1 KORIN 8:13 - Lai (Hakha) Common Language Bible 2006

¹³ Cucaah rawl nih ka unau kha a sualter nakcha cun sa zeihmanh ka ei ti lai lo, ka unaupa ca i tluknak a chuahtertu si cu ka duh lo.

Laibaibal Thiang (BSI)

¹³ Cucaah eiding nih ka unau a tlukter ahcun, ka unau a tluk tinâk hngalo, sa ka ei ti lai lo.

1 KORIN 8:13 ပူးပေါင်းရင်းမြစ်များ

MATTHAI 17:27

Sihmanhsehlaw hi mi hna hi an thinhunter ka duh lo. Cucaah rili ah va kal law sio va thla, na sio hmasa bikmi nga kha a ka va keu law a ka chungah cun kan pahnih ca i a za ding tangka na hmuh lai; cun va kal law biakinn ngunkhuai cu va pe hna,” tiah a ti.

LAMKALTU 15:20

Cu nakin kan tuah awk deuh a si tiah ka ruahmi cu, ca kan kuat hna lai i siasal sinah pekchanh ciami sa cu thurhnawmh cangmi sa a si caah ei nan i sum lai, nu le pa sualnak khan an i sum lai, hngawngdih sa ei nan i sum lai, zei thi hmanh ei nan i sum lai, tiah kan ti hna lai.

ROM 14:13

Cucaah pakhat le pakhat i soi lengmang kha ngol u sih. Nan unau tlukrilhternak le sualnak chung i tlakternak ding caah zeihmanh tuah lo ding tu kha i zuam u.

ROM 14:21

Cucaah sa ei i sum tehna, zu din i sum tehna, nan unau a tlukrilhtertu a si ding paohpaoh tuah i sum tehna kha ahmaanmi thil a si.

1 KORIN 10:32

Judah mi si hna seh, Jentail mi si hna seh, Pathian Khrihfabu si hna seh, ahohmanh harnak nan pek hna nakhnga lo, cuticun nan nuncanning cu siter ko u.

1 KORIN 10:33

Ka tuahningte khan tuah ve u; ka tuahmi thil paohpaoh ah hin midang lawmhtertu si kha kaa zuam tawn; keimah ca ṭhatnak ding kha ruat loin mi vialte ṭhatnak ding tu kha ka ruat deuh; cu ti ka ruah cu khamhnak an hmuh khawh nakhnga caah a si.

1 KORIN 13:5

Dawtnak cu tlabulbal in khua a sa lo i amah zawn lawng aa ruat lo; a thin a tawi lo, palhnak kha aa cinken peng lo.

1 KORIN 6:12

Mi cheu nih nan i thawh lai i, “Kei cu zeipaoh tuah onh ka si ko,” nan ti. Asi, zeipaoh tuah onh na si ko lai, sihmanhsehlaw zeipaoh kha na caah a ṭha dih lo. Kei zong nih, “Zeipaoh tuah onh ka si,” ka ti khawh ve, sihmanhsehlaw zeihmanh kaa salter lai lo.

1 KORIN 9:12

Midang nih nan sinin cu bantuk hmuh awk kha an i ruahchan ahcun, kannih nih cun kan i ruahchan chinchin awk a si hnga lo maw? Sihmanhsehlaw kannih nih cun, cuticun kan in ti duh hna lo. Khrih kong thawngṭha hi, zeilo nih maw dawn sual lai tiin zeizong vialte kha a in tu in kan in.

2 KORIN 11:29

Pakhatkhat an derthawm ah, kei zong ka derthawm ve, pakhat khat sualnak chung i an tlak ah lungretheih in ka thi.

2 KORIN 6:3

Kan rianṭuannak ah ahohmanh nih an kan soi nakhnga lo, ahohmanh an lam ah dawntu chiah kan duh lo.