1 KORIN 8:10 - Lai (Hakha) Common Language Bible 2006

¹⁰ A biana ah, mipa pakhat, a chiaṭha thleidannak a dermipa nih, siasal biaknak inn i nannih “hngalhnak a ngeimi hna” rawl nan ei cu an hmuh hna; cu nih cun bawlnak sa cu ei awk a si ko tiah a forh lai lo maw?

Laibaibal Thiang (BSI)

¹⁰ Zeitintiah nang hngalhnâk ngeitu kha, milem biaknâk hmun i rawl na dumlio mi nih an in hmuh i chiaṭha hngalhnâk lei i thazâng dermi a rak si ahcun milem biaknâk rawl ei kha ngamhnâk ah a hman sual lai.

1 KORIN 8:10 ပူးပေါင်းရင်းမြစ်များ

AMOS 2:8

Biahrennak ca i an lakmi puan cungah khan biakṭheng pawng kip ah an it i An Pathian inn chungah khan dantatnak in an lakmi zureu kha an din.

NAMBAR 25:2

Mah mi hna nih hin Israel mi hna cu an pathian sin i rai an thawinak ah khan an sawm hna i an ei ve i an pathian hmaiah khan an kun.

LAMKALTU 15:20

Cu nakin kan tuah awk deuh a si tiah ka ruahmi cu, ca kan kuat hna lai i siasal sinah pekchanh ciami sa cu thurhnawmh cangmi sa a si caah ei nan i sum lai, nu le pa sualnak khan an i sum lai, hngawngdih sa ei nan i sum lai, zei thi hmanh ei nan i sum lai, tiah kan ti hna lai.

ROM 14:14

Bawipa Jesuh he kan i pehtlaihnak nih fiang tein a ka hngalhtermi cu hihi a si: zei thil hmanh hi anmahte in a thurhnawmmi an si lo, sihmanhsehlaw pakhatkhat nih thil pakhatkhat cu a thurhnawm in a ruah ahcun cu thil cu a caah cun a thurhnawm ah a cang taktak ko.

ROM 14:23

Sihmanhsehlaw a eimi kha a ei tikah lungawṭawm in a ummi cu Pathian nih sual a phawt, zeicah tiah a tuahmi cu zumhnak thawngin a si lo. Cun thil zeipaoh zumhnak thawngin tuah a si lomi cu sual a si.

1 KORIN 10:32

Judah mi si hna seh, Jentail mi si hna seh, Pathian Khrihfabu si hna seh, ahohmanh harnak nan pek hna nakhnga lo, cuticun nan nuncanning cu siter ko u.

1 KORIN 8:4

Cucaah bawlnak sa ei kong ah cun hitihin ka ruah: siasal cu pakpalawng men an si ko, pathian an si lo, Pathian cu pakhat lawnglawng a si ti kha kan hngalh.

1 KORIN 8:7

Sihmanhsehlaw mi kip nih hi biatak hi hngalh a si lo. Mi a cheu cu siasal he an rak i ciahnak kha a sau tuk cang caah nihin ni tiang hrimhrim hin bawlnak sa an ei tikah cu sa cu siasal ta a si tiin an ruah; an chiaṭha thleidannak kha a der i sa nih cun a kan thurter tiin an ruah.

1 KORIN 8:9

Asinain ralring te tu in um u law nan luatnak kha zumhnak a dermi sualnak chung i a tlaktertu siter sual hlah u.

BIACEIHTU 9:27

Cun lo ah khan an kal i an mitsur dum chung i mitsur tlai kha an pumh hna i an nen hna i puai an tuah i an Pathian inn chungah khan an lut i, an ei an ding i Abimelek kha an zawmhtaih.