitu nih cun cucu pakhat hmanh ka hmang hlei lo. Ka cung i nan tuah awkah ka ṭialmi zong a si lo. Kâ porhlawt pimi hi zeihmanhlo i an canternâk cha cun thih hmanh ka duh deuh.

1 KORIN 9:15 ပူးပေါင်းရင်းမြစ်များ

MATTHAI 18:6

“Hi ngakchia tete pakhatkhat hi keimah an ka zumhnak in a pialtertu hna cu, an hngawng ah facang rialnak lungtum nganpi i thlaih hna seh law, rili chungah paih si hna seh law an caah a ṭha deuh hnga.

LAMKALTU 18:3

an sinah cun a um i an sinah cun rian a ṭuan; amah zong cu anmah bantuk khan saphaw thlam ser in a paw aa cawmmi a si ve.

LAMKALTU 20:24

Sihmanhsehlaw Bawi Jesuh nih a ka fialmi rian, Pathian velngeihnak Thawngṭha chim hi ka lim khawh paoh ahcun ka nunnak hi cu zeihmanh ah ka rel lo.

LAMKALTU 20:33

Ahohmanh an ngun zong ka hngar hna lo, an sui zong ka hngar hna lo, an hnipuan zong ka mit an thi bal lo.

LAMKALTU 20:34

Hi ka kutte hin rian ka ṭuan i keimah le ka hawile nih kan herhmi vialte kha keimahte nih ka chuahpi ti cu nanmah hrimhrim nih nan hngalh ko.

LAMKALTU 8:3

Sihmanhsehlaw Saul nih khan khrihfabu cu hrawh aa zuam; inn khat hnu inn khat in a kal i a zummi hna kha nu thlulo pa thlulo in a hnuh hna i thong ah a thlak hna.

1 KORIN 4:12

kan paw i cawmnak dingah kan kut in fak piin rian kan ṭuan.

1 KORIN 9:12

Midang nih nan sinin cu bantuk hmuh awk kha an i ruahchan ahcun, kannih nih cun kan i ruahchan chinchin awk a si hnga lo maw? Sihmanhsehlaw kannih nih cun, cuticun kan in ti duh hna lo. Khrih kong thawngṭha hi, zeilo nih maw dawn sual lai tiin zeizong vialte kha a in tu in kan in.

1 KORIN 9:18

A si ahcun ṭuan man zeidah ka hmuh? Ka hmuhmi cu, thawngṭha ka chimnak ka rian ah hin, cucu ka hmuh awk, khakha ka hmuh awk ti loin, alak tein ka chim i cu ka chimnak thawngin lungriamhnak ka hmuhmi hi a si.

1THESALON 2:9

U le nau hna, har lengmang in rian kan ṭuan kha nan hngalh ko. Pathian sinin a rami Thawngṭha kan in chimh hna tikah khan, kannih cu nan caah thilrit kan sinak hnga lo, chun he zan he rian kan ṭuan.

2 THESALON 3:8

Ahohmanh nih alak in nan kan cawm lo. Kanmah te nih rian kan ṭuan, aho nan ca hmanh ah thilrit kan si nakhnga lo chunzan in kan ṭuan.