1 KORIN 8:2 - Lai (Hakha) Common Language Bible 2006

² Zeizong ka hngal ve ko, tiin aa ruatmipa nih hin a hngalh awk tlukin a hngal tawn lo.

Laibaibal Thiang (BSI)

² Mizei pauh nih thil hngal ngai i â ruah ahcun a hngalh ding zat cu a hngal rih lo, tinâk a si.

1 KORIN 8:2 ပူးပေါင်းရင်းမြစ်များ

PHUNGTHLÛKBIA 26:12

Amah aa hmuhnak ah ka fim aa timi nakcun, mihrut caah ruahchannak a um deuh.

ROM 11:25

Ka u le ka nau hna, biathli pakhat nan hngalh awk i ka duhmi a um. Cu nih cun ka fim tiah i ruat loin an umter hna lai. Cu biathli cu hihi a si: Israel mi lung khohkhal i an um hi zungzal ca in a si lo, Jentail mi an dihlak in Pathian sin i an rat caan tiang ca lawng a si lai.

1 KORIN 13:12

Atu i kan hmuhmi hi cu, thlalang fiang lo chung i kan mui maw chialchual in kan hmuhmi bantuk khi a si, sihmanhsehlaw cu tikah cun hmaitonh tein kan hmuh lai. Atu i ka hngalhmi hi cu a cheuchum lawnglawng a si, sihmanhsehlaw cu tikah cun Pathian nih a ka hngalhnak a tlin bantukin ka hngalhnak zong a tling ve lai.

1 KORIN 3:18

Hi kong ah hin palh sual hrimhrim hlah u: nan lakah ka fim ti aa ruatmi nan um ahcun, — ka chim duhmi cu hi vawlei cung fimning in ka fim ti aa ruatmi nan um ahcun ka ti duhnak a si — mifim ngaingai a si khawh nakhnga mihrut ah i cang seh.

GALATI 6:3

Ahohmanh nih, zeihmanh si set ṭung loin, pa ka si ve tiin aa ruah ahcun amah le amah aa hlen a si.