1 KORIN 8:3 - Lai (Hakha) Common Language Bible 2006

³ Sihmanhsehlaw Pathian a dawmipa kha Pathian nih a hngalh.

Laibaibal Thiang (BSI)

³ Asinain mizei pauh nih Pathian a dawt ahcun, Amah nih a hngalhmi a si.

1 KORIN 8:3 ပူးပေါင်းရင်းမြစ်များ

1 SIANGPAHRANG 3:3

Solomon nih Bawipa kha a dawt ko, a pa David nawlbia kha a zulh ko hna; amah belte, khuahrum bo ah khan rai a thawi i zihmui a khangh.

SALM 1:6

Bawipa nih miding cu an lam kha a hngalh, Sihmanhsehlaw miṭhalo cu an lam kha a rawk lai.

SALM 17:3

Ka lung cu na hngalh, zan ah ka sinah na ra. Ṭha tein na ka hneksak cikcek i ka chungah duhnak ṭhalo zeihmanh a um lo kha na hmuh.

EXODUS 33:12

Moses nih Bawipa cu a thawh i, “Hi mi hna hi kha ram ah khan kalpi hna tiah na ka ti taktak, asinain ahodah ka sinah na kalter lai ti kha na ka chim lo. Asinain, ‘Nangmah cu fiang tein kan hngalh i na cungah ka lung a tling,’ na ka ti ṭhiamṭhiam fawn.

EXODUS 33:17

Bawipa nih Moses cu, “Na cungah ka lung a tling i nangmah cu ṭha tein kan hngalh caah, na chim bantuk tein ka tuah lai,” a ti.

JEREMIAH 1:5

“Paw chung i kan ser hlanah kan hngalh i na chuah hlanah kan thianter cang; Nangmah cu miphun hna ca i profet ah kan chiah cang,” tiah a ti.

AMOS 3:2

Vawleicung miphun vialte lakah hin Nanmah lawnglawng hi kan theihhngalhmi hna nan si, Cucaah nan ṭhat lonak vialte ruangah hin dan kan tat hna lai.

NAHUM 1:7

Harnak caan ah amah aa bochanmi caah cun Bawipa cu a fekmi himnak a si; Amah nih ka chanh seh, ti a duhmi paoh cu a zohkhenh hna.

MATTHAI 7:23

Khi tikah annih cu ka thawh hna lai i, ‘Nannih cu aho nan si kha kan hngal bal hna lo. Kal ko u, ṭhat lonak a tuahtu hna,’ tiah ka ti hna lai.

JOHAN 10:14

Tuukhal ṭha cu keimah hi ka si. Pa nih a ka hngalh i keimah nih Pa ka hngalh ve bantukin, ka tuu kha ka hngalh hna i annih nih an ka hngalh ve. Cun an ca i ka lu hloh kha ka sian.

JOHAN 21:17

Cun Jesuh nih cun, “Johan fapa Simon, na ka daw maw?” tiah a ti ṭhan hoi. Jesuh nih, voi thum tiang, na ka daw maw, tiah a hal caah khan Peter cu a ngaih a chia i, “Bawipa, nangmah nih zeizong vialte na hngalh dih, kan dawt cu na hngalh ko hen cu,” a ti. Jesuh nih cun, “Ka tuu kha zohkhenh hna.

ROM 11:2

Pathian nih cun a hramthawk tein a rak thimmi a mi cu a hlaw hna lo. Cathiang chungah a ummi, Israel kong ah Elijah nih Pathian sinah,

1 KORIN 13:12

Atu i kan hmuhmi hi cu, thlalang fiang lo chung i kan mui maw chialchual in kan hmuhmi bantuk khi a si, sihmanhsehlaw cu tikah cun hmaitonh tein kan hmuh lai. Atu i ka hngalhmi hi cu a cheuchum lawnglawng a si, sihmanhsehlaw cu tikah cun Pathian nih a ka hngalhnak a tlin bantukin ka hngalhnak zong a tling ve lai.

1 KORIN 2:9

Sihmanhsehlaw Cathiang nih, “Ahohmanh nih an hmuh bal lomi le an theih bal lomi, A si kho lai, tiah ahohmanh nih a ruah in an ruah bal lomi, Kha thengte kha Pathian nih amah a dawtu hna ca i a timhmi cu a si,” a ti bang khan a si taktak.

GALATI 4:9

Sihmanhsehlaw atu cu Pathian cu nan hngalh cang — atu cu Pathian nih an hngalh hna ka ti deuh awk tu a si — cucaah zeitindah kha a derthawmmi le san a tlai lomi thlarau hna leiah khan i mer ṭhan nan duh? Zeicahdah an sal si, i nolh ṭhan cu nan duh?

2TIMOTE 2:19

Sihmanhsehlaw Pathian nih a bunhmi hram fek cu hninh khawh a si lo, cu hram cungah cun “Bawipa nih amah ta a simi cu a hngalh ko hna,” ti le, “Bawipa ta ka si a timi paoh nih cun palhnak a tuahmi kha a ngol awk a si,” ti kha an i ṭial.

JEIM 1:12

Hneksaknak a in tikah fek tein a ummi cu a lung aa lawm, zeicahtiah cu bantuk hneksaknak kha a tei khawh caah Pathian nih amah a dawtu hna a kamhmi nunnak kha laksawng ah a hmuh lai.

JEIM 2:5

Ka dawtmi ka u le ka nau hna, ngai hmanh u. Pathian nih hi vawlei cung i misifak hna hi, zumhnak i a rummi si awk le amah a dawtu a kamhmi hna Pennak kha a comi si awkah a thim hna.

1 PETER 1:8

Jesuh cu nan hmu naloin nan dawt, cun nan hmu ṭhiamṭhiam lo nain amah cu nan zumh.

1JOHAN 4:19

Kannih nih Pathian kan dawt cu Pathian nih a kan dawt hmasa caah a si.

1JOHAN 4:7

Ka fale hna, dawtnak hi Pathian sinin a rami a si caah pakhat le pakhat i daw u sih. Pakhat le pakhat aa dawmi cu Pathian fa an si i Pathian kha an hngalh.

BIAPHUAN 2:13

Na umnak hmun kha ka hngalh; Satan nih a bawiṭhutdan a chiahnak hmun a si kha ka hngalh. Ka cungah zumhawktlak in na um i keimah ca i zumhawktlak a simi tehte Antipas kha Satan umnak hmun i an thah ah khan, na zumhnak cu na ṭhial tak hlei lo.

BIAPHUAN 2:19

Na tuahmi kha ka hngalh. Dawtnak na ngeihmi le zumhawktlak na sinak le na rianṭuanmi le na lungsaunak kha ka hngalh hna. A hramthawk ah na rak tuahmi nakin atu ah tam deuh na tuah ti kha ka hngalh.

BIAPHUAN 2:9

Na harnak kha ka hngalh ko hna; sifak na si kha ka hngalh — sihmanhsehlaw a ngaingai ti ahcun a rummi na si. Judah mi a si lo nain Judah mi ka si aa timi hna nih an in thangchiatnak kha ka hngalh; annih cu Satan ta a simi bu an si!