1 KORIN 7:29 - Lai (Hakha) Common Language Bible 2006

²⁹ Ka u le ka nau hna, ka chim duhmi cu hihi a si: caan hi tampi a tang ti lo i cucaah cun atu ri hin cun nupi ngeimi nih a ngei lo bantukin um hna seh;

Laibaibal Thiang (BSI)

²⁹ Cucaah hihi ka ti, unau hna, cân a tlawmcang i atu thawk cun nupi ngei zong ngeilomi bangin an um i

1 KORIN 7:29 ပူးပေါင်းရင်းမြစ်များ

2 SAMUEL 19:34

Sihmanhsehlaw Barzillai nih siangpahrang cu, “Kum zeizat hen dah nun awk kaa bat rih i siangpahrang sinah Jerusalem ah ka hei kal hnga cu?

PHUNGCHIMTU 6:12

Zeitindah, ahohmanh nih a nun chung caan tawite, pakpalawng ngai a simi chungah hin zeidah ka caah a ṭha bik ti cu an hngalh khawh lai? A nunnak tham cu thladem bangin a lo zaumi pei a si ko cu. Aho nih dah a thih hnuah hin vawlei cungah zeidah a hung um lai ti kha a hngalh khawh lai?

PHUNGCHIMTU 9:10

Na tuahmi cu a ṭhat khawh chungin tuah, zeicah tiah Sheol ah cun rian siseh, ruahnak siseh, hngalhnak siseh, fimnak siseh a um ti lo i cuka cu na kalnak ding hmun cu a si.

EZEKIEL 7:12

Caan cu a tlung cang, cu ni cu a phan cang; cawtu zong i lawmh awk a si lo, zuartu zong i ngaihchih awk a si hlei lo, zeicahtiah an i tuai le an i hmalnak cungah khan a dihlak in ka thin a hung.

LUKA 14:20

A pathumnak nih aa thawh i, ‘Atute kha nupi ka ṭhi i ka ra thiam lai lo,’ tiah a ti.

1 KORIN 7:28

Asinain nupi nan ṭhit ahcun nan sual tinak a si lo, va nan ngeih ahcun nan sual tinak a si lo, ka duhmi cu cu bantuk mi hna nih nifate in a chuak lengmangmi harnak an ton laimi hi luat hna seh ti tu hi a si.

1 KORIN 7:30

a ṭapmi cu ngaihchia lomi bantukin um hna seh; a nimi cu lunglawm lomi bantukin um hna seh; thil a cawmi nih an cawkmi kha kan ta a si lo ti bantukin um hna seh law

1 KORIN 7:31

vawleicung thil a tawngthammi hna nih khan vawleicung thil hi tlamtling in kan tawngtham manh hna lai lo ti bantukin um hna seh. Zeicahtiah vawlei hi atu bang hin cun saupi a um ti lai lo.

1 PETER 1:24

Cathiang nih a ti bangin, “Mi vialte cu ram bantuk an si, An sunparnak vialte cu ramlak pangpar bantuk a si; Ram cu a thi i pangpar cu a ṭil,

1 PETER 4:7

Zeizong vialte donghnak caan hi a nai ko cang. Cucaah cun thla nan cam khawh nakhnga, mah le mah aa uk khomi le ralring tein a ummi nan si lai.

1JOHAN 2:17

Vawlei le a chung i a ummi thil minung nih an duhmi hna hi an lo cuahmah cang; sihmanhsehlaw Pathian duhnak a tuahmi cu zungzal in an nung.